Romabi 8:1 - Somi He Ɔ

¹ Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

BAIBLO ALOO NGMAMI KLƆUKLƆU Ɔ

¹ Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

Romabi 8:1 ပူးပေါင်းရင်းမြစ်များ

Yohane 14:20

Jamɛ a ligbi ɔ nɔ ɔ, nyɛ nitsɛmɛ nyɛ maa le kaa i ngɛ ye tsɛ mi nɛ nyɛ hu nyɛ ngɛ ye mi nɛ imi hu i ngɛ nyɛ mi.

Yohane 15:4

Nyɛɛ hi ye mi, nɛ imi hu ma hi nyɛ mi. Kaa bɔ nɛ tso kɔni be nyɛe maa je lɛ nitsɛ e mi nɛ e wo yiblii kaa ja e ma wai tso ɔ he ɔ, ja nyɛ hu nyɛ be nyɛe kaa ja nyɛ hi ye mi.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Romabi 16:3

Nyɛ nga Priska kɛ Akwila, nɛ ji ye huɛmɛ ni tsuli ngɛ Kristo Yesu mi ɔ ha mi,

Romabi 16:7

Nyɛ nga Androniko kɛ Yunia, ye wekuli nɛ a wo i kɛ mɛ tsu mi, nɛ a ngɛ biɛ ngɛ bɔfo ɔmɛ akpɛti nɛ a sɛ ye hlami ngɛ Kristo mi ɔ.

Romabi 5:1

Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

Romabi 5:16

Bɔ nɛ si gbeemi ɔ gu nɔ kake nɛ pee yayami ɔ nɔ kɛ ba a, pi ja nɛ dloomi ɔ ngɛ: ejakaa kojomi ɔ je nɔ kake mi nɛ e plɛ fɔ bumi, se dloomi nɔke nɔ ɔ je si gbeemihi fuu a mi nɛ e plɛ nyɔguɛ yemi.

Romabi 7:17

Lɛɛ jeha nɛ pi imi nɛ i tsuɔ kɔlɔ ɔ hu, se mohu yayami nɛ hii ye mi ɔ lɛ tsuɔ.

Romabi 7:20

Se ke nɔ́ nɛ i sume ɔ kɛ̃ i peɔ ɔ, lɛɛ tsa pi imi nɛ i peɔ kɔlɔ ɔ hu, se mohu yayami nɛ ngɛ ye mi ɔ lɛ peɔ.

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

Romabi 8:14

Ejakaa nihi abɔ nɛ Mawu Mumi ɔ kpakaa mɛ ɔ, mɛ ji Mawu bimɛ.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Romabi 8:34

Mɛnɔ ji nɔ nɛ buu fɔ ɔ? Yesu Kristo nɔ nɛ e gbo, se nɔ́ nɛ pe kɔlɔ ɔ, nɔ nɛ a tle lɛ si hulɔ, nɛ e ngɛ Mawu hiɛ ɔ nɔ, nɛ e pa daa mi haa wɔ.

Romabi 8:39

hiɔwe jio, sisi jio, aloo nihi nɛ a bɔ ɔmɛ a mi nɔ́ kpa ko jio, a be nyɛe ma gba waa kɛ Mawu suɔmi nɛ ngɛ Kristo Yesu, wa Nyɔmtsɛ ɔ, mi ɔ mi.

Romabi 8:4

konɛ a gbe mlaa a dami ɔ nya ngɛ wa mi, wɔ nihi nɛ wa nyɛɛ we ngɛ he lo nya, se mohu mumi nya wa nyɛɛ ngɛ ɔ.

Romabi 8:9

Se ke e ngɛ mi kaa Mawu Mumi hii nyɛ mi ɔ, lɔ ɔ lɛɛ nyɛ be he lo ɔ sisi, se mohu mumi ɔ sisi nyɛ ngɛ. Ke nɔ ko be Kristo Mumi ɔ, lɛɛ tsa pi Kristo nɔ́ ji lɛ.

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

1 Korintobi 15:22

Ejakaa, kaa bɔ nɛ Adam mi nɛ nihi kulaa gboɔ ngɛ ɔ, ja nɔuu kɛ̃ Kristo mi nɛ mɛ kulaa a yi ma na wa ngɛ.

2 Korintobi 12:2

I le nɔmlɔ ko ngɛ Kristo mi; jeha nyɔngma kɛ eywiɛ ji nɛ ɔ ɔ, a sa kikɛmɛ a nɔmlɔ nɛ ɔ kɛ ho hiɔwe nɛ ji etɛ ɔ ya; e ngɛ nɔmlɔ tso mi jio, i li; e be nɔmlɔ tso mi hu jio, i li; Mawu lɛ le.

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

Galatabi 3:13

Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

Galatabi 3:26

Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;

Galatabi 3:28

Yudano be ɔ, Helano hu bé hu; nyɔguɛ bé ɔ, odehe hu bé hu; nyumu be ɔ, yo hu be hu; ejakaa nyɛ tuso ɔ, nɔ kake ji nyɛ ngɛ Kristo Yesu mi.

Galatabi 5:16

Se i ke: Ke nyɛ nyɛɛ ngɛ mumi nya a, nyɛ be he lo akɔnɔ ɔmɛ a nya ni pee.

Galatabi 5:25

Ke wa hɛ ngɛ ngmengmle ngɛ Mumi ɔ mi ɔ, nya ha waa nyɛɛ ngɛ Mumi ɔ nya hulɔ.

Efesobi 1:1

Paulo, nɛ ji Yesu Kristo bɔfo ngɛ Mawu suɔmi nya a, ngma ya ha ni klɔuklɔuhi nɛ ngɛ Efeso ɔ kɛ ninɛmɛ nɛ heɔ Kristo Yesu nɔ yeɔ ɔ:

Filipibi 3:9

nɛ a na mi ngɛ e mi kaa i be imi nitsɛ ye dami nɛ je Mlaa mi, se mohu nɔ́ nɛ gu Kristo nɔ hemi kɛ yemi nɔ nɛ ji dami nɛ je Mawu dɛ mi ngɛ hemi kɛ yemi nya a i ngɛ,