Romabi 14:4 - Somi He Ɔ

⁴ Moo lɛɛ mɛnɔ ji mo nɛ o kojoɔ nɔ kpa sɔmɔlɔ? Lɛ nitsɛ e nyɔmtsɛ ɔ e daa si aloo e nɔɔ si haa; se a ma ha e maa da si, ejakaa Mawu ngɛ he wami nɛ e ma ha e da si.

BAIBLO ALOO NGMAMI KLƆUKLƆU Ɔ

⁴ Mɛnɔ ji mo nɛ o kojoɔ nɔ kpa tsɔlɔ? Ke tsɔlɔ nɛ ɔ maa ya nɔ, loo e maa gbee si ɔ, lɛ nitsɛ e nyɔmtsɛ ɔ lɛ maa na. Ee, Nyɔmtsɛ ɔ ma ha nɛ e ya nɔ, ejakaa Nyɔmtsɛ ɔ ngɛ he wami nɛ haa nɔ yaa nɔ saminya.

Romabi 14:4 ပူးပေါင်းရင်းမြစ်များ

Romabi 9:20

Se mɛnɔ ji mo, mo nɔmlɔ, nɛ o kɛ Mawu tsuaa nuku? Anɛ buɛ ɔ ma de nɔ nɛ puɛ lɛ ɔ ke: “Mɛni he je o puɛ mi kikɛ” ɔ lo?

Yuda 1:24

Lɛ, nɔ nɛ e ngɛ he wami nɛ e kɛ maa bu nyɛhe nɛ nyɛ ko tɛ si, nɛ e kɛ nyɛ ya da e nyami ɔ hɛ mi nɛ piami ko ko hi nyɛ he ngɛ bua jɔmi mi ɔ,

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

Romabi 14:3

Nɔ nɛ yeɔ ɔ, e ko gbe nɔ nɛ yi ɔ he guɛ; nɛ nɔ nɛ yi ɔ, e ko kojo nɔ nɛ yeɔ ɔ, ejakaa Mawu ngɔ lɛ.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

1 Petro 1:5

nyɛ nihi nɛ a gu hemi kɛ yemi nɔ buu nyɛ he ngɛ Mawu he wami nya ngɔ toɔ yi wami hemi nɛ a dla ngɔ to nɛ a ma je kpo ngɛ nyagbe be ɔmɛ a mi ɔ.

Ni Tsumi 11:17

Jeha nɛ ɔ ke Mawu ha mɛ jamɛ a nɔke nɔ́ ɔ nɔuu nɛ e ha wɔ nɛ wa heɔ Nyɔmtsɛ Yesu nɔ yeɔ hulɔ ɔ, imi lɛɛ, mɛnɔ ji mi nɛ ma nyɛ Mawu nya ma tsi?”

Romabi 11:23

Nɛ mɛ hu, ke a ngmɛɛ hemi nɛ a he we yi ɔ he ɔ, a maa ngɔ mɛ ngɔ ta he; ejakaa Mawu ma nyɛ maa ngɔ mɛ ngɔ ta he.