Romabi 2:2 - Somi He Ɔ

² Wa le kaa Mawu fɔ bumi ɔ sa nihi nɛ tsuɔ jamɛ a ni ɔmɛ pɛ.

BAIBLO ALOO NGMAMI KLƆUKLƆU Ɔ

² Wa le kaa Mawu buɔ nihi nɛ tsuɔ jamɛ a ní ɔmɛ bɔ nɛ fɔ ɔ le da pɛpɛɛpɛ.

Romabi 2:2 ပူးပေါင်းရင်းမြစ်များ

Ni Tsumi 17:31

Ejakaa e to ligbi ko nɛ e maa gu nyumu ko nɛ e to ɔ nɔ kɛ kojo je mluku ɔ tsuo ngɛ dami nya; e ha nɔ tsuaa nɔ le enɛ ɔ, ejakaa e tle lɛ si kɛ je gbeje.”

Romabi 2:1

Lɔ ɔ he ɔ mo, nɔ tsuaa nɔ nɛ o kojoɔ ɔ, o be nya jemi ko; ejakaa nɔ he nɛ o kojoɔ nɔ kpa ngɛ ɔ, o kɛ buu mo nitsɛ o he fɔ; ejakaa mo nɛ o kojoɔ nihi ɔ, jamɛ a ni ɔmɛ nɔuu o tsuɔ.

Romabi 2:3

Se mo nɔmlɔ nɛ o kojoɔ nihi nɛ tsuɔ jamɛ a ni nɛ ɔmɛ nɛ o peɔ ja nɔuu ɔ, anɛ o susuu kaa moo lɛɛ o he maa je Mawu kojomi ɔ mi lo?

Romabi 2:5

Se o kɛ o tsui wami kɛ o he nɛ o pia we ɔ ngɛ mi mi fumi nyɛ buae ngɔ ha mo nitsɛ o he ngɔ to mi mi fumi kɛ Mawu dami kojomi kpo jemi ligbi ɔ.

Romabi 9:14

Lɛɛ kɛ wa ma de kɛɛ? Anɛ Mawu yeɔ sane ko nɛ dɛ lo? Dɛbi!

Kpojemi 16:5

Nɛ i nu nɛ nyu ɔmɛ a nɔ bɔfo ɔ ngɛ dee ke: “Dalɔ ji mo, Nyɔmtsɛ, nɔ nɛ ngɛ kɛ nɔ nɛ hi si sa kɛ nɔ nɛ ji nɔ klɔuklɔu ɔ, ejakaa o nɔ da ngɛ o kojomi nɛ ɔmɛ a mi.

Kpojemi 19:2

Ejakaa zanɔkuale kɛ dami ji e kojomi ɔmɛ, akɛnɛ e kojo ajuama kpanaaku ɔ nɛ kɛ e juama bɔmi ɔ puɛ zugba a, nɛ Mawu ye e sɔmɔli ɔmɛ a muɔ ɔ he lue.”