Romabi 9:11 - Somi He Ɔ

¹¹ Se benɛ a na we nɛ a fɔ bimɛ, nɛ jeha nɛ a tsu we nɔ kpakpa loo nɔ yaya ko ɔ, benɛ pee nɛ Mawu yi mi nɛ e to ngɛ e hlami nya a nɛ ma si,

BAIBLO ALOO NGMAMI KLƆUKLƆU Ɔ

¹¹ Se bɔ nɛ pee nɛ yi mi nɛ Mawu to kɛ hla nɔ kake ɔ nɛ ba mi ɔ, be nɛ a na we nɛ a fɔ mɛ tete, pohu a na we nɛ a pee nɔ́ kpakpa ko, loo nɔ́ yaya ko ɔ,

Romabi 9:11 ပူးပေါင်းရင်းမြစ်များ

2 Timoteo 1:9

Nɔ nɛ he wa yi wami nɛ e kɛ tsɛmi klɔuklɔu tsɛ wɔ, pi ngɛ wa ni tsumihi a nya, se mohu ngɛ lɛ nitsɛ e yi mi tomi kɛ e dloomi nya, nɔ́ nɛ e ngɔ ha wɔ ngɛ Kristo Yesu mi loko a bɔ je ɔ,

2 Petro 1:10

Lɔ ɔ he ɔ, mamimɛ, nyɛɛ bɔ mɔde nɛ nyɛɛ wa je nyɛ tsɛmi kɛ nyɛ hlami ɔ, ejakaa ke nyɛ pee enɛ ɔ ɔ, nyɛ be si gbee gblegbleegblee.

Tito 3:5

lɔ ɔ lɛɛ pi dami ni tsumihi nɛ wa tsu nya, se mohu lɛ nitsɛ e mɔbɔ nami nya, kɛ gu ehe fɔmi, he dumi kɛ Mumi Klɔuklɔu ɔ ehe peemi ɔ nɔ he wa yiwami,

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.

Romabi 4:17

kaa bɔ nɛ a ngma a ke: “I ngɔ mo ngɔ pee majeli fuu a tsɛ,” ngɛ Mawu nɔ nɛ e he yeɔ ɔ hɛ mi, nɔ nɛ tsɛɛ ni gbogboehi a hɛ, nɛ e tsɛɔ nihi nɛ be ɔ kaa nihi nɛ ngɛ momo ɔ.

Efesobi 2:9

pi ni tsumihi a mi nɛ e je, konɛ nɔ ko nɛ ko fia.

1 Tesalonikabi 1:4

Ejakaa mamimɛ nɛ Mawu suɔ, wa le hlami nɛ a hla nyɛ ɔ,

Efesobi 2:3

kɔlɔ ɔmɛ a mi wɔ tsuo hu wa ba wa je mi ngɛ sa ngɛ wa he lo akɔnɔ ɔmɛ a mi, nɛ wa tsu nihi nɛ he lo kɛ juɛmi suɔ ɔ, nɛ wa ji Mawu muklii mi fumi bimɛ ngɛ wa fɔmi su ɔ nya kaa nihi nɛ piɛ ɔmɛ nɔuu.

1 Tesalonikabi 2:12

Wa wo nyɛ he wami, wa wo nyɛ bua, nɛ wa su nyɛ kaa nyɛɛ nyɛɛ bɔ nɛ sa Mawu nɛ tsɛ nyɛ kɛ ba lɛ nitsɛ e matsɛ yemi kɛ e hɛ mi nyami ɔ mi ɔ hɛ mi.

Efesobi 3:11

ngɛ neneene yi mi nɛ e to ngɛ Kristo Yesu, wa Nyɔmtsɛ ɔ, mi ɔ nya,