Romabi 6:3 - Somi He Ɔ

³ Aloo nyɛ li kaa wa ti nihi abɔ nɛ a baptisi ngɔ wo Kristo Yesu mi ɔ, e gbenɔ ɔ mi a baptisi wɔ ngɔ wo lo?

BAIBLO ALOO NGMAMI KLƆUKLƆU Ɔ

³ Anɔkuale mi ɔ, wa le kaa wɔ nihi abɔ nɛ a sɔle wɔ kɛ wo Kristo Yesu mi ɔ, wa gbo kaa bɔ nɛ Kristo ɔ gbo ɔ.

Romabi 6:3 ပူးပေါင်းရင်းမြစ်များ

Galatabi 3:27

ejakaa nyɛ nihi abɔ nɛ a baptisi nyɛ ngɔ wo Kristo mi ɔ, nyɛ wo Kristo.

Romabi 6:8

Ke waa kɛ Kristo gbo ɔ, wa heɔ yeɔ kaa waa kɛ lɛ ma na wami hulɔ,

1 Korintobi 12:13

Ejakaa Yudafohi ji wɔ jio, Helabihi ji wɔ jio, nyɔguɛhi jio, he yeli jio, wɔ tsuo ɔ Mumi kake mi a gu a baptisi wɔ ngɔ wo nɔmlɔ tso kake mi; nɛ wɔ tsuo Mumi kake akɛ ha wɔ nɛ waa nu.

1 Petro 3:21

Enɛ ji baptisimi nyu ɔ he okadi nɛ a kɛ heɔ wa yi wami, nɔ́ nɛ pi he womi nɔ mu jemi, se mohu e ji he nile kpakpa somi nɛ e kɛ Mawu soɔ, kɛ guu Yesu Kristo si temi ɔ nɔ,

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Yakobo 4:4

Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

1 Korintobi 9:13

Anɛ nyɛ li kaa nihi nɛ tsuɔ ni ngɛ sɔlemi we ɔ, sɔlemi we ni ɔmɛ eko nɔuu a yeɔ lo? Nɛ ninɛmɛ nɛ sɔmɔɔ ngɛ bɔ sami latɛ ɔ he ɔ, bɔ sami latɛ ɔ nɔ ni ɔmɛ eko nɔuu a naa lo?

Romabi 7:1

Mamimɛ, tse nyɛ nihi nɛ nyɛ le Mlaa a le kaa Mlaa a yeɔ nɔmlɔ nɔ ngɛ e wami be ɔ kulaa mi lo?

Romabi 6:16

Anɛ nyɛ li kaa nɔ nɛ nyɛ ngɔɔ nyɛ he ngɔ peɔ nyɔguɛhi haa nɛ nyɛ buɔ lɛ tue ɔ, lɛ nɔuu e nyɔguɛhi ji nyɛ nɛ nyɛ buɔ lɛ tue ɔ lo? — yayami nɛ kɛ nɔ yaa gbenɔ mi ɔ jio, loo tuebumi nɛ kɛ nɔ yaa dami mi ɔ jio.

Ni Tsumi 19:5

Nɛ benɛ a nu enɛ ɔ ɔ, a ha a baptisi mɛ ngɔ wo Nyɔmtsɛ Yesu biɛ mi.

1 Korintobi 6:9

Anɛ nyɛ li kaa yayami peeli a nine be Mawu matsɛ yemi ɔ nɔ sue lo? Nyɛ ko ha nɛ a mlɔɔ nyɛ! Ajuama bɔli loo wɔ jali loo gba puɛli loo nyumuhi nɛ kɛ nyumuhi peɔ yakayakani,

1 Korintobi 5:6

Nyɛ fiami ɔ be fɛu. Nyɛ li kaa ma sasɛ nyafii saa ma mluku ɔ kulaa lo?

Ni Tsumi 8:16

Ejakaa Mumi ɔ bɛ a ti nɔ ko nɔ ko nɔ lolo, se baptisimi kɛkɛ a baptisi mɛ wo Nyɔmtsɛ Yesu biɛ mi.

2 Korintobi 13:5

Nyɛɛ ka nyɛ nitsɛmɛ nyɛ he hyɛ kaa nyɛ ngɛ hemi kɛ yemi mi lo. Nyɛɛ hyɛ nyɛ nitsɛmɛ nyɛ he nɛ hi. Aloo nyɛ li nyɛ nitsɛmɛ nyɛ he kaa Yesu Kristo ngɛ nyɛ mi lo? Ke pi ja a, lɛɛ nihi nɛ sɛ kulaa ji nyɛ.

1 Korintobi 15:29

Ejakaa, kɛ nihi nɛ haa a baptisii mɛ ngɛ ni gbogboehi a nane mi ɔ maa pee kɛɛ? Ke ni gbogboehi be si tee kulaa a, mɛ he je mɔ nɛ a haa a baptisii mɛ ngɛ ni gbogboehi a nane mi ɔ?

1 Korintobi 3:16

Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo?

1 Korintobi 6:19

Anɛ nyɛ li kaa nyɛ nɔmlɔ tso ɔ Mumi Klɔuklɔu nɛ ngɛ nyɛ mi nɛ nyɛ na kɛ je Mawu ngɔ ɔ sɔlemi tsu ʼi, nɛ nyɛ pi nyɛ nitsɛmɛ nyɛ nɔ lo?

1 Korintobi 9:24

Anɛ nyɛ li kaa ninɛmɛ nɛ tuu fo ɔ, mɛ kulaa a tuu mohu se nɔ kake kɛkɛ nɛ naa ayekoo ni ɔ lo? Nyɛɛ tu fo ɔ ja konɛ nyɛ nine nɛ su nɔ.

1 Korintobi 10:2

nɛ a baptisi mɛ kulaa ngɔ wo Mose mi ngɛ bɔ ku ɔ kɛ wo ɔ mi,