Romabi 2:7 - Somi He Ɔ

⁷ Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

BAIBLO ALOO NGMAMI KLƆUKLƆU Ɔ

⁷ Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Romabi 2:7 ပူးပေါင်းရင်းမြစ်များ

Luka 8:15

Se zugba kpakpa mi nɔ́ ɔ ji nihi nɛ benɛ a nu munyu ɔ, a kɛ toɔ tsui kpakpa mi, nɛ a kɛ tsui si tomi hɛɛ mi nɛ a woɔ yiblii.”

2 Timoteo 1:10

nɛ jehanɛ a gu wa yi wami helɔ Yesu Kristo he kpo jemi ɔ nɔ je lɛ si paa a; nɔ nɛ po gbenɔ se nɛ e je wami kɛ neneene si himi kpo tsɔɔ wɔ ngɛ sane kpakpa a mi,

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Galatabi 6:9

Nyɛ ko ha nɛ pɔ nɛ tɔ nyɛ kɛ kpakpa peemi, ejakaa ke wa nine mi wui nyu ɔ, wa ma kpa hulɔ ngɛ be nɛ sa mi.

Romabi 8:18

Ejakaa i susuu kaa mwɔnɛ mwɔnɛ amanehlu nɛ ɔmɛ kɛ nyami nɛ hwɔɔ se a ma je kpo ha wɔ ɔ sɔɛ.

Romabi 2:10

Se hɛ mi nyami kɛ bu kɛ he jɔmi maa ba nɔ tsuaa nɔ nɛ tsuɔ ni kpakpahi ɔ nɔ, Yuda no kekle kɛ Hela no hulɔ.

1 Yohane 2:25

Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

Romabi 9:23

nɛ jeha nɛ hu ke e haa a leɔ e hɛ mi nyami hiɛmi ɔ hu ngɛ e mɔbɔ nami nihi nɛ e dla ngɔ to ha hɛ mi nyami ɔ, mɛni o ma de?

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

Hebribi 6:15

Nɛ akɛnɛ Abraham to e tsui si he je ɔ, e nine su si womi ɔ nɔ.

Hebribi 6:12

konɛ nyɛ ko pee hejɔ se mohu nyɛɛ kase ninɛmɛ nɛ guu hemi kɛ yemi kɛ tsui si tomi nɔ naa si womi ɔ.

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Luka 21:19

Nyɛ tsui si tomi nyɛ ma kɛ he nyɛ klaa amɛ a yi wami.”

Yohane 4:36

Nɔ nɛ kpaa a naa e hiɔwo, nɛ e kpaneɔ yiblii ɔmɛ a nya ngɔ toɔ neneene wami, konɛ nɔ nɛ duɔ ɔ kɛ nɔ nɛ kpaa a tsuo a nya si kake.

1 Korintobi 15:42

Jã nɔuu ji ni gbogboehi a sitemi ɔ hulɔ. A duɔ lɛ ngɛ puemi mi, a tleɔ lɛ si ngɛ nɔ́ nɛ puɛ we mi;

1 Korintobi 15:50

Mamimɛ, nɔ́ nɛ i ngɛ tsɔɔe ji kaa, he lo kɛ muɔ nine be Mawu matsɛ yemi ɔ nɔ sue, nɛ jehanɛ puemi hu nine be nɔ́ nɛ puɛ we ɔ nɔ sue.

Efesobi 6:24

Dloomi nɛ je wa Mawetsɛ Yesu Kristo dɛ mi ɔ kɛ nihi kulaa nɛ suɔ le kɛ pii si ɔ nɛ hi si! Amen.

1 Timoteo 1:17

Neneene Matsɛ ɔ, nɔ nɛ gbo we, nɔ nɛ ji Mawu kake ɔ, a ngɔ bu kɛ hɛ mi nyami ngɔ ha lɛ kɛ ya neneene kɛ neneene! Amen.

Hebribi 2:7

Piɛ bɔɔ kɛkɛ nɛ o ha e kɛ hiɔwe bɔfohi nɛ sɔ; O kɛ hɛ mi nyami kɛ bu fi lɛ jlasi.”