Romabi 5:2 - Somi He Ɔ

² Lɛ e nɔ wa gu nɛ waa kɛ hemi kɛ yemi ɔ na blɔ kɛ ba dloomi nɛ wa daa si ngɛ mi ɔ mi, nɛ wa fiaa fɔɔ Mawu hɛ mi nyami ɔ nɛ wa hɛ ngɛ nɔ ɔ nɔ.

BAIBLO ALOO NGMAMI KLƆUKLƆU Ɔ

² Si himi nɛ wa ngɛ mi amlɔ nɛ ɔ, Mawu dloomi nya nɛ wa na kɛ gu Yesu Kristo nɛ wa heɔ yeɔ ɔ nɔ. Lɔ ɔ he ɔ, wa fĩaa, ejakaa wa nine maa su Mawu hɛ mi nyami ɔ nɔ.

Romabi 5:2 ပူးပေါင်းရင်းမြစ်များ

Efesobi 2:18

ejakaa e nɔ wɔ ni enyɔ ɔmɛ kulaa guu kɛ naa blɔ ngɛ mumi kake mi kɛ yaa Tsɛ ɔ ngɔ.

Efesobi 3:12

nɔ nɛ nɔ hemi kɛ yemi mi wa gu kɛ na kã kɛ he blɔ ngɛ hɛ kɛ nɔ fɔmi mi ɔ.

1 Korintobi 15:1

Jehanɛ, mamimɛ, i ngɛ nyɛ kaie kaa Sane Kpakpa a nɛ i jaje tsɔɔ nyɛ nɛ nyɛ pɛtɛ he hulɔ nɛ nyɛ hɛɛ mi ɔ,

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

Romabi 12:12

Nyɛ nya ngɛ hɛ kɛ nɔ fɔmi mi; nyɛ mia nyɛ hɛ mi ngɛ dengme gbomi mi; nyɛɛ hɛɛ sɔlemi mi daa.

Hebribi 3:6

se Kristo ɔ e ye anɔkuale kaa bi ngɛ Mawu we ɔ nɔ; lɛ e we ji wɔ, ke wa hɛɛ hɛ kɛ nɔ fɔmi kã kɛ fiami ɔ mi kpɛii kɛ ya su nyagbe ɔ.

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

Yohane 10:9

Imi ji sinya a nɛ. Imi lɛɛ, ke nɔ ko gu ye mi kɛ sɛ mi ɔ, a ma he e yi wami, nɛ e maa sɛ mi nɛ e maa je kpo, nɛ e ma na niyeni.

2 Korintobi 4:17

Ejakaa wa nɔ nami nɛ nya wa nɛ se kɛ we nɛ ɔ ngɛ neneene hɛ mi nyami babauu nɛ be nɔ nɛ he jua wa hluu nya buae ha wɔ.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Romabi 15:13

Jeha nɛ hɛ kɛ nɔ fɔmi Mawu ɔ nɛ ngɔ bua jɔmi kɛ he jɔmi tsuo ngɔ wo nyɛ tɔtɔɔtɔ ngɛ hemi kɛ yemi mi, konɛ nyɛ na hɛ kɛ nɔ fɔmi nɛ be nɔ ngɛ Mumi Klɔuklɔu he wami mi.

Kpojemi 21:23

Nɛ pu loo nyɔhiɔ kpemi hia we ngɛ ma a mi, ejakaa Mawu hɛ mi nyami ɔ tsoo ngɛ mi, nɛ Tobi ɔ ji la nɛ kpɛɛ ngɛ mi.

Kpojemi 21:3

Nɛ i nu gbi ngua ko je matsɛ sɛ ɔ mi de ke: “Oʼɛ Mawu bo tsu ɔ ngɛ nimli a kpɛti, nɛ e maa hi a kpɛti, nɛ a maa pee e ma, nɛ Mawu nitsɛ kɛ mɛ maa hi si, nɛ e maa pee a Mawu.

