Romabi 2:16 - Somi He Ɔ

¹⁶ ngɛ ligbi nɛ Mawu maa gu Yesu Kristo nɔ kɛ kojo nimli a laami mi ni ɔmɛ ngɛ ye Sane Kpakpa a nya a.

BAIBLO ALOO NGMAMI KLƆUKLƆU Ɔ

¹⁶ Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Romabi 2:16 ပူးပေါင်းရင်းမြစ်များ

1 Korintobi 4:5

Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

Ni Tsumi 17:31

Ejakaa e to ligbi ko nɛ e maa gu nyumu ko nɛ e to ɔ nɔ kɛ kojo je mluku ɔ tsuo ngɛ dami nya; e ha nɔ tsuaa nɔ le enɛ ɔ, ejakaa e tle lɛ si kɛ je gbeje.”

Ni Tsumi 10:42

Nɛ e wo wɔ kita ke waa fiɛ ngɔ tsɔɔ ma a nɛ waa ye odase kaa lɛ ji nɔ nɛ Mawu je ngɔ to nɛ e kojo hɛ kali kɛ ni gbogboehi ɔ nɛ.

Luka 8:17

Ejakaa nɔ́ ko be nɛ a kɛ laa nɛ a be kpo jee, nɛ jeha nɛ ɔ hu nɔ́ ko be nɛ a bu nɔ nɛ a be lee nɛ a be nya blie.

1 Petro 4:5

se a maa bu akɔtaa ngɔ ha nɔ nɛ dla e he ngɔ to nɛ e maa kojo hɛ kãli kɛ ni gbogboehi tsuo ɔ.

Romabi 3:6

Dɛbi! Ejakaa ke ja a, kɛ maa pee kɛɛ nɛ Mawu maa kojo je ɔ?

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peɔ nɛ e jeɔ dali ngɛ ka mi, kɛ bɔ nɛ e peɔ nɛ e haa nimli yayamihi hii piimi mi kɛ maa su kojomi ligbi ɔ nɔ,

2 Timoteo 4:1

I ngɛ mo dee faii ngɛ Mawu kɛ Mawetsɛ Yesu Kristo nɛ maa ba ba kojo hɛ kali kɛ ni gbogboehi ngɛ e bami kɛ e matsɛ yemi ɔ mi ɔ hɛ mi ke:

2 Timoteo 2:8

O hɛ nɛ hi Yesu Kristo nɔ nɛ te si kɛ je gbeje nɛ je David nina mi ɔ nɔ, bɔ nɛ i fiɛ ngɛ ye sane kpakpa a mi ɔ,

1 Timoteo 1:11

ngɛ Mawu nɛ a gbaa lɛ ɔ nyami sane kpakpa nɛ a tu ngɔ wo ye dɛ mi ɔ nya.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

Yohane 12:48

Nɔ nɛ kuaa mi nɛ e pɛtɛ we ye munyu ɔ he ɔ, e ngɛ nɔ ko nɛ kojo lɛ; munyu nɛ i tu ɔ, kɔlɔ ɔ nɔuu maa kojo lɛ ngɛ nyagbe ligbi ɔ nɔ.

Hebribi 9:27

Nɛ be abɔ nɛ e fɔɔ si ha nimli kaa si kake a gboɔ nɛ lɔ ɔ se ɔ a maa kojo mɛ ɔ,

2 Timoteo 4:8

nɔ nɛ piɛ nɛ fɔɔ si ha mi ji dami jlasi ɔ, nɛ Nyɔmtsɛ nɛ ji dami kojolɔ ɔ ma ha mi ngɛ jamɛ a Ligbi ɔ nɔ ɔ, nɛ pi ye nɔ kake nɛ e ma ha, se mohu nihi kulaa nɛ suɔ e bami ɔ hulɔ ɔ.

2 Korintobi 5:10

Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

Romabi 2:5

Se o kɛ o tsui wami kɛ o he nɛ o pia we ɔ ngɛ mi mi fumi nyɛ buae ngɔ ha mo nitsɛ o he ngɔ to mi mi fumi kɛ Mawu dami kojomi kpo jemi ligbi ɔ.

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Galatabi 1:11

Se i ngɛ hae nɛ nyɛɛ le, mamimɛ, kaa sane kpakpa nɛ i jaje ɔ, pi nimli a nya nɛ e je.

1 Korintobi 15:1

Jehanɛ, mamimɛ, i ngɛ nyɛ kaie kaa Sane Kpakpa a nɛ i jaje tsɔɔ nyɛ nɛ nyɛ pɛtɛ he hulɔ nɛ nyɛ hɛɛ mi ɔ,