Romabi 2:5 - Somi He Ɔ

⁵ Se o kɛ o tsui wami kɛ o he nɛ o pia we ɔ ngɛ mi mi fumi nyɛ buae ngɔ ha mo nitsɛ o he ngɔ to mi mi fumi kɛ Mawu dami kojomi kpo jemi ligbi ɔ.

BAIBLO ALOO NGMAMI KLƆUKLƆU Ɔ

⁵ Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Romabi 2:5 ပူးပေါင်းရင်းမြစ်များ

Romabi 1:18

Ejakaa a jeɔ Mawu mi mi fumi kpo kɛ jee hiɔwe kɛ baa nimli nɛ kɛ ni yayamihi kɛ musu bɔmi tsiɔ anɔkuale ɔ blɔ ɔ kulaa nɔ,

Yuda 1:6

Nɛ hiɔwe bɔfohi hu nɛ hɛɛ we mɛ nitsɛmɛ a nɔkɔtɔma yemi ɔ mi, se mohu a je mɛ nitsɛmɛ a si himi he ɔ, e kɛ neneene kpahi fi mɛ ngɔ to diblii tsitsliitsli mi ha Ligbi ngua a nɔ kojomi ɔ.

2 Petro 3:7

Se hiɔwe kɛ zugba nɛ ngɛ nɛ ɔ, lɛ nɔuu e munyu lɛ hɛɛ mɛ kɛ to ha la, nɛ a kɛ mɛ to kɛ yaa su kojomi kɛ nimli nɛ kua Mawu ɔ a hɛ mi kpatami ligbi ɔ.

Hebribi 3:15

Ngmami ɔ de ke: “Mwɔnɛ ke nyɛ nu e gbi ɔ, Nyɛ ko wlua nyɛ tsui Kaa bɔ nɛ nyɛ pee Benɛ nyɛ tsɔ ye hɛ mi atua a.”

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peɔ nɛ e jeɔ dali ngɛ ka mi, kɛ bɔ nɛ e peɔ nɛ e haa nimli yayamihi hii piimi mi kɛ maa su kojomi ligbi ɔ nɔ,

Hebribi 4:7

Mawu kpale to ligbi kpa ko ekohu, nɛ e de ngɛ David nya, ngɛ be babauu nɛ ɔ se ke, Mwɔnɛ, kaa bɔ nɛ la de sa a, “Mwɔnɛ ke nyɛ nu e gbi ɔ, Nyɛ ko wlua nyɛ tsui.’ ”

Hebribi 3:13

se mohu nyɛɛ tu munyu ngɔ tsɔɔ nyɛ he ligbi tsuaa ligbi nɛ a tsɛɛ lɛ “mwɔnɛ” ɔ, konɛ yayami ko sisi nyɛ nɛ nyɛ wlua nyɛ tsui.

Romabi 9:22

Se ke Mawu suɔ kaa e je e mi mi fumi kpo ngɔ tsɔɔ nɛ e ha a le e he wami ɔ, se kɛ̃ ɔ, e toɔ e tsui si babauu kɛ hɛɛ mi mi la womi nihi nɛ sa hɛ mi kpatami ɔ,

Kpojemi 6:17

Ejakaa e mi mi fumi ligbi ngua a su, nɛ mɛnɔ ma nyɛ si maa da?”

Yakobo 5:3

Nyɛ sika tsu kɛ nyɛ sika hiɔ ɔmɛ nɔ kana, nɛ a he kana amɛ maa ye nyɛ he odase, nɛ e maa sã nyɛ he womi mi kaa la. Nyɛ bua juetli nya ngɔ to ngɛ nyagbe ligbi ɔmɛ a mi.

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,

2 Korintobi 5:10

Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

2 Tesalonikabi 1:5

Enɛ ɔ ji Mawu kojomi nɛ da a he okadi nɛ a naa paa, konɛ a bu nyɛ kaa nyɛ sa Mawu matsɛ yemi nɛ nyɛ ngɛ nɔ nae ngɛ he ɔ.

Kpojemi 2:21

I ha lɛ be konɛ e kɛ tsake e tsui, se e sume nɛ e tsake kɛ je ajuama bɔmi ɔ mi.