Romabi 4:17 - Somi He Ɔ

¹⁷ kaa bɔ nɛ a ngma a ke: “I ngɔ mo ngɔ pee majeli fuu a tsɛ,” ngɛ Mawu nɔ nɛ e he yeɔ ɔ hɛ mi, nɔ nɛ tsɛɛ ni gbogboehi a hɛ, nɛ e tsɛɔ nihi nɛ be ɔ kaa nihi nɛ ngɛ momo ɔ.

BAIBLO ALOO NGMAMI KLƆUKLƆU Ɔ

¹⁷ Ejakaa ngmami ɔ deɔ ke, “Ma pee mo je mahi babauu a tsɛ.” Mawu ɔ nɛ Abraham he ye ɔ, anɔkualetsɛ ji lɛ, nɛ si nɛ e wo ɔ maa ba mi. Lɛ ji Mawu nɛ tleɔ ni gbogboehi si kɛ baa wami mi ekohu; nɔ́ nɛ bɛ je mi hyɛ po, e haa e baa.

Romabi 4:17 ပူးပေါင်းရင်းမြစ်များ

1 Korintobi 1:28

Nɛ je nɛ ɔ mi nihi nɛ a bui kɛ nihi nɛ a gbe he guɛ ɔ Mawu hla, kɛ nihi nɛ pi nɔ́ ko nɔ́ ko ɔ tete, konɛ e ha nihi nɛ ji nɔ́ ko ɔmɛ nɛ pee yaka;

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

1 Petro 2:10

Sa a, nyɛ pi ma, se jehanɛ ɔ, Mawu ma ji nyɛ; sa a, a nɛ nyɛ mɔbɔ, se jehanɛ ɔ, a na nyɛ mɔbɔ.

Yohane 6:63

Mumi ɔ ji nɔ́ nɛ haa wami ɔ nɛ; he lo ɔ he be se nami ko. Munyuhi nɛ i kɛ nyɛ tu ɔ, mumi ʼi, nɛ wami ʼi.

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

Yohane 5:25

I ngɛ nyɛ dee anɔkuale mi ke: Ngmlɛfia a ma, nɛ e su ta, nɛ ni gbogboe ɔmɛ maa nu Mawu Bi ɔ gbi, nɛ nihi nɛ nuɔ ɔ yi ma na wa.

Hebribi 11:12

Lɔ ɔ he hulɔ nɛ a je nɔ kake nɛ ngɛ kaa nɔ nɛ gbo mo ɔ mi nɛ a fɔ nihi nɛ hiɛ babauu kaa hiɔwe dodoehi loo wo nya zia nɛ a be nyɛe maa kane ɔ nɛ.

Romabi 3:29

Anɛ Mawu ɔ, e ji Yudafohi kɛkɛ a Mawu lo? Anɛ pi majeli ɔmɛ hu a Mawu lo? Ee, majeli ɔmɛ hu a nɔ ʼi.

2 Petro 3:8

Se, mamimɛ, nyɛ hɛ ko je sane kake nɛ ɔ nɔ, kaa Nyɔmtsɛ ɔ hɛ mi ɔ, ligbi kake ngɛ kaa jeha akpe, nɛ jeha akpe hu ngɛ kaa ligbi kake.

Hebribi 11:7

Hemi kɛ yemi Noa hu kɛ bu Mawu tue, benɛ e fa lɛ ngɛ nihi nɛ a nɛ́ ɔmɛ a he ɔ, nɛ e kɛ dla daka kɛ ha e we ɔ yi wami hemi; e hemi kɛ yemi nɛ ɔ nɔ hu e gu nɛ e bu je ɔ fɔ, nɛ e kɛ na dami nɛ je hemi kɛ yemi mi.

1 Timoteo 6:13

I ngɛ mo kita woe ngɛ Mawu nɛ haa nihi tsuo kulaa wami ɔ kɛ Kristo Yesu nɛ ye jajemi kpakpa a he odase ngɛ Pontio Pilato yi nɔ ɔ hɛ mi,

Romabi 9:26

Nɛ e maa ba mi kaa, He nɛ a de mɛ ngɛ ke: ‘Pi ye ma ji nyɛ’ ɔ, Lejɛ ɔ nɔuu a ma tsɛ mɛ Mawu hɛkalɔ ɔ bimɛ ngɛ.”

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Romabi 4:2

Ejakaa ke ni tsumihi a nɔ a gu kɛ wo Abraham nguɔ ɔ, jinɛ e ngɛ nɔ ko nɛ e maa fia ngɔ fɔ nɔ, se lɛɛ pi ngɛ Mawu hɛ mi.

Ni Tsumi 15:18

Nyɔmtsɛ ɔ nɛ ha a le enɛ ɔmɛ kulaa kɛ je lokoo ɔ lɛ de.

Mateo 3:9

Nɛ nyɛ ko susu ngɛ nyɛ mi nɛ nyɛ de ke: ‘Wɔ ɔ lɛɛ wa tsɛ ji Abraham;’ se i ngɛ nyɛ dee ke: Mawu ma nyɛ kaa a tleɔ bihi a si kɛ jee tɛ nɛ ɔmɛ a mi ngɔ haa Abraham.

Romabi 4:18

Nɛ jinɛ he nɛ hɛ kɛ nɔ fɔmi ko be ɔ, Abraham hɛ ngɛ nɔ kɛ̃ nɛ e he ye, konɛ e plɛ majeli fuu a tsɛ, kaa bɔ nɛ a de lɛ ke: “Ja o nina maa hi” ɔ.

Romabi 9:11

Se benɛ a na we nɛ a fɔ bimɛ, nɛ jeha nɛ a tsu we nɔ kpakpa loo nɔ yaya ko ɔ, benɛ pee nɛ Mawu yi mi nɛ e to ngɛ e hlami nya a nɛ ma si,

Hebribi 11:3

Hemi kɛ yemi waa kɛ yoɔ kaa Mawu munyu a kɛ bɔ je ɔ, lɔ ɔ he ɔ nihi nɛ a naa amɛ a mi a je kɛ pee nihi nɛ a nɛ́ ɔmɛ.