Romabi 2:10 - Somi He Ɔ

¹⁰ Se hɛ mi nyami kɛ bu kɛ he jɔmi maa ba nɔ tsuaa nɔ nɛ tsuɔ ni kpakpahi ɔ nɔ, Yuda no kekle kɛ Hela no hulɔ.

BAIBLO ALOO NGMAMI KLƆUKLƆU Ɔ

¹⁰ Se ni nɛmɛ nɛ peeɔ nɔ́ kpakpa a, Mawu maa wo a hɛ mi nyami; bu maa ba a he, nɛ e ma ha mɛ he jɔmi, Yuda bi kekle, kɛ jehanɛ ɔ, ma je li hulɔ.

Romabi 2:10 ပူးပေါင်းရင်းမြစ်များ

1 Petro 1:7

konɛ a na nyɛ hemi kɛ yemi sami ɔ kaa e he jua wa babauu. Sika tsu po nɛ puɛɛ ɔ, a kaa ngɛ la mi; nɛ lɔ ɔ he ɔ nyɛ hemi kɛ yemi nɛ he jua wa pe sika tsu ɔ hu sa nɛ a ka lɛ konɛ e nyɛ nɛ e hi si. Lɛɛ, nyɛ nine maa su yi jemi kɛ hɛ mi nyami kɛ bu nɔ ngɛ Yesu Kristo kpo jemi ɔ mi,

Yakobo 3:13

Mɛnɔ ji ni lelɔ kɛ sane se kɔlɔ ngɛ nyɛ kpɛti? Ha nɛ e kɛ je mi bami kpakpa nɛ tsɔɔ lɛ nitsɛ e nitsumi ɔmɛ ngɛ kpoo peemi kɛ ni lemi mi.

Romabi 8:6

Ejakaa he lo juɛmi ɔ lɛɛ gbenɔ ʼi, se mumi juɛmi ɔ, wami kɛ he jɔmi ʼi.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Luka 1:79

Konɛ je mi nɛ tsɔ ha nihi Nɛ hii si ngɛ diblii gbenɔ hɔ mi ɔ, Nɛ e plɛ wa nane kɛ ya he jɔmi blɔ ɔ nɔ.”

Yakobo 2:22

Tse o na kaa hemi kɛ yemi kɛ e ni tsumi ɔmɛ nɛ nyɛɛ, nɛ e ni tsumi ɔmɛ a mi e je nɛ e hemi kɛ yemi ɔ hi kɛ pi si ɔ nɛ,

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

Romabi 5:1

Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

Romabi 2:9

Dengme kɛ he hiami maa ba nɔmlɔ tsuaa nɔmlɔ nɛ tsuɔ ni yaya nɛ ɔmɛ a nɔ, Yuda no nɔ kekle kɛ Hela no hu nɔ.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Filipibi 4:7

nɛ Mawu he jɔmi nɛ pe juɛmi kulaa a maa bu nyɛ tsuihi kɛ nyɛ juɛmi ɔmɛ a he ngɛ Kristo Yesu mi!

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Romabi 15:13

Jeha nɛ hɛ kɛ nɔ fɔmi Mawu ɔ nɛ ngɔ bua jɔmi kɛ he jɔmi tsuo ngɔ wo nyɛ tɔtɔɔtɔ ngɛ hemi kɛ yemi mi, konɛ nyɛ na hɛ kɛ nɔ fɔmi nɛ be nɔ ngɛ Mumi Klɔuklɔu he wami mi.

Romabi 14:17

Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi.

Romabi 9:23

nɛ jeha nɛ hu ke e haa a leɔ e hɛ mi nyami hiɛmi ɔ hu ngɛ e mɔbɔ nami nihi nɛ e dla ngɔ to ha hɛ mi nyami ɔ, mɛni o ma de?

