Romabi 8:10 - Somi He Ɔ

¹⁰ Se ke Kristo ngɛ nyɛ mi ɔ, nɔmlɔ tso ɔ gbo ngɛ yayami he lɛɛ, se mumi ɔ ji wami ngɛ dami he.

BAIBLO ALOO NGMAMI KLƆUKLƆU Ɔ

¹⁰ Se ke Kristo ngɛ nyɛ mi ɔ, yayami nɛ nyɛ peeɔ he ɔ, nyɛ gbo ngɛ nɔmlɔ tso mi, se mumi mi lɛɛ nyɛ hɛ ngɛ, ejakaa Mawu buu nyɛ nihi nɛ da.

Romabi 8:10 ပူးပေါင်းရင်းမြစ်များ

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

Yohane 17:23

I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

Filipibi 1:23

i ngɛ haoe ngɛ ni enyɔ nɛ ɔmɛ a he: I ngɛ hlae nɛ ma je je nɛ ɔ mi nɛ i kɛ Kristo ya hi si, ejakaa kɔlɔ ɔ hi hluu.

Filipibi 3:9

nɛ a na mi ngɛ e mi kaa i be imi nitsɛ ye dami nɛ je Mlaa mi, se mohu nɔ́ nɛ gu Kristo nɔ hemi kɛ yemi nɔ nɛ ji dami nɛ je Mawu dɛ mi ngɛ hemi kɛ yemi nya a i ngɛ,

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Kpojemi 14:13

Nɛ i nu gbi kɛ je hiɔwe ngɛ dee ke: “Ngmaa: A gbaa ni gbogboehi nɛ gboɔ ngɛ Nyɔmtsɛ ɔ mi ɔ, kɛ je mwɔnɛ kɛ yaa nɛ ɔ. Ee, Mumi ɔ ke, konɛ a jɔɔ a he kɛ je a haomi ɔmɛ a mi; se a ni tsumi ɔmɛ nyɛɛ a se.”

Yohane 15:5

“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Hebribi 12:23

kɛ kekleekle bimɛ nɛ a ngma a biɛ ngɛ hiɔwe, kɛ Mawu nɛ ji nihi kulaa a kojolɔ ɔ, kɛ dali nɛ hi kɛ pi si ɔmɛ a mumi ɔmɛ,

Hebribi 9:27

Nɛ be abɔ nɛ e fɔɔ si ha nimli kaa si kake a gboɔ nɛ lɔ ɔ se ɔ a maa kojo mɛ ɔ,

1 Tesalonikabi 4:16

Ejakaa lɛ Nyɔmtsɛ ɔ nitsɛ kɛ ose hemi kɛ hiɔwe bɔfo nɔkɔtɔma gbi kɛ Mawu titimati maa je hiɔwe kɛ kple si, nɛ ni gbogboehi nɛ ngɛ Kristo mi ɔ kekle maa te si,

2 Korintobi 13:5

Nyɛɛ ka nyɛ nitsɛmɛ nyɛ he hyɛ kaa nyɛ ngɛ hemi kɛ yemi mi lo. Nyɛɛ hyɛ nyɛ nitsɛmɛ nyɛ he nɛ hi. Aloo nyɛ li nyɛ nitsɛmɛ nyɛ he kaa Yesu Kristo ngɛ nyɛ mi lo? Ke pi ja a, lɛɛ nihi nɛ sɛ kulaa ji nyɛ.

2 Korintobi 4:11

Ejakaa wɔ nɛ wa hɛ ngɛ nɛ ɔ ɔ, daa nɛ ɔ, a tu wɔ ngɔ wo gbenɔ dɛ mi ngɛ Yesu he, konɛ Yesu wami ɔ hu nɛ je kpo ngɛ wa he lo nɛ ma gbo ɔ mi.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Romabi 5:12

Enɛ ɔ he ɔ, kaa bɔ nɛ nɔmlɔ kake nɔ yayami gu kɛ ba je ɔ mi, nɛ gbenɔ gu yayami nɔ kɛ ba a, lɔ ɔ ha gbenɔ sa nimli tsuo, mɛni he je ɔ, mɛ tsuo a pee yayami.

Yohane 6:56

Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Yohane 6:54

Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ.