Romabi 5:1 - Somi He Ɔ

¹ Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

BAIBLO ALOO NGMAMI KLƆUKLƆU Ɔ

¹ Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Romabi 5:1 ပူးပေါင်းရင်းမြစ်များ

Romabi 15:13

Jeha nɛ hɛ kɛ nɔ fɔmi Mawu ɔ nɛ ngɔ bua jɔmi kɛ he jɔmi tsuo ngɔ wo nyɛ tɔtɔɔtɔ ngɛ hemi kɛ yemi mi, konɛ nyɛ na hɛ kɛ nɔ fɔmi nɛ be nɔ ngɛ Mumi Klɔuklɔu he wami mi.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Kolosebi 1:20

nɛ e gu lɛ nɔuu e nɔ kɛ dla e kɛ nihi tsuo kulaa a kpɛti, nihi nɛ ngɛ zugba a nɔ kɛ nihi nɛ ngɛ hiɔwe ɔ, akɛnɛ lɛ nitsɛ e gu e sɛumi tso nɔ gbenɔ ɔ nɔ ha he jɔmi ba a.

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Romabi 14:17

Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi.

2 Tesalonikabi 3:16

Lɛ he jɔmi Nyɔmtsɛ ɔ nitsɛ nɛ ha nyɛ he jɔmi daa ngɛ nɔ fɛɛ nɔ mi. Nyɔmtsɛ ɔ kɛ nyɛ kulaa nɛ hi si!

Yohane 14:27

“Hejɔmi i ngɛ sie ha nyɛ; hejɔmi nɛ ji ye nɔ ɔ i kɛ ngɛ nyɛ hae, pi bɔ nɛ je ɔ haa a nɛ i kɛ ngɛ nyɛ hae nɛ ɔ. Nyɛ ko ye nyɛ tsui, nɛ jeha nɛ ɔ hu nyɛ ko ye gbeye.

Romabi 4:5

Se nɔ nɛ tsu we ni, se e heɔ nɔ nɛ woɔ yayami peelɔ nguɔ ɔ yeɔ ɔ, a buu e hemi kɛ yemi ɔ kaa dami kɛ haa lɛ.

Kolosebi 3:15

Nɛ nyɛ ha Mawu he jɔmi ɔ nɛ ye tsɛ ngɛ nyɛ tsui mi, nɔ́ nɛ he nɛ a tsɛ nyɛ kɛ ba ngɛ nɔmlɔ tso kake mi ɔ, nɛ nyɛɛ le si nami.

Romabi 15:33

He jɔmi Mawu ɔ kɛ nyɛ tsuo nɛ hi si! Amen.

Ni Tsumi 10:36

Mawu tsɔ nɛ a kɛ munyu ɔ ya ha Israelbi, nɛ a gu Yesu Kristo nɔ kɛ jaje he jɔmi sane kpakpa a ngɔ tsɔɔ mɛ, lɛ ji nihi tsuo a Nyɔmtsɛ.

Filipibi 3:9

nɛ a na mi ngɛ e mi kaa i be imi nitsɛ ye dami nɛ je Mlaa mi, se mohu nɔ́ nɛ gu Kristo nɔ hemi kɛ yemi nɔ nɛ ji dami nɛ je Mawu dɛ mi ngɛ hemi kɛ yemi nya a i ngɛ,

1 Tesalonikabi 5:23

He jɔmi Mawu ɔ nitsɛ nɛ tsukɔ nyɛ he kulaa kɛ pi si, nɛ e hyɛ nyɛ mumi kɛ nyɛ klaa kɛ nyɛ nɔmlɔ tso ɔ kulaa nɔ nɛ piami ko ko hi he ngɛ wa Nyɔmtsɛ Yesu Kristo bami be ɔ mi.

Romabi 5:18

Lɔ ɔ he ɔ jeha nɛ, kaa bɔ nɛ a gu nɔ kake si gbeemi nɔ bu nimli tsuo fɔ ɔ, ja nɔuu kɛ a gu nɔ kake dami nɔ wo nimli kulaa wami nguɔ.

