Romabi 3:5 - Somi He Ɔ

⁵ Se ke wa ni yayami ɔmɛ haa Mawu dami ɔ jee kpo ɔ, kɛ wa ma de kɛɛ? Anɛ Mawu tɔ ke e kɛ mimifumi ba wa nɔ ɔ lo? (I ngɛ munyu tue kaa bɔ nɛ nimli tuɔ munyu.)

BAIBLO ALOO NGMAMI KLƆUKLƆU Ɔ

⁵ Se ke nɔ́ nɛ dɛ nɛ wa peeɔ ɔ, haa nɛ a naa paa kaa nɔ́ nɛ da pɛ Mawu peeɔ ɔ, lɛɛ kɛ wa ma de kɛɛ? Anɛ ke Mawu kɛ mi mi fumi gbla wa tue ɔ, e tɔ lo? (Bɔ nɛ i bi nɛ ɔ, ja kɛkɛ adesa tuɔ munyu.)

Romabi 3:5 ပူးပေါင်းရင်းမြစ်များ

Romabi 6:19

Bɔ nɛ nɔmlɔ tuɔ munyu i ngɛ tue nɛ ɔ nɛ, ngɛ nyɛ he lo gbedemi ɔ he. Ejakaa kaa bɔ nɛ nyɛ ngɔ nyɛ he ni ɔmɛ ngɔ pee hiemi nihi kɛ mlaa tɔmi nyɔguɛhi kɛ sɛ mlaa tɔmi mi ɔ, ja nɔuu kɛ jeha nɛ ɔ nyɛɛ ngɔ nyɛ he ni ɔmɛ ngɔ pee dami nyɔguɛhi kɛ ha klɔuklɔu peemi.

Galatabi 3:15

Mamimɛ, nyɛ ha ma ngɔ nimli a si himi mi nɔ ko kɛ tsɔɔ nyɛ nya. Nɔmlɔ si womi tete ɔ, ke a ma nɔ mi ɔ, nɔ ko kua we, nɛ jehanɛ hu nɔ ko piɛ we he nɔ ko.

1 Korintobi 9:8

Nɔ nɛ i ngɛ dee nɛ ɔ, anɛ nimli kɛkɛ lɛ peɔ ja? Anɛ mlaa hu de we ja nɔuu lo?

Romabi 7:7

Lɛɛ kɛ wa ma de kɛɛ? Anɛ Mlaa a yayami ʼi lo? Dɛbi! Se mohu ke pi Mlaa a he jinɛ i li yayami. Ejakaa jinɛ i li nɔ́ nɛ ji hɛ̃kɔ, ke pi Mlaa a nɛ de ke: “O hɛ ko kɔ nihi a nɔ.”

Romabi 4:1

Lɛɛ mɛni wa ma de ke wa tsɛ Abraham na ngɛ he lo blɔfami mɔ?

Romabi 2:5

Se o kɛ o tsui wami kɛ o he nɛ o pia we ɔ ngɛ mi mi fumi nyɛ buae ngɔ ha mo nitsɛ o he ngɔ to mi mi fumi kɛ Mawu dami kojomi kpo jemi ligbi ɔ.

Kpojemi 18:20

Mo hiɔwe, kɛ nyɛ klɔuklɔu bihi kɛ bɔfohi kɛ gbali, nyɛ nya ngɛ e butumi ɔ he, ejakaa Mawu kojo lɛ ha nyɛ.

Kpojemi 15:3

Nɛ a la Mawu tsɔlɔ Mose la a kɛ Tobi ɔ la a ke: “Nyɔmtsɛ Mawu Ope, O ni tsumi ɔmɛ kle, nɛ a ngɛ nyakpɛ! Mo je ma amɛ a nɔ matsɛ, O blɔ ɔmɛ da, nɛ anɔkuale ji mɛ.

1 Korintobi 15:32

Ke nimli a blɔfami nɛ i kɛ “lohwe dikali” hwu ta ngɛ Efeso ɔ, jinɛ mɛni se i naa? Ke ni gbogboehi ti si ɔ, “Nyɛ ha waa ye ni nɛ waa nu ni, ejakaa hwɔɔ ɔ wa ma gbo!”

Romabi 12:19

Suɔli, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ mi mi fumi ɔ blɔ; ejakaa a ngma ke: “Ye nɔ ji lue yemi, Imi ma to nane mi, Nyɔmtsɛ ɔ lɛ de.”

Romabi 6:1

Lɛɛ kɛ wa ma de kɛɛ? Waa hi yayami ɔ mi konɛ Mawu dloomi nɛ hiɛ lo?

Romabi 3:19

Jeha nɛ ɔ wa le kaa nihi kulaa nɛ Mlaa a deɔ ɔ, nihi nɛ ngɛ Mlaa a sisi ɔ e ngɛ dee, konɛ nɔ ko nɔ ko ko na nya, nɛ je mluku ɔ tsuo nɛ ye fɔ ngɛ Mawu hɛ mi.

Romabi 3:7

Se ke ye nya ngɔmi ɔ haa Mawu anɔkuale hiɛɛ kɛ bee nɔ ha e hɛ mi nyami ɔ, mɛni he je mɔ nɛ a yaa nɔ kojoɔ mi kaa yayami peelɔ?

Romabi 5:8

Se Mawu jeɔ e suɔmi nɛ e kɛ suɔ wɔ kpo tsɔɔ, kaa be mi nɛ wa ji yayami peeli lokoo nɛ Kristo ba gbo ngɛ wa nane mi.

Romabi 8:31

Lɛɛ kɛ wa ma de kɛɛ ngɛ ni nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Romabi 9:30

Lɛɛ kɛ wa ma de kɛɛ? Lɔ ɔ ji majeli a bimɛ nɛ di dami se ɔ na dami nɛ ji dami nɛ je hemi kɛ yemi mi ɔ;

2 Korintobi 6:4

se mohu nɔ́ tsuaa nɔ́ mi ɔ, waa kɛ wa he nɛ tsɔɔ kaa Mawu sɔmɔli ngɛ tsui si tomi babauu mi, ngɛ nɔ namihi a mi, ngɛ fimihi a mi, ngɛ he hiamihi a mi,

2 Korintobi 7:11

Ejakaa oʼɛ, kikɛmɛ a dɔmi nɛ e dɔ nyɛ bɔ nɛ sa Mawu hɛ mi nɛ ɔ nɔuu ɔ, nyɛɛ hyɛ mɔde bɔmi, nya jemi, tsui la womi, gbeye yemi, hɛja, hɛ dɔmi kɛ lue yemi tete nɛ e tsɛ ngɔ wo nyɛ mi! Nɔ́ tsuaa nɔ́ mi ɔ nyɛɛ kɛ nyɛ he tsɔɔ wɔ kaa nyɛ he tsɔ ngɛ kikɛmɛ a sane nɛ ɔ mi.

Galatabi 2:18

Ejakaa ke nihi nɛ i kuɔ pueɔ si ɔ i kpaleɔ maa ekohu ɔ, blɔɔ i tsɔɔ ye he kaa nɔ tɔlɔ ji mi.