Romabi 5:5

Hɛ kɛ nɔ fɔmi ɔ gbi nɔ zo, ejakaa a gu Mumi Klɔuklɔu nɛ a ngɔ ha wɔ ɔ nɔ plɛ Mawu suɔmi ɔ ngɔ wo wa tsui mi.

Romabi 3:23

Ejakaa slɔɔto ko be: ejakaa nihi tsuo peɔ yayami, nɛ Mawu hɛ mi nyami ɔ bɔ mɛ,

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 10:7

Lɔ ɔ he ɔ, Yesu kpale de mɛ ekohu ke: “I ngɛ nyɛ dee anɔkuale mi ke: Imi ji to ɔmɛ a tsu ɔ nya sinya a nɛ.

Kpojemi 21:11

nɛ ye hɛɛ Mawu hɛ mi nyami ɔ; nɛ e ngɛ kpee kaa tɛ nɛ he jua wa pe kulaa, kaa yaspi tɛ nɛ mi tsɔ kaa kristalo ahuhuɛ.

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Hebribi 6:18

konɛ waa gu sanehi enyɔ nɛ tsakee we nɛ Mawu be nyɛe maa ngɔ nya ngɛ mi ɔ nɔ kɛ na bua womi nɛ wa, konɛ wɔ nihi nɛ wa ya sawe ɔ, wa kɛ hɛɛ hɛ kɛ nɔ fɔmi nɛ ngɛ wa hɛ mi ɔ mi;

Romabi 8:24

Ejakaa hɛ kɛ nɔ fɔmi nya a he wa yi wami ngɛ. Hɛ kɛ nɔ fɔmi nɛ a naa a, e pi hɛ kɛ nɔ fɔmi. Ejakaa mɛnɔ hɛ hii nɔ́ nɛ a naa a nɔ?

Romabi 8:1

Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

Ni Tsumi 14:27

Benɛ a ba lejɛ ɔ nɛ a ba bua asafo ɔ nya a, a sɛɛ mɛ nihi nɛ Mawu kɛ mɛ ya tsu ɔ kulaa, kɛ bɔ nɛ e bli blɔ ngɔ ha majeli ɔmɛ.

Mateo 25:21

E nyɔmtsɛ ɔ de lɛ ke: ‘Ayekoo, sɔmɔlɔ kpakpa kɛ anɔkualetsɛ, o ye anɔkuale ngɛ nihi bɔɔ mi, ma ha o pee nihi fuu a nyatsɛ: sɛ o nyɔmtsɛ ɔ bua jɔmi ɔ mi.’

Efesobi 6:13

Lɔ ɔ he ɔ, nyɛɛ hɛɛ Mawu ta hwumi ni ɔmɛ kulaa mi konɛ nyɛ nyɛ ligbi yaya a nya nɛ nyɛɛ da, nɛ benɛ nyɛ gbe kulaa nya a nɛ nyɛ nyɛ si nɛ nyɛɛ da.

2 Korintobi 3:18

Se wɔ kulaa nɛ waa kɛ hɛ mi kpetekplee hyɛɛ Nyɔmtsɛ ɔ hɛ mi nyami ɔ, kaa a hyɛɛ ahuhuɛ mi ɔ, wa ngɛ tsakee kɛ ngɛ jamɛ a subai ɔ nɔuu plɛe kɛ ngɛ hɛ mi nyami mi jee kɛ yaa hɛ mi nyami mi, ejakaa enɛ ɔ je Nyɔmtsɛ nɛ ji Mumi ɔ ngɔ.

Romabi 14:4

Moo lɛɛ mɛnɔ ji mo nɛ o kojoɔ nɔ kpa sɔmɔlɔ? Lɛ nitsɛ e nyɔmtsɛ ɔ e daa si aloo e nɔɔ si haa; se a ma ha e maa da si, ejakaa Mawu ngɛ he wami nɛ e ma ha e da si.

Romabi 11:20

Saminya; hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si nɛ ɔ nɛ. O yi ko fu, se mohu yee o he gbeye.