Romabi 7:23 - Somi He Ɔ

²³ Se i naa mlaa muno ko ngɛ ye nɔmlɔ tso he ni ɔmɛ a mi nɛ kɛ ye juɛmi mlaa a hwuɔ ta, nɛ e ngɔɔ mi nyɔguɛ ngɔ haa yayami mlaa a nɛ ngɛ ye nɔmlɔ tso he ni ɔmɛ a mi ɔ.

BAIBLO ALOO NGMAMI KLƆUKLƆU Ɔ

²³ Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

Romabi 7:23 ပူးပေါင်းရင်းမြစ်များ

Galatabi 5:17

Ejakaa nihi nɛ he lo ɔ dii se ɔ kɛ mumi ɔ yi, nɛ nihi nɛ mumi ɔ hu dii se ɔ kɛ he lo ɔ yi. Ni nɛ ɔmɛ kɛ a he yi, konɛ nyɛ ko pee nihi nɛ nyɛ suɔ.

Yakobo 4:1

Jije tahi kɛ kunɔhi nɛ ngɛ nyɛ kpɛti ɔ je? Anɛ pi nyɛ kɔnɔhi nɛ hwuɔ ta ngɛ nyɛ he ni ɔmɛ a mi ɔ mi nɛ a je lo?

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Romabi 6:19

Bɔ nɛ nɔmlɔ tuɔ munyu i ngɛ tue nɛ ɔ nɛ, ngɛ nyɛ he lo gbedemi ɔ he. Ejakaa kaa bɔ nɛ nyɛ ngɔ nyɛ he ni ɔmɛ ngɔ pee hiemi nihi kɛ mlaa tɔmi nyɔguɛhi kɛ sɛ mlaa tɔmi mi ɔ, ja nɔuu kɛ jeha nɛ ɔ nyɛɛ ngɔ nyɛ he ni ɔmɛ ngɔ pee dami nyɔguɛhi kɛ ha klɔuklɔu peemi.

Romabi 7:25

Sina ha Mawu kɛ gu wa Nyɔmtsɛ Yesu Kristo nɔ. Jeha nɛ imi nɔuu i kɛ ye juɛmi sɔmɔɔ Mawu mlaa a lɛɛ, se i kɛ ye he lo sɔmɔɔ yayami mlaa.

1 Petro 2:11

Mamimɛ, i ngɛ munyu tue kɛ ngɛ nyɛ tsɔɔe kaa nibwɔhi kɛ blɔ hiali kaa nyɛɛ nyɛ he lo se dimi nihi nɛ kɛ klaa hwuɔ ta,

Hebribi 12:4

Ngɛ nyɛɛ kɛ yayami ta nɛ ɔ mi ɔ, nyɛ sui he nɛ a ma pue nyɛ muɔ si ngɛ ɔ lolo.

Romabi 7:21

Lɛɛ i naa mlaa nɛ ɔ kaa imi nɛ i suɔ kaa ma pee nɔ́ nɛ hi ɔ, yayami mohu mɛtɛ ye he.

Romabi 7:5

Ejakaa bene wa ngɛ he lo mi ɔ, yayamihi a he hɛdɔ ɔmɛ guu mlaa a nɔ tsuɔ ni ngɛ wa he ni ɔmɛ a mi, nɛ waa kɛ wo yiblii ha gbenɔ.

Romabi 6:13

Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

Romabi 7:14

Wa le kaa Mlaa a mumi mi nɔ́ ʼi; se imi lɛɛ he lo nɔmlɔ ji mi, nɛ a jua mi ngɔ ha yayami.

Yakobo 3:2

Ejakaa wɔ tsuo kulaa wa tɔɔ fuu. Ke nɔ ko tɔ we ngɛ munyu mi ɔ, lɛɛ nɔmlɔ nɛ hi kɛ pi si ji lɛ, nɛ e ngɛ he wami nɛ e kɛ maa ye e nɔmlɔ tso mluku ɔ kulaa nɔ.