Romabi 8:5 - Somi He Ɔ

⁵ Ejakaa nihi nɛ hii si ngɛ he lo nya a, he lo nihi a he a susuu, se nihi nɛ hii si ngɛ mumi nya a susuu mumi mi nihi a he.

BAIBLO ALOO NGMAMI KLƆUKLƆU Ɔ

⁵ Nihi nɛ baa a je mi ngɛ he lo nya a, he lo mi níhi a he a susuu. Se nihi nɛ baa a je mi ngɛ mumi ɔ blɔ tsɔɔmi nya a, mumi mi níhi a he a susuu.

Romabi 8:5 ပူးပေါင်းရင်းမြစ်များ

1 Korintobi 2:14

Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

Yohane 3:6

Nɔ́ nɛ a je he lo mi fɔ ɔ, he lo ʼi; nɛ nɔ́ nɛ a je Mumi mi fɔ ɔ, Mumi ʼi.

Romabi 8:9

Se ke e ngɛ mi kaa Mawu Mumi hii nyɛ mi ɔ, lɔ ɔ lɛɛ nyɛ be he lo ɔ sisi, se mohu mumi ɔ sisi nyɛ ngɛ. Ke nɔ ko be Kristo Mumi ɔ, lɛɛ tsa pi Kristo nɔ́ ji lɛ.

Marko 8:33

Se benɛ Yesu plɛ e he nɛ e na e kaseli ɔmɛ ɔ, e ka Petro hɛ mi ke: “Jee ye nɔ, Satan, ejakaa o susuu we Mawu nihi a he, se nimli a nihi a he mohu o susuu!”

2 Korintobi 10:3

E ngɛ mi kaa he lo mi wa ngɛ mohu, se wa hwui wa ta a ngɛ he lo nya.

2 Petro 2:10

se titli ɔ, nihi nɛ nyɛɛ he lo se ngɛ he blemi akɔnɔ mi, nɛ a gbee Mawu nɔ yemi he guɛ ɔ. Kikɛmɛ a lakpa tsɔɔli nɛ ɔmɛ a tsui wa, nɛ a woɔ a he, nɛ a bui hiɔwe bɔfohi tete, nɛ a tuɔ a he munyu yaya.

Efesobi 5:9

Ejakaa la a yiblii ji mi mi himi kɛ dami kɛ anɔkuale tsuo.

1 Korintobi 15:48

Bɔ nɛ zugba nɛ ɔ nɔ no ɔ ngɛ ɔ, jã zugba nɛ ɔ nɔ bi ɔmɛ hu ngɛ; nɛ bɔ nɛ hiɔwe no ɔ ngɛ ɔ, ja hiɔwe bi ɔmɛ hu ngɛ.

Galatabi 5:17

Ejakaa nihi nɛ he lo ɔ dii se ɔ kɛ mumi ɔ yi, nɛ nihi nɛ mumi ɔ hu dii se ɔ kɛ he lo ɔ yi. Ni nɛ ɔmɛ kɛ a he yi, konɛ nyɛ ko pee nihi nɛ nyɛ suɔ.