Romabi 8:2 - Somi He Ɔ

² Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

BAIBLO ALOO NGMAMI KLƆUKLƆU Ɔ

² Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Romabi 8:2 ပူးပေါင်းရင်းမြစ်များ

Romabi 6:14

Ejakaa yayami be nyɛ nɔ he wami nae, ejakaa pi mlaa sisi nɛ nyɛ ngɛ, se mohu dloomi sisi nyɛ ngɛ.

2 Korintobi 3:17

Jehanɛ, Nyɔmtsɛ ɔ ji Mumi ɔ nɛ; nɛ he nɛ Nyɔmtsɛ ɔ Mumi ɔ ngɛ ɔ, lejɛ ɔ he yemi ngɛ.

Romabi 6:18

A kpɔ nyɛ kɛ je yayami dɛ mi nɛ nyɛ ye nyɛ he nɛ nyɛ plɛ dami nyɔguɛhi.

2 Korintobi 3:6

lɛ nɔuu lɛ e ha wa sa, nɛ wa plɛ Somi He ɔ he sɔmɔli, pi ngmami okadi nɔ́ se mohu mumi nɔ́, ejakaa ngmami okadi ɔ gbee nɔ, se mumi ɔ haa nɔ yi naa wami.

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Yohane 8:36

Lɔ ɔ he ɔ ke bi ɔ ha nyɛ ye nyɛ he ɔ, lɔ ɔ loko nyɛ maa ye nyɛ he niinɛ.

Yohane 8:32

nɛ nyɛ maa le anɔkuale ɔ, nɛ anɔkuale ɔ ma ha nyɛ maa ye nyɛ he.”

Romabi 7:4

Mamimɛ, ja nɔuu nyɛ hu a kɛ Kristo nɔmlɔ tso ɔ gbe nyɛ ngɔ ha Mlaa a, konɛ nyɛ plɛ nɔ kpa na ji nɔ nɛ a tle lɛ si kɛ je gbeje ɔ nihi, konɛ waa wo yiblii ha Mawu.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

Yohane 6:63

Mumi ɔ ji nɔ́ nɛ haa wami ɔ nɛ; he lo ɔ he be se nami ko. Munyuhi nɛ i kɛ nyɛ tu ɔ, mumi ʼi, nɛ wami ʼi.

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Yohane 4:10

Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Galatabi 5:1

Kristo pee wɔ odehehi, nɛ e ha wa ye wa he, lɔ ɔ he ɔ nyɛɛ da si kpitikplii nɛ nyɛ ko ha a bɔ nyɛ nyɔguɛ yemi pã a hu.

Galatabi 2:19

Ejakaa imi lɛɛ i gu mlaa a nɔ kɛ gbo ha mlaa a, konɛ ye hɛ nɛ hi ngmengmle ha Mawu.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Romabi 7:21

Lɛɛ i naa mlaa nɛ ɔ kaa imi nɛ i suɔ kaa ma pee nɔ́ nɛ hi ɔ, yayami mohu mɛtɛ ye he.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Romabi 3:27

Jeha nɛ ɔ jije fiami ɔ ngɛ? A je lɛ kɛ je. Mɛni mlaa nɔ a gu? Ni tsumi hi a nɔ lo? Dɛbi, hemi kɛ yemi mlaa nɔ mohu a gu.

Kpojemi 11:11

Nɛ ligbi etɛ kɛ fa a se ɔ, wami mumi je Mawu ngɔ ba a mi, nɛ a te si da a nane nɔ, nɛ gbeye nɛ nya wa nu nihi nɛ na mɛ ɔ.

Romabi 7:23

Se i naa mlaa muno ko ngɛ ye nɔmlɔ tso he ni ɔmɛ a mi nɛ kɛ ye juɛmi mlaa a hwuɔ ta, nɛ e ngɔɔ mi nyɔguɛ ngɔ haa yayami mlaa a nɛ ngɛ ye nɔmlɔ tso he ni ɔmɛ a mi ɔ.

Romabi 8:1

Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

Romabi 16:3

Nyɛ nga Priska kɛ Akwila, nɛ ji ye huɛmɛ ni tsuli ngɛ Kristo Yesu mi ɔ ha mi,

Galatabi 6:2

Nyɛ tlomi ɔmɛ ɔ, nyɛɛ kpee nyɛ he kɛ tloo, nɛ lɔ ɔ loko nyɛ maa ye Kristo mlaa a nɔ.

Yakobo 1:25

Se nɔ nɛ hyɛɛ he yemi mlaa nɛ hi kɛ pi si kãii, nɛ e hɛ hii he be tsuaa be, nɛ e pi nɔ nɛ nuɔ nɛ e hɛ jee nɔ, se mohu e ji e nɔ yelɔ nɛ tsuɔ he ni ɔ, jamɛ a tsɛ ɔ Mawu maa gbaa lɛ ngɛ e nɔ́ tsuaa nɔ́ peemi mi.