Romabi 7:6 - Somi He Ɔ

⁶ Se jeha nɛ waa kɛ Mlaa a be sane ko hu, ejakaa wa gbo ngɔ ha nɔ nɛ hɛɛ wami ɔ, bene pee nɛ wa sɔmɔ ngɛ mumi nɛ plɛ ehe ɔ mi, se pi ngɛ Mlaa momo ɔ nya.

BAIBLO ALOO NGMAMI KLƆUKLƆU Ɔ

⁶ Se jehanɛ lɛɛ wa ye wa he kɛ je mlaa a dɛ mi. Wa ngɛ kaa nihi nɛ gbo, nɛ mlaa nɛ fiɔ wɔ ɔ be wa nɔ he wami hu. Wa tsu we mlaa momo ɔ nɛ a ngma a nya ní hu. Se mohu blɔ he nɛ Mawu mumi ɔ tsɔɔ wɔ ɔ, lɔ ɔ nya wa sɔmɔɔ ngɛ.

Romabi 7:6 ပူးပေါင်းရင်းမြစ်များ

2 Korintobi 3:6

lɛ nɔuu lɛ e ha wa sa, nɛ wa plɛ Somi He ɔ he sɔmɔli, pi ngmami okadi nɔ́ se mohu mumi nɔ́, ejakaa ngmami okadi ɔ gbee nɔ, se mumi ɔ haa nɔ yi naa wami.

Romabi 7:4

Mamimɛ, ja nɔuu nyɛ hu a kɛ Kristo nɔmlɔ tso ɔ gbe nyɛ ngɔ ha Mlaa a, konɛ nyɛ plɛ nɔ kpa na ji nɔ nɛ a tle lɛ si kɛ je gbeje ɔ nihi, konɛ waa wo yiblii ha Mawu.

Romabi 6:4

Lɔ ɔ he ɔ, a kɛ baptisimi nɛ a baptisi wɔ ngɔ wo e gbenɔ ɔ mi ɔ pu waa kɛ lɛ tsuo, konɛ kaa bɔ nɛ a tle Yesu si kɛ je gbeje ngɛ Tsɛ ɔ hɛ mi nyɛmi nya a, ja nɔuu kɛ wɔ hu waa nyɛɛ ngɛ wami nɛ plɛ ehe mi.

Galatabi 3:13

Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

Kolosebi 3:10

nyɛɛ wo nɔmlɔ he nɛ plɛɔ ehe ekohu kɛ yaa ni lemi mi ngɛ nɔ nɛ bɔ lɛ ɔ subai ɔ nya;

Galatabi 6:15

Ejakaa Kristo mi ɔ, nɔ pomi pi nɔ́ ko, nɛ mɔmlɔtɔ hu pi nɔ́ ko, se mohu bɔmi he kɛkɛ ji nɔ́ ko.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

Romabi 7:1

Mamimɛ, tse nyɛ nihi nɛ nyɛ le Mlaa a le kaa Mlaa a yeɔ nɔmlɔ nɔ ngɛ e wami be ɔ kulaa mi lo?

Romabi 6:2

Dɛbi! Wɔ nɛ wa gbo ngɔ ha yayami ɔ, kɛ maa pee kɛɛ nɛ wa hɛ maa tsa nɔ hi ngmengmle ngɛ e mi?

Romabi 6:19

Bɔ nɛ nɔmlɔ tuɔ munyu i ngɛ tue nɛ ɔ nɛ, ngɛ nyɛ he lo gbedemi ɔ he. Ejakaa kaa bɔ nɛ nyɛ ngɔ nyɛ he ni ɔmɛ ngɔ pee hiemi nihi kɛ mlaa tɔmi nyɔguɛhi kɛ sɛ mlaa tɔmi mi ɔ, ja nɔuu kɛ jeha nɛ ɔ nyɛɛ ngɔ nyɛ he ni ɔmɛ ngɔ pee dami nyɔguɛhi kɛ ha klɔuklɔu peemi.

Romabi 6:11

Ja nyɛ hu nyɛɛ bu nyɛ he kaa nihi nɛ a gbo ha yayami nɛ a hɛ ngɛ kɛ ha Mawu ngɛ Yesu Kristo wa Nyɔmtsɛ ɔ mi.

Romabi 1:9

Ye dase ji Mawu, nɔ nɛ i sɔmɔɔ ngɛ ye mumi mi ngɛ e Bi ɔ Sane Kpakpa a mi ɔ, kaa i jɔɔ we nyɛ kaimi ligbi ko ligbi ko.

Filipibi 3:3

Ejakaa wɔ ninɛmɛ nɛ wa jaa Mawu ngɛ mumi nya, nɛ waa kɛ wa hɛ fɔɛ he lo nɔ, se Kristo Yesu nɔ mohu wa fiaa ngɔ fɔɔ ɔ, wɔ mohu ji ninɛmɛ nɛ a po mɛ ɔ nɛ.

Romabi 7:2

Ejakaa yo nɛ ngɛ huno ɔ, mlaa fi lɛ ngɔ mɛtɛ e huno nɛ hɛ ngɛ ɔ he; se ke e huno ɔ gbo ɔ, e kɛ e huno ɔ mlaa a be sane ko hu.

Efesobi 4:24

nɛ nyɛɛ wo nɔmlɔ he nɛ a bɔ ngɛ Mawu subai nɔ ngɛ anɔkuale dami kɛ he tsɔmi mi ɔ.