Tito 1:11 - Somi He Ɔ

¹¹ nihi nɛ sa kaa a ku a nya, ejakaa a butuu we mlukuhi kulaa, nɛ zo nihi a se nami he ɔ a tsɔɔ tsɔɔmihi nɛ dɛ.

BAIBLO ALOO NGMAMI KLƆUKLƆU Ɔ

¹¹ E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Tito 1:11 ပူးပေါင်းရင်းမြစ်များ

2 Timoteo 3:6

Ejakaa ni nɛ ɔmɛ a kpɛti ni komɛ ji nihi nɛ juɔ si sɛɛ wehi a mi nɛ a ya ngɔɔ yihi nɛ be yi mi nɛ yayami ye a nɔ nɛ akɔnɔ slɔɔtohi kpakaa mɛ

1 Timoteo 6:5

nɛ ji yakayaka ngmlaa kpami nɛ nimli nɛ a juɛmi puɛ nɛ a kpɔ anɔkuale ɔ ngɛ a dɛ nɛ a susuɔ kaa Mawu jami ji ni nami ɔ.

Romabi 3:19

Jeha nɛ ɔ wa le kaa nihi kulaa nɛ Mlaa a deɔ ɔ, nihi nɛ ngɛ Mlaa a sisi ɔ e ngɛ dee, konɛ nɔ ko nɔ ko ko na nya, nɛ je mluku ɔ tsuo nɛ ye fɔ ngɛ Mawu hɛ mi.

Tito 3:10

Nɔ ko nɛ kɛ mi gbami baa a, ke o bɔ lɛ kɔkɔ si kake kɛ si enyɔ ɔ, kua lɛ;

Tito 1:9

nɔ nɛ hɛɛ anɔkuale tsɔɔmi ɔ mi, konɛ e nyɛ nɛ e tu munyu ngɔ tsɔɔ nihi ngɛ ni tsɔɔmi nɛ tsaa nɔ ɔ mi, nɛ ninɛmɛ nɛ tee si siɔ munyu ɔ hu, e ka a hɛ mi.

Tito 1:7

Ejakaa nɔ hyɛlɔ ɔ, e sɛ kaa piami ko hii e he, akɛnɛ Mawu we mi sɔmɔlɔ nɔkɔtɔma ji lɛ he je ɔ; pi nɔ nɛ peɔ lɛ nitsɛ e tsui nya ni, pi mi mi latsɛ, pi da nulɔ, pi nine kpokpookpotsɛ, pi kpɛletsɛ,

2 Korintobi 11:10

Be abɔ nɛ Kristo anɔkuale ɔ ngɛ ye mi nɛ ɔ, nɔ ko nɔ ko be ye fiami nɛ ɔ nya tsie ngɛ Akaia ni ɔmɛ a mi.

Luka 20:40

Nɛ a kɛ́ lɛ sane ko bimi hu.

Yohane 10:12

Se nɔ nɛ ji apafono nɛ e pi to ɔmɛ a hyɛlɔ, nɔ nɛ to ɔmɛ pi e nihi ɔ, naa kaa ogbetee ma, nɛ e siɔ to ɔmɛ nɛ e tuu fo, nɛ ogbetee, ɔ ba nuu mɛ nɛ e gbɛɛ to ɔmɛ fiaa.

Mateo 23:13

“Musu tloo nyɛ, mlaa tsɔɔli kɛ Farisifohi, osatotsɛmɛ, ejakaa nyɛ ngaa hiɔwe matsɛ yemi ɔ nya ngɛ nimli a hɛ mi; se nyɛ nitsɛmɛ ɔ nyɛ sɛ we mi, nɛ ninɛmɛ nɛ hlaa nɛ a sɛ mi ɔ hu ɔ, nyɛ ha we mɛ e mi sɛmi he blɔ. [

1 Timoteo 5:4

Ke yalɔyo ko ngɛ bimɛ loo bibimɛ ɔ, a kase Mawu gbeye yemi ngɛ mɛ nitsɛmɛ a we mi kekle, nɛ a to a fɔli ɔmɛ nane mi pɛpɛɛpɛ, ejakaa enɛ ɔ ngɛ fɛu nɛ e sa Mawu hɛ mi.

1 Timoteo 5:13

Nɛ enɛ ɔ se ɔ a kaseɔ hejɔ peemi kɛ si pomi ngɛ wehi a mi, nɛ pi hejɔ kɛkɛ nɛ a peɔ, se a peɔ a he sieku yeli, kɛ si jeli nɛ tuɔ munyu nɛ sɛ.

2 Timoteo 2:18

nihi nɛ tla blɔ kɛ je anɔkuale ɔ he, nɛ a deɔ ke si temi ɔ be momo, nɛ a butuu ni komɛ a hemi kɛ yemi ɔ.