Romabi 3:4 - Somi He Ɔ

⁴ Dɛbi! Mawu ɔ, anɔkualetsɛ ʼi, se snɔmlɔ tsuaa nɔmlɔ ɔ, nya ngɔlɔ ʼi, kaa bɔ nɛ a ngma a ke: “Bene pee nɛ o ye manye ngɛ o munyu ɔmɛ a mi, Nɛ o ye nguɔ ngɛ o kojomi ɔ mi.”

BAIBLO ALOO NGMAMI KLƆUKLƆU Ɔ

⁴ Dɛbi! Mawu ɔ, anɔkualetsɛ ji lɛ; pohu nimli adesahi tsuo lɛɛ lakpa a yeɔ. Kaa bɔ nɛ ngmami ɔ deɔ ɔ, “Konɛ nihi tsuo nɛ a na kaa nɔ́ tsuaa nɔ́ nɛ o deɔ ɔ ngɛ mi; Nɛ ke a kojo mo hu, o yeɔ nguɔ.”

Romabi 3:4 ပူးပေါင်းရင်းမြစ်များ

Galatabi 2:17

Jehanɛ, ke wɔ nɛ wa hlaa kaa a wo wɔ nguɔ ngɛ Kristo mi ɔ, a na wɔ kaa wɔ nitsɛmɛ hu yayami peeli ji wɔ ɔ, blɔɔ lɔ ɔ tsɔɔ kaa Kristo fiɔ yayami se lo? Pi ja!

Hebribi 6:18

konɛ waa gu sanehi enyɔ nɛ tsakee we nɛ Mawu be nyɛe maa ngɔ nya ngɛ mi ɔ nɔ kɛ na bua womi nɛ wa, konɛ wɔ nihi nɛ wa ya sawe ɔ, wa kɛ hɛɛ hɛ kɛ nɔ fɔmi nɛ ngɛ wa hɛ mi ɔ mi;

Tito 1:2

nɛ maa si ngɛ neneene wami ɔ he hɛ kɛ nɔ fɔmi ɔ mi. Mawu nɛ yi lakpa a wo wɔ kikɛmɛ a wami nɛ ɔ he si loko a bɔ je mi be ɔmɛ,

Yohane 3:33

Nɔ tsuaa nɔ nɛ heɔ e odase ɔ yeɔ ɔ maa nɔ mi kaa anɔkualetsɛ ji Mawu.

Kpojemi 3:7

“Nɛ Filadelfia asafo ɔ bɔfo ɔ, ngmaa ya ha lɛ ke: “Nihi nɛ nɔ klɔuklɔu ɔ kɛ anɔkualetsɛ ɔ, nɔ nɛ hɛɛ David safe ɔ, nɔ nɛ bliɔ nɛ nɔ ko nga we, nɛ e ngaa hulɔ nɛ nɔ ko bli we ɔ de ji nɛ ɔ nɛ:

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

Romabi 9:14

Lɛɛ kɛ wa ma de kɛɛ? Anɛ Mawu yeɔ sane ko nɛ dɛ lo? Dɛbi!

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

Galatabi 2:21

I kua we Mawu dloomi ɔ, ejakaa, ke mlaa nɔ dami guu kɛ baa a, lɛɛ Kristo gbo yaka gu.

Romabi 6:15

Lɛɛ kɛ ji lɛ kɛɛ? Waa pee yayami akɛnɛ wa be Mlaa sisi se dloomi mohu sisi wa ngɛ ɔ lo? Dɛbi!

Romabi 3:31

lɛɛ wa ngɛ hemi kɛ yemi nɔ gue nɛ wa ha Mlaa a nɛ pee yaka lo? Dɛbi, waa kɛ ngɛ Mlaa a nɔ mi mae mohu.

Mateo 11:19

Nɔmlɔ Bi ɔ ba nɛ e yeɔ ni nɛ jeha nɛ e nuu nɔ ko ɔ, a de ke: ‘Oʼɛ, nyumu jiklɔɔtsɛ kɛ da nulɔ onia tsuli kɛ yayami peeli a huɛ ɔ ji nɛ ɔ nɛ!’ Nɛ a bu Nawu ni lemi ɔ bemi ngɛ e ni tsumi ɔmɛ a nya.”

Galatabi 6:14

Se imi lɛɛ e ya je ngɛ se lokoo kaa ma fia ngɔ fɔ nɔ́ ko nɔ kaa ja wa Nyɔmtsɛ Yesu Kristo sɛumi tso ɔ nɔ, kɔlɔ ɔ nɔuu nɔ a gu kɛ sɛu je ɔ ha mi, nɛ imi hu a sɛu mi ha je ɔ.

Romabi 11:1

Jeha nɛ i ngɛ bie ke: Anɛ Mawu kua e ma a lo? Dɛbi! Ejakaa imi hu Israel no ji mi, nɛ i je Abraham nina kɛ Benyamin weku ɔ mi.

2 Korintobi 1:18

Mawu ji wa odase, kaa wa munyu nɛ waa kɛ nyɛ tu ɔ, e pi “Ee” kɛ “Dɛbi” ngɛ be kake mi.

Romabi 11:11

Jeha nɛ i ngɛ bie ke: “Blɔɔ pe a tɛ si nɛ a nɔ si butuu lo?” Dɛbi! Se mohu a gu a sigbeemi ɔ nɔ kɛ he maje li ɔmɛ a yi wami, konɛ e ha a je hunga.

Romabi 7:7

Lɛɛ kɛ wa ma de kɛɛ? Anɛ Mlaa a yayami ʼi lo? Dɛbi! Se mohu ke pi Mlaa a he jinɛ i li yayami. Ejakaa jinɛ i li nɔ́ nɛ ji hɛ̃kɔ, ke pi Mlaa a nɛ de ke: “O hɛ ko kɔ nihi a nɔ.”

Romabi 6:2

Dɛbi! Wɔ nɛ wa gbo ngɔ ha yayami ɔ, kɛ maa pee kɛɛ nɛ wa hɛ maa tsa nɔ hi ngmengmle ngɛ e mi?

Luka 20:16

E ma ba kpata huli ɔmɛ a hɛ mi, nɛ e maa ngɔ wai ngmɔ ɔ ngɔ ha ni kpahi.” Se benɛ a nu ɔ a ke: “Kpaoo!”

Romabi 7:13

Lɛɛ nɔ́ kpakpa a plɛ gbenɔ ha mi lo? Dɛbi! Se mohu bene pee nɛ yayami ɔ nɛ je si kaa yayami he ɔ, e kɛ nɔ́ kpakpa a nɔuu tsɛ gbenɔ ngɔ ha mi, konɛ yayami ɔ nɛ gu kita a nɔ nɛ e plɛ yayami nɛ be nɔ.

1 Korintobi 6:15

Anɛ nyɛ li kaa nyɛ nɔmlɔ tso ɔmɛ ɔ Kristo he nihi ji mɛ lo? Lɛɛ ma ngɔ Kristo he ni ɔmɛ ngɔ pee ajuama he nihi lo? Dɛbi!

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.