Romabi 13:7 - Somi He Ɔ

⁷ Lɔ ɔ he ɔ bɔ nɛ ji nɔ tsuaa nɔ blɔ nya a, nyɛɛ pee ha lɛ; onia tsumi jio, ma onia womi jio, gbeye yemi jio, nɔ bumi jio.

BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, bɔ nɛ ji nɔ tsuaa nɔ blɔ nya a, nyɛɛ pee ha lɛ. Ma tó nɛ sa kaa nyɛɛ wo ɔ, nyɛɛ wo; tó nɛ a heɔ ngɛ weto ní he jio, nyɛɛ wo; nihi nɛ sa he si bami ɔ, nyɛɛ ba he si ha mɛ; nɛ nyɛɛ bu nihi nɛ sa bu.

Romabi 13:7 ပူးပေါင်းရင်းမြစ်များ

Luka 20:25

Nɛ e de mɛ ke: “Lɛɛ nyɛɛ ngɔ Kaisare nihi ngɔ ha Kaisare, nɛ Mawu nihi ɔ nyɛ ngɔ ha Mawu!”

Mateo 17:25

E ke: “E hãa.” Nɛ benɛ e ba we mi ɔ, Yesu sɛ hlami bi lɛ ke: “Kɛ o susuu kɛɛ, Simon? Zugba a nɔ matsɛmɛ ɔmɛ ɔ, mɛnɔmɛ a dɛ a heɔ too loo onia ngɛ? Ngɛ mɛ nitsɛmɛ a bimɛ a dɛ aloo ma se tsɛmɛ a dɛ?”

1 Timoteo 5:17

Nikɔtɔmahi nɛ tsuɔ a ni saminya a, e sa kaa a ngɔ bu totoe enyɔ ngɔ ha mɛ, titli ɔ, ninɛmɛ nɛ bɔɔ munyu tumi kɛ tsɔɔmi he mɔde ɔ.

Mateo 22:21

A de lɛ ke: “Kaisare nɔ ʼi.” Nɛ e de mɛ ke: “Lɛɛ, ynyɛɛ ngɔ Kaisare nihi ngɔ ha Kaisare, nɛ Mawu ni ɔmɛ nyɛ ngɔ ha Mawu!”

Efesobi 6:5

Nyɛ sɔmɔli ɔmɛ ɔ, nyɛɛ bu nyɛ he lo blɔfami nyɔmtsɛmɛ ɔmɛ tue kɛ gbeye yemi kɛ he domi ngɛ tsui klɔu peemi mi, kaa bɔ nɛ nyɛ peɔ ngɔ haa Kristo ɔ;

1 Petro 3:7

Nyɛ, hunomɛ ɔ, ja nɔuu kɛ nyɛɛ kɛ nyɛ yi ɔmɛ nɛ hi si ngɛ ni lemi nyɛ, nɛ nyɛɛ kɛ bu nɛ bu yo ɔ kaa nɔ́ nɛ he wɛ tsɔ ko, akɛnɛ a kɛ nyɛ tsuo ji wami dloomi ɔ ni yeli ɔ, konɛ a ko tsi nyɛ sɔlemi ɔmɛ a blɔ.

1 Timoteo 6:1

Sɔmɔli tsuo nɛ ngɛ nyɔguɛ yemi mi ɔ, a bu mɛ nitsɛmɛ a nyɔmtsɛmɛ ɔmɛ kaa nihi nɛ bu tsuo sa mɛ, konɛ a ko tu Mawu biɛ ɔ kɛ tsɔɔmi ɔ he musu bɔmi munyu.

Efesobi 5:33

E sa kaa nyɛ hu nyɛ ti nɔ tsuaa nɔ nɛ suɔ e yo ja, kaa lɛ nitsɛ e he, konɛ yo ɔ hu nɛ bu e huno ɔ.

Luka 23:2

Nɛ a bɔni e nya pomi ke: “Wa na nyumu nɛ ɔ nɛ e ngɛ wa ma a yi puɛe nɛ e ngɛ onia tsumi kɛ Kaisare hami gue, nɛ e ngɛ dee ke lɛ nitsɛ ji Kristo, matsɛ ɔ nɛ.”

Marko 12:17

Nɛ Yesu he nɔ nɛ e de mɛ ke: “Nyɛɛ kɛ Kaisare nihi nɛ ha Kaisare, nɛ nyɛɛ kɛ Mawu nihi nɛ ha Mawu.” Nɛ e he pee mɛ nyakpɛ kɛ be nɔ.

1 Timoteo 5:13

Nɛ enɛ ɔ se ɔ a kaseɔ hejɔ peemi kɛ si pomi ngɛ wehi a mi, nɛ pi hejɔ kɛkɛ nɛ a peɔ, se a peɔ a he sieku yeli, kɛ si jeli nɛ tuɔ munyu nɛ sɛ.

Luka 20:22

Anɛ e da kaa wa tsuɔ onia haa Kaisare, aloo e dɛ?”

Romabi 12:10

Nyɛɛ kɛ nyɛmimɛ a suɔmi nɛ suɔ nyɛ he; nɔ tsuaa nɔ kɛ bu nɛ ha e nyɛmi kekle.

Romabi 13:6

Enɛ he je hulɔ nɛ nyɛ tsuɔ onia a nɛ. Ejakaa Mawu tsɔli ji mɛ, nɛ kikɛmɛ a sɔmɔmi nɛ ɔ nɔuu he nɛ a ngɛ ɔ nɛ.