Romabi 16:2 - Somi He Ɔ

² konɛ nyɛ he lɛ hɛ muɔ ngɛ Nyɔmtsɛ ɔ mi bɔ nɛ sa ni klɔuklɔu ɔmɛ, nɛ nyɛɛ piɛ e he ngɛ ni tsumi tsuaa ni tsumi nɛ nyɛ he maa hia lɛ ngɛ mi ɔ mi; ejakaa lɛ nitsɛ hu, e ji nihi fuu kɛ imi nitsɛ hu ye he piɛlɔ.

BAIBLO ALOO NGMAMI KLƆUKLƆU Ɔ

² Nyɛ he lɛ hɛmuɔ ngɛ Nyɔmtsɛ ɔ biɛ mi bɔ nɛ sa ni klɔuklɔu ɔmɛ. Nɔ́ tsuaa nɔ́ nɛ he maa hia lɛ ɔ, nyɛ ha lɛ, ejakaa e pee kpakpa ha nihi babauu, kɛ imi nitsɛ hulɔ.

Romabi 16:2 ပူးပေါင်းရင်းမြစ်များ

Filipibi 2:29

Lɔ ɔ he ɔ nyɛ he lɛ hɛmuɔ ngɛ Nyɔmtsɛ ɔ mi, kɛ bua jɔmi babauu, nɛ nyɛɛ bu kikɛmɛ a nimli nɛ ɔmɛ kaa nihi nɛ sa bumi;

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

2 Yohane 1:10

Ke nɔ ko ba nyɛ ngɔ nɛ e hɛɛ we kikɛmɛ a tsɔɔmi nɛ ɔ, nyɛ ko he lɛ kɛ ba nyɛ we mi, nɛ nyɛ ko fɔ lɛ tete;

Filemon 1:17

Lɔ ɔ he ɔ jehanɛ ke o buu mi kaa o nyɛmi ɔ, he lɛ kaa o ma he imi nitsɛ.

Filemon 1:12

I ha e ngɛ kpalee kɛ ma o ngɔ. He lɛ kaa bɔ nɛ o ma he imi nitsɛ.

Tito 2:3

Yimowi hu ja nɔuu kãa a ba a je mi bɔ nɛ sa ni klɔuklɔu ɔmɛ. A ko tu nihi a he munyu a ko pee dadeli, a pee nihi nɛ tsɔɔ ni kpakpahi,

2 Timoteo 1:18

Nyɔmtsɛ ɔ nɛ ha e na Nyɔmtsɛ ɔ dɛ mi mɔbɔnami ngɛ jamɛ a Ligbi ɔ nɔ. Nɛ bɔ nɛ e plɛ kɛ sɔmɔ mi ngɛ Efeso ɔ, o le pɛpɛɛpɛ.

1 Timoteo 2:10

se mohu kɛ ni tsumi kpakpahi nɛ sa yihi nɛ tsɔɔ a he kaa Mawu jali ji mɛ ɔ.

Kolosebi 4:10

Aristarko, ye huɛ pa mi no ɔ, kɛ Marko nɛ ji Barnaba nyɛmi bi ɔ, (nɔ nɛ he nɛ nyɛ na womi ɔmɛ ɔ, ke e ba nyɛ ngɔ ɔ, nyɛ he lɛ hɛmuɔ),

Efesobi 5:3

Se ajuama bɔmi kɛ mu ni tsumi tsuo loo he tsemi ɔ, a ko wo ta tete ngɛ nyɛ kpɛti, kaa bɔ nɛ sa ni klɔuklɔuhi,

Romabi 16:23

Gaio nɛ ji i kɛ asafo ɔ kulaa wetsɛ ɔ biɔ nyɛ. Erasto nɛ ji ma sika tolɔ ɔ, kɛ wa nyɛmi Kwarto biɔ nyɛ.

Romabi 16:9

Nyɛ nga Urbano nɛ ji wa huɛ ni tsulɔ ngɛ Kristo mi ɔ, kɛ ye suɔlɔ Staki.

Romabi 16:6

Nyɛ nga Maria nɛ gbo wa he dengme fuu ɔ.

Romabi 15:7

Lɔ ɔ he ɔ, nyɛ he nyɛ he kaa nyɛmimɛ, kaa bɔ nɛ Kristo he nyɛ kɛ ba Mawu hɛ mi nyami ɔ mi ɔ.

Ni Tsumi 9:41

Nɛ Petro nu e nine si, nɛ e wo e nɔ; nɛ e tsɛ ni klɔuklɔu ɔmɛ kɛ yalɔyi ɔmɛ kɛ ba, nɛ e kɛ lɛ ba da a hɛ mi hɛkalɔ.

Ni Tsumi 9:39

Petro te si nɛ e kɛ mɛ ho. Nɛ benɛ e su lejɛ ɔ, a kɛ lɛ ya hiɔwe tsu ɔ mi, nɛ yaloyi ɔmɛ tsuo ba daa si ngɛ e kasa nya ngɛ ya foe, nɛ a kɛ gugue tadehi kɛ tadehi nɛ Dorka pee benɛ e kɛ mɛ ngɛ ɔ ngɛ lɛ tsɔɔe.

Ni Tsumi 9:36

Se yo kaselɔ ko ngɛ Yopa nɛ a tsɛɛ lɛ Tabita, e sisi ji Dorka (odabɔ). Lɛɛ e hyi tɔ kɛ ni tsumi kpakpahi kɛ ohiafohi a hyemi.

Mateo 25:40

Nɛ matsɛ ɔ ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee ngɔ ha ye nyɛmimɛ nɛ ɔmɛ a ti nyafii kake ɔ, imi nɔuu nyɛ pee ngɔ ha a nɛ.’

Ni Tsumi 9:13

Se Anania he nɔ nɛ e ke: “Nyɔmtsɛ, i nu kikɛmɛ a nyumu nɛ ɔ he sane ngɛ nihi fuu a nya kaa e pee o ni klɔuklɔu ɔmɛ nɛ ngɛ Yerusalem ɔ ni yayami babauu.

Ni Tsumi 9:15

Se Nyɔmtsɛ ɔ de lɛ ke: “Yaa, ejakaa nɔ nɛ ɔ ji ye dɛ mi dade nɛ a hla ha mi, konɛ e hɛɛ ye biɛ ɔ kɛ ya majemajeli kɛ matsɛmɛ kɛ Israelbi ɔmɛ hu a hɛ mi.

Romabi 16:15

Nyɛ nga Filogo kɛ Yulia, Nerea kɛ e nyɛmi yo ɔ, kɛ Olimpa kɛ ni klɔuklɔu ɔmɛ nɛ kɛ mɛ ngɛ ɔ kulaa.