Tito 1:2 - Somi He Ɔ

² nɛ maa si ngɛ neneene wami ɔ he hɛ kɛ nɔ fɔmi ɔ mi. Mawu nɛ yi lakpa a wo wɔ kikɛmɛ a wami nɛ ɔ he si loko a bɔ je mi be ɔmɛ,

BAIBLO ALOO NGMAMI KLƆUKLƆU Ɔ

² Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Tito 1:2 ပူးပေါင်းရင်းမြစ်များ

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Marko 10:17

Nɛ benɛ e je kpo kɛ ma blɔ ɔ nɔ ɔ, nɔ ko sa fo kɛ ba na lɛ nɛ e ba kpla si ngɛ e hɛ mi, nɛ e bi lɛ ke: “Tsɔɔlɔ kpakpa, mɛni ma pee nɛ ma na neneene wami?”

Marko 10:30

nɛ e be wehi kɛ nyɛmimɛ nyumuhi kɛ nyɛmimɛ yihi kɛ nyɛmɛ kɛ bimɛ kɛ zugbahi kɛ yi wami hu totoe lafa nae ngɛ be nɛ ɔ mi lokoo kɛ neneene wami hulɔ ngɛ je nɛ maa ba a mi.

Yohane 10:28

nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ.

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

Yohane 5:39

Nyɛ hla ngmami ɔmɛ a mi; ejakaa nyɛ nitsɛmɛ nyɛ susuu kaa kɔlɔ ɔmɛ a mi nyɛ naa neneene wami ngɛ, nɛ kɔlɔ ɔmɛ nɔuu ji nihi nɛ yeɔ ye he odase ɔ nɛ.

Yohane 6:54

Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ.

Yohane 6:68

Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ;

Ni Tsumi 15:18

Nyɔmtsɛ ɔ nɛ ha a le enɛ ɔmɛ kulaa kɛ je lokoo ɔ lɛ de.

Romabi 1:2

Sane Kpakpa nɛ ɔ ɔ, Mawu wo he si ngɔ to momo kɛ gu e gbali ɔmɛ a nɔ ngɛ Ngmami Klɔuklɔu ɔmɛ a mi.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Romabi 5:2

Lɛ e nɔ wa gu nɛ waa kɛ hemi kɛ yemi ɔ na blɔ kɛ ba dloomi nɛ wa daa si ngɛ mi ɔ mi, nɛ wa fiaa fɔɔ Mawu hɛ mi nyami ɔ nɛ wa hɛ ngɛ nɔ ɔ nɔ.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Romabi 5:4

nɛ tsui si tomi ɔ hu tsɛɛ nihi a si kpami kɛ baa, nɛ nihi a si kpami ɔ tsɛɛ hɛ kɛ nɔ fɔmi kɛ baa.

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

1 Tesalonikabi 2:15

nihi nɛ gbe Nyɔmtsɛ Yesu kɛ mɛ nitsɛmɛ a gbali ɔmɛ hulɔ, nɛ a waa wɔ hu yi mi, nɛ a sɛ́ Mawu hɛ mi, nɛ a kɛ nimli tsuo yi,

1 Tesalonikabi 5:8

Se wɔɔ lɛɛ akɛnɛ piani bimɛ ji wɔ he je ɔ, nyɛ ha wa hɛ nɛ ka si, nɛ waa wo hemi kɛ yemi kɛ suɔmi dama a, nɛ wa bu dade pɛɛ nɛ ji yi wami hemi hɛ kɛ nɔfɔmi ɔ.

1 Timoteo 6:12

Hwu hemi kɛ yemi ta kpakpa a, pɛtɛ neneene wami ɔ he, nɔ́ he hulɔ nɛ a tsɛ mo kɛ ba benɛ o jaje jajemi kpakpa ngɛ odasefohi fuu a hɛ mi, ɔ.

1 Timoteo 6:19

a to juetli ngɔ ha a he, nɛ e pee sisi tomi kpakpa ha be nɛ maa ba a, konɛ a pɛtɛ anɔkuale wami ɔ he.

2 Timoteo 1:1

Paulo nɛ ji Yesu Kristo bɔfo ngɛ Mawu suɔmi nya kɛ wami nɛ ngɛ Kristo Yesu mi ɔ he si womi nya a,

2 Timoteo 1:9

Nɔ nɛ he wa yi wami nɛ e kɛ tsɛmi klɔuklɔu tsɛ wɔ, pi ngɛ wa ni tsumihi a nya, se mohu ngɛ lɛ nitsɛ e yi mi tomi kɛ e dloomi nya, nɔ́ nɛ e ngɔ ha wɔ ngɛ Kristo Yesu mi loko a bɔ je ɔ,

2 Timoteo 2:10

Enɛ ɔ he je ɔ i miaa ye hɛ mi ngɛ sanehi kulaa mi ngɛ nihi nɛ ahla mɛ ɔ a he, konɛ mɛ hu a nine nɛ su yi wami hemi nɛ ngɛ Kristo Yesu mi ɔ kɛ neneene hɛ mi nyami ɔ nɔ.

2 Timoteo 2:13

Ke wa pee we wa he anɔkualetsɛmɛ ɔ, lɛɛ e maa hi si anɔkualetsɛ, ejakaa e be nyɛe ma je lɛ nitsɛ e he se.”

2 Timoteo 2:15

Bɔɔ mɔde nɛ o da si ngɛ Mawu hɛ mi kaa znɔ ko nɛ sa, ni tsulɔ nɛ gbo we zo nɛ tsɔɔ anɔkuale munyu ɔ pɛpɛɛpɛ.

Tito 2:13

nɛ waa hyɛ Mawu Ope ɔ kɛ wa yiwami helɔ Yesu Kristo gbaami nɛ wa hɛ ngɛ nɔ ɔ kɛ e hɛ mi nyami ɔ he kpo jemi ɔ blɔ;

Tito 2:7

Nɛ nihi kulaa blɔfami ɔ, ngɔɔ mo nitsɛ o he ngɔ to mɛ okadi ngɛ ni tsumi kpakpahi a he, nɛ ni tsɔɔmi mi ɔ, o tsɔɔ tsɔɔmi klɔuu, nihi nɛ haa nɔ hɛ mi jiɔ,

Tito 3:7

konɛ bɔ nɛ a wo wɔ nguɔ ngɛ lɛ nɔuu e dloomi nya a, a ha waa pee neneene wami ɔ yeli ngɛ hɛ kɛ nɔ fɔmi ɔ nya.

1 Yohane 2:25

Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

Yuda 1:21

nɛ nyɛɛ to nyɛ he ngɛ Mawu suɔmi ɔ mi, nɛ nyɛɛ hyɛ wa Mawetsɛ Yesu mɔbɔ nami ɔ blɔ, konɛ nyɛ na neneene wami.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.