Romabi 7:24 - Somi He Ɔ

²⁴ Nɔmlɔ nɛ ni ngɛ mɔbɔ ji mi; mɛnɔ lɛ ma je mi kɛ maa je kikɛmɛ a gbenɔ nɔmlɔ tso nɛ ɔ dɛ mi?

BAIBLO ALOO NGMAMI KLƆUKLƆU Ɔ

²⁴ Hyɛ kaa ye ní ngɛ mɔbɔ! Ye nɔmlɔ tso ɔ miɔ nɛ e ma kpata ye hɛ mi. Mɛnɔ ma he ye yi wami kɛ je nɔmlɔ tso nɛ kɛ nɔ yaa gbenɔ mi nɛ ɔ dɛ mi?

Romabi 7:24 ပူးပေါင်းရင်းမြစ်များ

Romabi 6:6

Wa le enɛ ɔ kaa a sɛu wa nɔmlɔ tso momo ɔ ngɔ piɛ e he konɛ yayami nɔmlɔ tso ɔ hɛ mi nɛ kpata nɛ wa ko sɔmɔ yayami hu.

2 Timoteo 4:18

Nɛ Nyɔmtsɛ ɔ ma je mi kokooko kɛ maa je ni yayahi kulaa mi, nɛ e ma he ye yi wami kɛ maa ya e hiɔwe matsɛ yemi ɔ mi: Lɛ a ngɔ anuminyami ngɔ ha kɛ ya neneene kɛ neneene! Amen.

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Kpojemi 21:4

Nɛ Mawu ma tsu a hɛ mi vo nyu kulaa, nɛ gbenɔ be si hie hu, nɛ kɔmɔ yemi ko kɛ ya fomi ko kɛ nɔ nami ko hu be si hie hu, ejakaa kekle ni ɔmɛ be kɛ ho.”

Hebribi 2:15

nɛ e kpɔ nihi nɛ gbenɔ gbeye yemi he ɔ a plɛ pee nyɔguɛhi ngɛ a wami be kulaa mi ɔ.

Romabi 8:26

Ja nɔuu Mumi ɔ hu yeɔ buaa wa gbedemi ɔ; ejakaa bɔ nɛ sa kaa wa ko sɔle kɛ bi nɔ nɛ da a, wa li; se Mumi ɔ nitsɛ kɛ kɔmɔ yemi nɛ a be nyɛe maa kale daa mi haa wɔ.

Romabi 8:13

Ejakaa ke he lo nya nyɛ hii si ngɛ ɔ, nyɛ ma gbo. Se ke nyɛɛ kɛ Mumi ɔ gbee he lo ɔ ni tsumi ɔmɛ ɔ, nyɛ yi ma na wa.

Luka 4:18

“Nyɔmtsɛ ɔ mumi ɔ ngɛ ye nɔ. Lɔ ɔ he ɔ, e pɔ mi nu konɛ ma fiɛ Sane Kpakpa a ngɔ tsɔɔ ohiafohi, Konɛ ma fiɛ he yemi ngɔ tsɔɔ nyɔgue ɔmɛ, Kɛ nɔ́ hyemi ha hɛyuyuili.

Kolosebi 2:11

nɔ mi nɛ a po nyɛ hu ngɛ, kɛ nɔ pomi nɛ pi he lo mi pomi, se mohu Kristo pomi nɛ jeɔ wɔ kɛ jee he lo nɔmlɔ tso yayami mi ɔ;

Mateo 5:6

“A gbaa ninɛmɛ nɛ a suɔmi nya ni ji kaa a pee nɔ nɛ Mawu suɔ ɔ: se Mawu ma ha a maa to kɛ bua jɔmi.

Mateo 5:4

“A gbaa ninɛmɛ nɛ yeɔ kɔmɔ ɔ: se Mawu maa jɔɔ a bua.

Romabi 8:23

Nɛ tsa pi mɛ kɛkɛ, se mohu wɔ nitsɛmɛ tete, wɔ ninɛmɛ nɛ wa na Mumi ɔ kekle yiblii ɔmɛ, wɔ nitsɛmɛ hu wa laa zanue ngɛ wa mi, nɛ wa hyɛɛ bimɛ a plɛmi nɛ ji wa nɔmlɔ tso kpɔmi ɔ blɔ.