Romabi 15:1 - Somi He Ɔ

¹ Wɔ ninɛmɛ nɛ wa ngɛ he wami ɔ, e sa kaa wa kpeɔ ɔ ninɛmɛ nɛ a be he wami ɔ kɛ a gbɔjɔmi ɔmɛ, nɛ wa ko susu wɔ nitsɛmɛ wa he.

BAIBLO ALOO NGMAMI KLƆUKLƆU Ɔ

¹ Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Romabi 15:1 ပူးပေါင်းရင်းမြစ်များ

1 Tesalonikabi 5:14

Wa kpa nyɛ pɛɛ, mamimɛ, nyɛɛ tu munyu ngɔ tsɔɔ he jɔli ɔmɛ; nyɛɛ wo ninɛmɛ nɛ fɔɔ ɔmɛ he wami; nyɛɛ ye bua ninɛmɛ nɛ gbɔjɔ ɔmɛ; nyɛɛ to nyɛ tsui si ha nihi kulaa.

Romabi 14:1

Nɔ nɛ gbɔjɔ ngɛ hemi kɛ yemi mi ɔ, nyɛ he lɛ atuu, se nyɛ ko kojo e susumi ɔmɛ.

1 Korintobi 9:22

I plɛ kaa nɔ nɛ gbɔjɔ ha gbɔjɔli ɔmɛ benɛ pee nɛ ye nine nɛ su gbɔjɔli ɔmɛ a nɔ. I plɛ ye he nɔ́ tsuaa nɔ́ ngɔ ha nihi kulaa konɛ bɔ tsuaa bɔ nɛ pee ɔ ma kɛ he ni komɛ a yi wami.

1 Yohane 2:14

I ngɛ nyɛ ngmae, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ he wa, nɛ Mawu munyu ɔ hii nyɛ mi, nɛ nyɛ ye nɔ yayami ɔ nɔ kunimi.

2 Timoteo 2:1

Jehanɛ moo lɛɛ, ye bi, o he nɛ wa ngɛ dloomi nɛ ngɛ Kristo Yesu mi ɔ mi.

Romabi 4:20

E yi mi pee we lɛ enyɔ enyɔ ngɛ Mawu si womi ɔ he kaa nɔ nɛ e he we yi, se mohu e na he wami ngɛ hemi kɛ yemi mi, nɛ e wo Mawu hɛ mi nyami,

Efesobi 6:10

Nyagbe ɔ, mamimɛ, nyɛ he nɛ wa ngɛ Nyɔmtsɛ ɔ kɛ e he wami nyɛmi ɔ mi.

2 Korintobi 12:10

Lɔ ɔ he ɔ ngɛ Kristo he ɔ, ye bua jɔɔ ngɛ gbedee peemihi a mi, ngɛ hɛdo nihi a nami mi, ngɛ haomihi a mi, ngɛ yi wamihi a mi, ngɛ fimihi a mi; ejakaa ke i pee gbedee ɔ, kɔlɔ ɔ mohu i naa he wami.

1 Korintobi 4:10

Wɔɔ lɛɛ, kuasiahi ji wɔ ngɛ Kristo he, se nyɛɛ lɛɛ ni leli ji nyɛ ngɛ Kristo mi. Wɔɔ lɛɛ, gbɔjɔli ji wɔ, se nyɛɛ lɛɛ, he wali ji nyɛ; nyɛ lɛ nyɛ hɛ mi ngɛ nyami, se wɔɔ lɛɛ wa hɛ mi be nyami.

Romabi 14:2

Nɔ ko ngɛ hemi kɛ yemi nɛ e kɛ yeɔ nɔ tsuaa nɔ; se nɔ nɛ gbɔjɔ ɔ, pui kɛkɛ e yeɔ.

Filipibi 2:4

nyɛ ti nɔ tsuaa nɔ nɛ ko fo e nɔ mi, se e fo e nyɛmi nɔ mi.