Luka 19:42

nɛ e ke: “E ji ngɛ o ligbi nɛ ɔ nɔ ɔ, o na le nihi nɛ hi ha o he jɔmi jinɛ saii! Se jeha nɛ ɔ a ngɔ laa mo.

Romabi 1:7

I ngɛ enɛ ɔ ngmae ya ha nihi nɛ Mawu suɔ nɛ ji ni klɔuklɔuhi nɛ a tsɛ mɛ nɛ a ngɛ Roma a kulaa: Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu dɛ mi ɔ ha nyɛ!

Luka 19:38

a ke: “A gbaa matsɛ nɛ ma ngɛ Nyɔmtsɛ ɔ biɛ mi ɔ, hejɔmi ngɛ hiɔwe nɛ hɛ mi nyami ngɛ hiɔwe lokoo!”

Galatabi 2:16

Se kɛ̃ ɔ, wa le kaa a wui nɔmlɔ nguɔ kɛ ji mlaa ni tsumihi a mi, kaa ja a gu Yesu Kristo nɔ hemi kɛ yemi ɔ kɛkɛ nɔ; enɛ ɔ he je ɔ, wɔ hu wa he Kristo Yesu nɔ ye, konɛ a wo wɔ nguɔ kɛ je Kristo nɔ hemi kɛ yemi mi, nɛ pi mlaa ni tsumihi a mi; ejakaa a be he lo ko he lo ko nguɔ woe kɛ je mlaa ni tsumihi a mi.

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Romabi 10:10

Ejakaa tsui a kɛ heɔ yeɔ kɛ yaa dami mi, nɛ nya a kɛ jajeɔ kɛ yaa yi wami hemi mi.

Romabi 3:30

Ke e ngɛ mi kaa Mawu ɔ Mawu kake ʼi, nɛ hemi kɛ yemi nya e buu nɔ pomi bemi, nɛ e kpale guu hemi kɛ yemi ɔ nɔ buu mɔmlɔtɔ bemi ɔ,

Romabi 1:17

Ejakaa kɔlɔ ɔ mi a jeɔ Mawu dami kpo ngɛ, kɛ jee hemi kɛ yemi mi kɛ yaa hemi kɛ yemi mi; kaa bɔ nɛ a ngma ke: “Dalɔ nɛ guu hemi kɛ yemi nɔ ɔ yi ma na wa.”

Hebribi 13:20

He jɔmi Mawu ɔ, nɔ nɛ je to ɔmɛ a hyɛlɔ ngua nɛ ji wa Nyɔmtsɛ Yesu kɛ je gbeje ngɛ neneene somi ɔ muɔ ɔ mi ɔ,

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Galatabi 3:25

Se nɛ hemi kɛ yemi ɔ ba nɛ ɔ, wa be tsɔselɔ ɔ sisi hu.

Romabi 10:15

Nɛ kɛ maa pee kɛɛ nɛ a maa fiɛ ke a tsɔ we mɛ ɔ? Kaa bɔ nɛ a ngma a ke: “Hyɛ bɔ nɛ he jɔmi sane kpakpa fiɛli nɛ fiɛɛ ni kpakpa amɛ a nanehi ngɛ fɛu ha!”

Romabi 9:30

Lɛɛ kɛ wa ma de kɛɛ? Lɔ ɔ ji majeli a bimɛ nɛ di dami se ɔ na dami nɛ ji dami nɛ je hemi kɛ yemi mi ɔ;

Luka 2:14

“Hɛ mi nyami ha Mawu ngɛ hiɔwe lokoo, Nɛ he jɔmi nɛ ba zugba a nɔ Ha nihi nɛ sa e hɛ mi.”

Romabi 3:22

kɔlɔ ɔ ji Mawu dami nɛ a guu Yesu Kristo nɔ hemi kɛ yemi nɔ a kɛ haa nihi tsuo nɛ heɔ yeɔ ɔ.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Romabi 5:11

Pi lɔ ɔ kɛkɛ, se mohu wa fiaa fɔɔ Mawu nɔ hulɔ ngɛ wa Nyɔmtsɛ Yesu Kristo he, nɔ nɛ nɔ nɛ wa gu jeha nɛ kɛ na kpatami ɔ.

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,