Romabi 14:9 - Somi He Ɔ

⁹ Ejakaa enɛ ɔ he je nɛ Kristo gbo nɛ e te si nɛ e hɛ ngɛ benɛ pee nɛ e plɛ ni gbogboehi kɛ ninɛmɛ nɛ a hɛ ngɛ kulaa a Nyɔmtsɛ.

BAIBLO ALOO NGMAMI KLƆUKLƆU Ɔ

⁹ Ejakaa Kristo gbo, nɛ e kpale ba wami mi ekohu, konɛ e pee Nyɔmtsɛ kɛ ha ni nɛmɛ nɛ a hɛ ngɛ, kɛ ni nɛmɛ nɛ gbo ɔ tsuo.

Romabi 14:9 ပူးပေါင်းရင်းမြစ်များ

Kpojemi 1:18

kɛ hɛkalɔ. I gbo, nɛ oʼɛ, ye hɛ ngɛ kɛ yaa neneene kɛ neneene, nɛ i hɛɛ gbeje kɛ gbenɔ nya safe ɔmɛ.

Luka 24:26

Anɛ pi nɛ e sa kaa Kristo ɔ nɛ na amanehlu nɛ ɔmɛ konɛ e sɛ e nyami ɔ mi lo?”

Hebribi 12:2

nɛ waa hyɛ hemi kɛ yemi sisi jelɔ kɛ nya gbelɔ nɛ ji Yesu ɔ, nɔ nɛ nyami nɛ fɔɔ si ngɛ e hɛ mi ɔ he ɔ, e mia e hɛ mi ngɛ seumi tso ɔ he amanehlu ɔ mi, nɛ e bui zo ɔ, nɛ e kɛ ya hi si ngɛ Mawu matsɛ sɛ ɔ hiɛ ɔ nɔ.

2 Timoteo 4:1

I ngɛ mo dee faii ngɛ Mawu kɛ Mawetsɛ Yesu Kristo nɛ maa ba ba kojo hɛ kali kɛ ni gbogboehi ngɛ e bami kɛ e matsɛ yemi ɔ mi ɔ hɛ mi ke:

Ni Tsumi 10:42

Nɛ e wo wɔ kita ke waa fiɛ ngɔ tsɔɔ ma a nɛ waa ye odase kaa lɛ ji nɔ nɛ Mawu je ngɔ to nɛ e kojo hɛ kali kɛ ni gbogboehi ɔ nɛ.

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

1 Petro 4:5

se a maa bu akɔtaa ngɔ ha nɔ nɛ dla e he ngɔ to nɛ e maa kojo hɛ kãli kɛ ni gbogboehi tsuo ɔ.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

2 Korintobi 5:14

Ejakaa Kristo suɔmi ɔ nyɛɛ wa nɔ nɛ wa ngɔɔ lɛ kaa ke nɔ kake gbo nihi kulaa a yi gbenɔ ɔ, lɛɛ ni ɔmɛ kulaa gbo.

Ni Tsumi 10:36

Mawu tsɔ nɛ a kɛ munyu ɔ ya ha Israelbi, nɛ a gu Yesu Kristo nɔ kɛ jaje he jɔmi sane kpakpa a ngɔ tsɔɔ mɛ, lɛ ji nihi tsuo a Nyɔmtsɛ.

Kpojemi 2:8

“Nɛ Smirna asafo ɔ bɔfo ɔ, ngmaa ya ha lɛ ke: “Nihi nɛ kekleekleno ɔ kɛ nyagbeno ɔ, nɔ nɛ gbo nɛ e hɛ ngɛ ekohu ɔ de ji nɛ ɔ nɛ:

Yohane 12:24

Anɔkuale mi i ngɛ nyɛ dee ke: Ke ngma ngu nɔɛ zugba nɛ e gbo ɔ, lɛɛ bɔ nɛ e ngɛ ɔ nɔuu e maa hi; se ke e gbo ɔ, e woɔ yiblii fuu.

Romabi 10:9

Ke o kɛ o nya jaje ke Yesu ji Nyɔmtsɛ, nɛ o he ye ngɛ o tsui mi kaa Mawu tle lɛ si kɛ je gbeje ɔ, a ma he o yi wami.

1 Tesalonikabi 4:14

Ejakaa ke wa heɔ yeɔ kaa Yesu gbo nɛ e te si ɔ, ja nɔuu Mawu maa gu Yesu nɔ, nɛ e ngɔ ninɛmɛ nɛ gbo ɔmɛ hu ngɔ piɛ e he kɛ ba.

1 Tesalonikabi 5:10

nɔ nɛ gbo wa yi gbenɔ konɛ wa hɛ ngɛ jio, wa gbo jio, waa kɛ lɛ nɛ hi si.