Romabi 4:16 - Somi He Ɔ

¹⁶ Se enɛ ɔ he je nɛ e je hemi kɛ yemi mi ɔ nɛ, benɛ pee nɛ e pee dloomi sane, konɛ si womi ɔ nɛ ma si kpɛii ngɔ ha e nina tsuo, pi Mlaa sisibi ɔmɛ kɛkɛ, se mohu nihi nɛ je Abraham, nɛ ji wɔ tsuo wa tsɛ ɔ, hemi kɛ yemi ɔ mi ɔ hulɔ,

BAIBLO ALOO NGMAMI KLƆUKLƆU Ɔ

¹⁶ Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

Romabi 4:16 ပူးပေါင်းရင်းမြစ်များ

Efesobi 2:8

Ejakaa dloomi a kɛ he nyɛ yi wami kɛ gu hemi kɛ yemi nɔ, nɛ enɛ ɔ lɛɛ, pi nyɛ mi nɛ e je, Mawu nɔke nɔ ʼi,

Galatabi 3:22

Se mohu ngmami ɔ ngɔ je ɔ kulaa ngɔ wo yayami sisi, konɛ a gu Yesu Kristo nɔ hemi kɛ yemi nɔ nɛ a kɛ si womi ɔ nɛ ha nihi nɛ he yeɔ ɔ.

Romabi 9:8

Lɔ ɔ ji kaa, tsa pi he lo nya bimɛ ɔmɛ ji Mawu bimɛ, se si womi bimɛ ɔmɛ mohu a buu kaa nina.

Tito 3:7

konɛ bɔ nɛ a wo wɔ nguɔ ngɛ lɛ nɔuu e dloomi nya a, a ha waa pee neneene wami ɔ yeli ngɛ hɛ kɛ nɔ fɔmi ɔ nya.

Efesobi 2:5

nɛ wɔ nɛ wa ji ni gbogboehi ngɛ tuegbenɔ mi ɔ, e tsɛ̃ɛ waa kɛ Kristo tsuo hɛ; dloomi a kɛ he nyɛ yi wami!

Romabi 15:8

Se i ngɛ dee ke Yesu Kristo plɛ sɔmɔlɔ kɛ ha Yudafo ɔmɛ ngɛ Mawu anɔkuale ɔ he, konɛ e kɛ ma si nɛ a wo tsɛmɛ ɔmɛ ɔ a nɔ mi,

Romabi 5:1

Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

2 Petro 1:10

Lɔ ɔ he ɔ, mamimɛ, nyɛɛ bɔ mɔde nɛ nyɛɛ wa je nyɛ tsɛmi kɛ nyɛ hlami ɔ, ejakaa ke nyɛ pee enɛ ɔ ɔ, nyɛ be si gbee gblegbleegblee.

Romabi 4:11

Nɛ be mi nɛ a po lɛ ɔ, e nine su nɔ pomi he okadi ɔ nɔ kaa dami nya sɔumi nɔ nɛ a kɛ sɔu he nɛ e he ye be mi nɛ e ji mɔmlɔtɔtsɛ lokoo ɔ nya, konɛ e pee tsɛ kɛ ha nihi kulaa nɛ heɔ yeɔ benɛ a ji mɔmlɔtɔtsɛmɛ ɔ nɛ a bu dami ɔ ngɔ ha mɛ hulɔ,

Luka 19:9

Nɛ Yesu de lɛ ke: “Mwɔnɛ yi wami hemi ba we nɛ ɔ mi, ejakaa lɛ hu Abraham bi ji lɛ.

Romabi 3:22

kɔlɔ ɔ ji Mawu dami nɛ a guu Yesu Kristo nɔ hemi kɛ yemi nɔ a kɛ haa nihi tsuo nɛ heɔ yeɔ ɔ.

Romabi 3:30

Ke e ngɛ mi kaa Mawu ɔ Mawu kake ʼi, nɛ hemi kɛ yemi nya e buu nɔ pomi bemi, nɛ e kpale guu hemi kɛ yemi ɔ nɔ buu mɔmlɔtɔ bemi ɔ,

Galatabi 3:14

konɛ Abraham gbaami ɔ nɛ ba maje li ɔmɛ a nɔ ngɛ Kristo Yesu mi, nɛ waa kɛ hemi kɛ yemi ɔ nɛ na Mumi ɔ si womi ɔ.

Galatabi 3:16

Jehanɛ Abraham ɔ, a tu si womi munyu ɔmɛ ngɔ ha lɛ kɛ e nina a. E de we ke: “Kɛ e nina amɛ,” kaa nɔ nɛ nihi fuu a nɔ ʼi, se mohu kaa nɔ kake nɔ, ke: “Kɛ o nina a,” nɔ nɛ ji Kristo ɔ.