Romabi 9:21

Aloo buɛpuɛlɔ ɔ be he wami ngɛ zu ɔ nɔ, kaa e kɛ zu kake nɛ a pɔtɔ ɔ nɔuu eko maa puɛ nɔ́ ko nɛ hɛ mi ngɛ nyami, nɛ e kɛ eko hu maa puɛ nɔ́ ko nɛ hɛ mi be nyami lo?

Ni Tsumi 10:35

se mohu ma tsuaa ma mi ɔ, nɔ nɛ yee lɛ gbeye nɛ e tsuɔ dami nihi ɔ, lɛ ji nɔ nɛ saa e hɛ mi.

Yohane 12:26

Ke nɔ ko ngɛ mi sɔmɔe ɔ, e nyɛɛ ye se, nɛ he nɛ i ngɛ ɔ, lejɛ ɔ ye sɔmɔlɔ ɔ hu maa hi. Ke nɔ ko ngɛ mi sɔmɔe ɔ, Tsaatsɛ maa wo lɛ.”

Luka 22:14

Nɛ benɛ ngmlɛfia a su ɔ, Yesu ya hi si ngɛ niyeni ɔ he, nɛ bɔfohi nyɔngma kɛ enyɔ ɔmɛ hu piɛ e he.

Luka 19:42

nɛ e ke: “E ji ngɛ o ligbi nɛ ɔ nɔ ɔ, o na le nihi nɛ hi ha o he jɔmi jinɛ saii! Se jeha nɛ ɔ a ngɔ laa mo.

Luka 12:37

A gbaa jamɛ a tsɔli ɔmɛ nɛ benɛ a nyɔmtsɛ ɔ maa ba a nɛ e ma ba na mɛ kaa a ngɛ nyɔ fɔe ɔ! Niinɛ, i ngɛ nyɛ dee ke e maa mia nɛ e ma ha a hi si ngɛ niyeni he, nɛ e maa ba ba sɔmɔ mɛ.

Luka 9:48

nɛ e de mɛ ke: “Nɔ tsuaa nɔ nɛ maa ngɔ jokuɛ nyafii nɛ ɔ ngɛ ye biɛ mi ɔ, e ngɔ mi; nɛ nɔ nɛ ngɔ mi ɔ, e ngɔɔ nɔ nɛ tsɔ mi ɔ; ejakaa nɔ nɛ ji nyafii ngɛ nyɛ tsuo nyɛ kpɛti ɔ, lɛ nɔuu ji nɔ ngua.”

Mateo 10:13

Nɛ ke we ɔ sa a, nyɛ ha nyɛ he jɔmi ɔ nɛ ba e nɔ; se ke e sɛ́ ɔ, lɛɛ nyɛ he jɔmi ɔ nɛ kpale ba nyɛ ngɔ ekohu.

1 Petro 5:4

Nɛ benɛ to hyɛlɔ nɔkɔtɔma a ma je e he kpo ɔ, nyɛ nine maa su hɛ mi nyami jlasi nɛ ngla we ɔ nɔ.

Yohane 14:27

“Hejɔmi i ngɛ sie ha nyɛ; hejɔmi nɛ ji ye nɔ ɔ i kɛ ngɛ nyɛ hae, pi bɔ nɛ je ɔ haa a nɛ i kɛ ngɛ nyɛ hae nɛ ɔ. Nyɛ ko ye nyɛ tsui, nɛ jeha nɛ ɔ hu nyɛ ko ye gbeye.

1 Timoteo 1:17

Neneene Matsɛ ɔ, nɔ nɛ gbo we, nɔ nɛ ji Mawu kake ɔ, a ngɔ bu kɛ hɛ mi nyami ngɔ ha lɛ kɛ ya neneene kɛ neneene! Amen.

Hebribi 2:7

Piɛ bɔɔ kɛkɛ nɛ o ha e kɛ hiɔwe bɔfohi nɛ sɔ; O kɛ hɛ mi nyami kɛ bu fi lɛ jlasi.”