Romabi 2:4 - Somi He Ɔ

⁴ Aloo pe o ngɛ e mi mi himi kɛ e nɔ he tsui nami kɛ e tsui si tomi babauu ɔ he guɛ gbee, se o li kaa Mawu mi mi jɔmi ɔ pe e ngɛ o he piɛe nɛ o pia o he lo?

BAIBLO ALOO NGMAMI KLƆUKLƆU Ɔ

⁴ O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Romabi 2:4 ပူးပေါင်းရင်းမြစ်များ

2 Petro 3:9

Tsa pi kɛmi nɛ Nyɔmtsɛ ɔ ha e si womi ɔ se ngɛ kɛe, kaa bɔ nɛ ni komɛ buu kaa e se ngɛ kɛe ɔ, se mohu e tsui si e ngɛ toe kɛ ngɛ wɔ hae, ejakaa e sume kaa ni komɛ nɛ laa, se mohu kaa nihi tsuo a tsake a tsui.

Efesobi 1:18

nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Efesobi 1:7

Ejakaa Kristo mi nɔuu wa na kpɔmi ɔ ngɛ nɛ ji yayamihi a pami ɔ, ngɛ e muɔ ɔ he ngɛ e dloomi hiɛmi ɔ nyɛ,

Romabi 3:25

Lɛ ji nɔ nɛ Mawu je ngɔ to kaa kpatami nɔ kɛ gu e muɔ ɔ nɔ hemi kɛ yemi nɔ, konɛ e je e dami ɔ kpo ngɛ e hɛ nɛ e je kɛ je yayamihi nɛ a pee sa a nɔ ngɛ Mawu tsui si tomi ɔ he;

2 Petro 3:15

Nyɛɛ bu wa Nyɔmtsɛ tsui si tomi ɔ kaa yi wami hemi, kaa bɔ nɛ wa suɔmi nyɛmi Paulo ɔ hu ngma nyɛ ngɛ ni lemi nɛ a kɛ ha lɛ ɔ nya a.

Romabi 11:33

Oo, bɔ nɛ Mawu Ni hiɛhiɛ kɛ ga kɛ ni lemi mi kuɔ ha ji nɛ ɔ nɛ! E kojomi ɔmɛ ɔ, a nyɛ we sisi nami, nɛ e blɔ ɔmɛ bu, a nyɛ we hiɔmi!

Romabi 11:22

Lɔ ɔ he ɔ, hyɛ Mawu mi mi himi kɛ e sane wami ɔ tsuo. E sane wa ngɛ nihi nɛ gbee si ɔmɛ a nɔ, se moo lɛɛ e mi mi hi ngɛ o nɔ, ke o hi e mi mi himi ɔ mi ɔ; ke pi ja a, a maa po mo ngɔ sake ngɔ fɔ he.

Efesobi 2:4

Se Mawu nɛ e mɔbɔ nami hiɛ babauu ɔ, gu lɛ nitsɛ e suɔmi babauu nɛ e kɛ suɔ wɔ ɔ nɔ,

2 Petro 3:3

Kekleekle ɔ, nyɛɛ le enɛ ɔ kaa nyagbe ligbi ɔmɛ a mi ɔ, nɔ he fɛu yeli maa ba kɛ he fɛu yemi, nihi nɛ maa nyɛɛ ngɛ mɛ nitsɛmɛ a kɔnɔ ɔmɛ a nya,

1 Petro 3:20

Nimli nɛ ɔmɛ ji nihi nɛ blema a, a bui Mawu tue benɛ e to e tsui si nɛ e mlɛ mɛ hluu ngɛ Noa be ɔmɛ a mi, benɛ a ngɛ daka ngua a kpɛe ɔ. Nihi bɔɔ nɛ ngɛ deka a mi — nihi kpaanyɔ — aklaahi a yi wami a he kɛ gu nyu mi.

1 Timoteo 6:17

Niatsɛmɛ nɛ ngɛ je nɛ ɔ mi ɔ, wo mɛ kita konɛ a ko susu ni nguahi, nɛ a ko ngɔ a hɛ ngɔ fɔ ni nami nɛ be sɔkee ɔ nɔ, se mohu Mawu hɛ kalɔ ɔ nɔ, nɔ nɛ ngɔɔ nihi kulaa ngɔ haa wɔ babauu ke waa ye mi ngɔmi ɔ.

Filipibi 4:19

Ye Mawu ɔ ma ha nyɛ nihi kulaa nɛ hiaa nyɛ ɔ ngɛ e hɛ mi nyami hiɛmi ɔ nya, ngɛ Kristo Yesu mi.

Kpojemi 3:20

Oʼɛ i daa si ngɛ sinya a se nɛ i ngɛ sie; ke nɔ ko nu ye gbi nɛ e bli sinya a, ma ba e ngɔ nɛ i kɛ lɛ ma ba ye ni nɛ lɛ hu e kɛ mi maa ye.

1 Timoteo 1:16

se kɛ ɔ, enɛ ɔ he nɛ a na mi mɔbɔ ɔ nɛ, konɛ imi kekle ye mi nɛ Kristo nɛ je e tsui si tomi ɔ kulaa kpo ngɛ, nɛ a kɛ to okadi ha nihi nɛ ma he e nɔ ngɔ ye, nɛ a na neneene wami.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Romabi 6:15

Lɛɛ kɛ ji lɛ kɛɛ? Waa pee yayami akɛnɛ wa be Mlaa sisi se dloomi mohu sisi wa ngɛ ɔ lo? Dɛbi!

Romabi 6:1

Lɛɛ kɛ wa ma de kɛɛ? Waa hi yayami ɔ mi konɛ Mawu dloomi nɛ hiɛ lo?

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

Efesobi 3:16

konɛ ngɛ e hɛ mi nyɛmi hiɛmi ɔ nya a, e ha nyɛɛ gu e Mumi ɔ nɔ nɛ nyɛ he nɛ wa kpitikplii ngɛ nyɛ mi nɔmlɔ ɔ blɔfami,

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Romabi 10:12

Ejakaa slɔɔto ko be Yuda no kɛ Hela no kpɛti; ejakaa Nyɔmtsɛ kake mɛ kulaa a ngɛ, nɛ niatsɛ hu ji lɛ ha nihi tsuo nɛ kpaa ngmlaa kɛ tsɛɛ lɛ ɔ.

2 Korintobi 8:2

kaa nɔ nami ka babauu mi ɔ, a bua jɔmi ɔ be nɔ kɛ̃, nɛ a hia nɛ mi kuɔ ɔ hu be nɔ kɛ je e he kpo ngɛ mi mi himi ni hami mi,

2 Petro 1:11

Ejakaa kikɛmɛ a blɔ ɔ nɔ a maa gu kɛ ngmɛ nyɛ blɔ kɛ sɛ wa Nyɔmtsɛ kɛ yi wami helɔ Yesu Kristo neneene matsɛ yemi ɔ mi.

Kpojemi 2:21

I ha lɛ be konɛ e kɛ tsake e tsui, se e sume nɛ e tsake kɛ je ajuama bɔmi ɔ mi.