Romabi 8:16 - Somi He Ɔ

¹⁶ Mawu Mumi ɔ nitsɛ kɛ wa mumi ɔ yeɔ odase kaa Mawu bimɛ ji wɔ.

BAIBLO ALOO NGMAMI KLƆUKLƆU Ɔ

¹⁶ Mawu mumi ɔ nitsɛ kɛ wɔ hu wa mumi ɔ yeɔ odase kaa Mawu bimɛ ji wɔ.

Romabi 8:16 ပူးပေါင်းရင်းမြစ်များ

1 Yohane 4:13

Enɛ ɔ waa kɛ leɔ kaa wa hii Mawu mi nɛ lɛ hu e hii wa mi, ejakaa e ngɔ lɛ nitsɛ e Mumi ɔ eko ngɔ ha wɔ.

2 Korintobi 1:22

nɛ e sɔu wa nya, nɛ e kɛ Mumi ɔ yi ba pomi nɔ́ ha wɔ ngɛ wa tsui mi hulɔ.

2 Korintobi 5:5

Se nɔ nɛ dla wɔ ha tsakemi nɛ ɔ nɔuu ji Mawu, nɔ nɛ ha wɔ Mumi ɔ kaa se dami nɔ ɔ.

Efesobi 1:13

Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

Romabi 8:26

Ja nɔuu Mumi ɔ hu yeɔ buaa wa gbedemi ɔ; ejakaa bɔ nɛ sa kaa wa ko sɔle kɛ bi nɔ nɛ da a, wa li; se Mumi ɔ nitsɛ kɛ kɔmɔ yemi nɛ a be nyɛe maa kale daa mi haa wɔ.

Efesobi 4:30

Nɛ nyɛ ko pee Mawu Mumi Klɔuklɔu ɔ nɔdɔ nɔ́, nɔ mi nɛ pa sɔu nyɛ nya ngɛ ngɔ to kpɔmi ligbi ɔ.

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

Romabi 8:23

Nɛ tsa pi mɛ kɛkɛ, se mohu wɔ nitsɛmɛ tete, wɔ ninɛmɛ nɛ wa na Mumi ɔ kekle yiblii ɔmɛ, wɔ nitsɛmɛ hu wa laa zanue ngɛ wa mi, nɛ wa hyɛɛ bimɛ a plɛmi nɛ ji wa nɔmlɔ tso kpɔmi ɔ blɔ.

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

Mateo 5:9

“A gbaa ninɛmɛ nɛ kpataa a: se a ma tsɛ mɛ Mawu bimɛ.

Luka 20:36

nɛ jeha nɛ ɔ hu a be gboe hulɔ, ejakaa a ngɛ kaa hiɔwe bɔfohi nɛ Mawu bimɛ ji mɛ, akɛnɛ si temi bimɛ ji mɛ he je ɔ.

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

Ni Tsumi 5:32

Nɛ wɔ ji kikɛmɛ a sane nɛ ɔmɛ a he odase yeli, ja nɔuu ji Mumi Klɔuklɔu ɔ hu nɛ Mawu ngɔ ha nihi nɛ buɔ lɛ tue ɔ.”

Romabi 8:14

Ejakaa nihi abɔ nɛ Mawu Mumi ɔ kpakaa mɛ ɔ, mɛ ji Mawu bimɛ.

Romabi 8:19

Ejakaa adebɔ ni ɔmɛ a blɔ hyemi kpikpimaa a ngɛ Mawu bimɛ ɔmɛ wa kpo jemi ɔ mlɛe.

Romabi 9:8

Lɔ ɔ ji kaa, tsa pi he lo nya bimɛ ɔmɛ ji Mawu bimɛ, se si womi bimɛ ɔmɛ mohu a buu kaa nina.

Romabi 9:26

Nɛ e maa ba mi kaa, He nɛ a de mɛ ngɛ ke: ‘Pi ye ma ji nyɛ’ ɔ, Lejɛ ɔ nɔuu a ma tsɛ mɛ Mawu hɛkalɔ ɔ bimɛ ngɛ.”

2 Korintobi 6:18

Nɛ ma pee nyɛ tsɛ, Nɛ nyɛ hu nyɛ maa pee ye bimɛ nyumuhi kɛ ye bimɛ yihi, Bɔ nɛ Nyɔmtsɛ, ope ɔ, de ha ji nɛ ɔ nɛ.”

Galatabi 3:26

Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

1 Yohane 3:1

Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

1 Yohane 3:2

Mamimɛ, jehanɛ ɔ, Mawu bimɛ ji wɔ, nɛ a na we nɛ a je bɔ nɛ wa maa hi ha a si; se wa le kaa benɛ Kristo ma pue ɔ, wa maa hi kaa lɛ, ejakaa wa maa na lɛ bɔ nɛ e ngɛ ɔ.

1 Yohane 3:10

Enɔ mi nɛ slɔɔto nɛ ngɛ Mawu bimɛ kɛ abosiami bimɛ a kpɛti ɔ jeɔ e he si paa ngɛ. Nɔ tsuaa nɔ nɛ tsu we dami nihi ɔ, nɛ e sume e nyɛmi hulɔ ɔ, pi Mawu bi ji lɛ.

Kpojemi 21:7

Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.