Romabi 7:4 - Somi He Ɔ

⁴ Mamimɛ, ja nɔuu nyɛ hu a kɛ Kristo nɔmlɔ tso ɔ gbe nyɛ ngɔ ha Mlaa a, konɛ nyɛ plɛ nɔ kpa na ji nɔ nɛ a tle lɛ si kɛ je gbeje ɔ nihi, konɛ waa wo yiblii ha Mawu.

BAIBLO ALOO NGMAMI KLƆUKLƆU Ɔ

⁴ Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.

Romabi 7:4 ပူးပေါင်းရင်းမြစ်များ

1 Petro 2:24

Yesu nitsɛ tloo wa he yayami ɔmɛ ngɛ e nɔmlɔ tso ɔ hi kɛ ya sɛumi tso ɔ nɔ, konɛ wa gbo ha yayami nɛ wa hɛ hi ngmengmle ha dami, nɔ nɛ he pahi nɛ a kɛ tsa nyɛ ɔ.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Efesobi 2:15

nɛ e kɛ lɛ nitsɛ e he lo gu Mlaa a nɛ ngɛ kita amɛ a mi ɔ, konɛ e kɛ ni enyɔ ɔmɛ kulaa nɛ bɔ nɔmlɔ he kake ngɛ lɛ nitsɛ e mi nɛ e ha he jɔmi nɛ ba,

Romabi 7:6

Se jeha nɛ waa kɛ Mlaa a be sane ko hu, ejakaa wa gbo ngɔ ha nɔ nɛ hɛɛ wami ɔ, bene pee nɛ wa sɔmɔ ngɛ mumi nɛ plɛ ehe ɔ mi, se pi ngɛ Mlaa momo ɔ nya.

Galatabi 5:18

Se ke mumi ɔ lɛ kpakpaa nyɛ ɔ, nyɛ be mlaa sisi.

Kolosebi 1:22

jehanɛ, e kɛ e he lo nɔmlɔ tso ɔ gu gbenɔ mi kɛ kpata ha nyɛ, konɛ e kɛ nyɛ nɛ da si kaa ni klɔuklɔuhi nɛ he be piami ko loo nya pomi ko ngɛ e hɛ mi.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

Galatabi 3:13

Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

Romabi 6:14

Ejakaa yayami be nyɛ nɔ he wami nae, ejakaa pi mlaa sisi nɛ nyɛ ngɛ, se mohu dloomi sisi nyɛ ngɛ.

Kolosebi 2:14

nɛ e gba wa he womi nɛ a ngma, nɛ ngɛ Mlaa amɛ a mi nɛ da si si wɔ ɔ, nɛ kɔlɔ ɔ nɔuu e je ngɛ kpɛti kɛ ho, nɛ e ka ngɔ mɛtɛ sɛumi tso ɔ he.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Kpojemi 19:7

Nyɛ ha wa bua nɛ jɔ nɛ wa mi nɛ flii wɔ nɛ waa wo e hɛ mi nyami; ejakaa Tobi ɔ yokpeemi ɔ su, nɛ e yo ɔ dla e he ngɔ to.

Romabi 6:2

Dɛbi! Wɔ nɛ wa gbo ngɔ ha yayami ɔ, kɛ maa pee kɛɛ nɛ wa hɛ maa tsa nɔ hi ngmengmle ngɛ e mi?

Kolosebi 2:20

Lɔ ɔ he ɔ ke nyɛɛ kɛ Kristo gbo kɛ ha je nɛ ɔ mi sisije ni ɔmɛ ɔ, mɛni he je mɔ nɛ nyɛ ngɛ kaa nihi nɛ a hɛ ngɛ ngɛ je ɔ mi, nɛ nyɛ haa a woɔ nyɛ mlaa kɛ mwɔɔ ke:

Kolosebi 1:6

nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ:

Filipibi 4:17

Pi kaa nike ni i ngɛ hlae, se mohu i ngɛ se nami nɛ ma ha nyɛ kɔtaa a maa su kɛ be nɔ ha nyɛ ɔ hlae.

Yohane 3:29

Nɔ nɛ nɔ́ ji ayɛflo ɔ, lɛ ji ayɛflo huno; se ayɛflo huno ɔ huɛ nɛ daa si ngɛ lɛ tue bue ɔ, nya e nyaa ngɛ ayɛflo huno ɔ gbi he. Lɔ ɔ he ɔ ye kikɛmɛ a nyami nɛ ɔ ba mi.

Mateo 26:26

Se benɛ a ngɛ ni ɔ yee ɔ, Yesu kɛ̃ abolo, nɛ e gbaa nɔ nɛ e kuɔ mi, nɛ e ngɔ ha e kaseli ɔmɛ nɛ e ke: “Nyɛ he nɛ nyɛɛ ye! Enɛ ɔ ji ye nɔmlɔ tso ɔ nɛ.”

Kpojemi 21:9

Nɛ hiɔwe bɔfohi kpaago nɛ hɛɛ tsinesa kpaago nɛ hyi tɔtɔɔtɔ kɛ nyagbe haomi kpaago ɔ a kpɛti nɔ kake ba ye ngɔ nɛ e kɛ mi ba tu munyu ke: “Ba, nɛ ma tsɔɔ mo ayɛflo ɔ nɛ ji Tobi ɔ yo ɔ.”

Hebribi 10:10

A kɛnɛ Yesu Kristo pee Mawu suɔmi nya ni he je ɔ, a tsukɔ wa he kɛ gu e nɔmlɔ tso nɛ e kɛ ha si kake nyɔngloo ɔ nɔ.

2 Korintobi 11:2

Ejakaa i jee nyɛ he hunga haa Mawu; ejakaa i bi nyɛ si ha Kristo, konɛ ma ngɔ zangmayo nɛ he tsɔ ya ha nyumu kake.

1 Korintobi 10:16

Gbaami kplu ɔ nɛ wa gbaa a, anɛ pi waa kɛ Kristo kake peemi ngɛ e muɔ ɔ mi lo? Abolo nɛ wa kuɔ ɔ, anɛ pi waa kɛ Kristo kake peemi ngɛ e nɔmlɔ tso ɔ mi lo?

Yohane 15:8

Enɛ ɔ a kɛ woɔ Tsaatsɛ hɛ mi nyami, ke nyɛ wo yiblii fuu, nɛ nyɛ plɛ ye kaseli ɔ.

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Marko 4:20

Se ni kpa komɛ hu ngɛ kaa wuhi nɛ a du ngɛ zu kpakpa mi. A nuɔ munyu ɔ, nɛ a pɛtɛɛ he, nɛ a woɔ yiblii: eko nyingmi etɛ, eko nyingmi ekpa, kɛ eko lafa.”

Romabi 6:11

Ja nyɛ hu nyɛɛ bu nyɛ he kaa nihi nɛ a gbo ha yayami nɛ a hɛ ngɛ kɛ ha Mawu ngɛ Yesu Kristo wa Nyɔmtsɛ ɔ mi.

Romabi 7:3

Lɔ ɔ he ɔ jeha nɛ, ke e huno ɔ ngɛ je mi nɛ e ya gba nɔ kpa a, a tsɛɛ lɛ yo gba puɛlɔ. Se ke e huno ɔ gbo ɔ, lɛɛ e ye e he kɛ je mlaa a mi, nɛ ke e ya gba nyumu kpa a, e pi yo gba puɛlɔ hu.