Romabi 5:14 - Somi He Ɔ

¹⁴ Se kɛ ɔ gbenɔ ye tsɛ kɛ je Adam yi nɔ kɛ ba su Mose yi nɔ ngɛ nihi po nɛ pee we yayami nɛ ngɛ kaa Adam tɔmi ɔ nɔ, nɛ Adam ji nɔ nɛ maa ba a he okadi.

BAIBLO ALOO NGMAMI KLƆUKLƆU Ɔ

¹⁴ Se kɛ je Adam yi nɔ kɛ ba si Mose yi nɔ ɔ, gbenɔ kpata nimli adesahi a hɛ mi wawɛɛ; pohu nimli nɛ ɔmɛ pee we yayami kaa Adam nɛ lɛɛ e tɔ mlaa a nɛ a wo lɛ ɔ tete ɔ. Adam ji nɔ nɛ maa ba a he okadi.

Romabi 5:14 ပူးပေါင်းရင်းမြစ်များ

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Hebribi 9:27

Nɛ be abɔ nɛ e fɔɔ si ha nimli kaa si kake a gboɔ nɛ lɔ ɔ se ɔ a maa kojo mɛ ɔ,

Romabi 5:17

Ejakaa ke nɔ kake si gbeemi ɔ he je nɛ gbenɔ gu lɛ nɔ kake ɔ nɔ ye tsɛ ɔ, lɛɛ nihi nɛ na dloomi kɛ dami nɔke nɔ nɛ hiɛ kɛ be nɔ ɔ maa gu nɔ kake nɛ ji Yesu Kristo ɔ nɔ maa ye tsɛ ngɛ wami mi.

Romabi 8:22

Ejakaa wa le kaa adebɔ ni ɔmɛ tsuo kɛ wɔ ngɛ kɛmɛe nɛ a kɛ wɔ ngɛ kɔɔe kɛ ba su mwɔnɛ mwɔnɛ.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Romabi 8:20

Ejakaa a ngɔ adebɔ ni ɔmɛ ngɔ wo yakayaka ni a sisi, pi ngɛ mɛ nitsɛmɛ a suɔmi nya, se mohu ngɛ nɔ nɛ ba mɛ si ɔ he, ngɛ hɛ kɛ nɔ fɔmi mi,

Romabi 5:12

Enɛ ɔ he ɔ, kaa bɔ nɛ nɔmlɔ kake nɔ yayami gu kɛ ba je ɔ mi, nɛ gbenɔ gu yayami nɔ kɛ ba a, lɔ ɔ ha gbenɔ sa nimli tsuo, mɛni he je ɔ, mɛ tsuo a pee yayami.

1 Korintobi 15:22

Ejakaa, kaa bɔ nɛ Adam mi nɛ nihi kulaa gboɔ ngɛ ɔ, ja nɔuu kɛ̃ Kristo mi nɛ mɛ kulaa a yi ma na wa ngɛ.