Romabi 13:12 - Somi He Ɔ

¹² Nyɔ ɔ be ta, na je nami na wɔ. Lɔ ɔ he ɔ nyɛ ha nɛ waa ngmɛɛ diblii mi ni tsumi ɔmɛ a he, nɛ waa wo la ta hwumi ni ɔmɛ.

BAIBLO ALOO NGMAMI KLƆUKLƆU Ɔ

¹² Nyɔ ɔ be ta kulaa, nɛ je mi miɔ nɛ e ma tsɔ. Lɔ ɔ he ɔ, nyɛ ha wa kpa níhi nɛ wa peeɔ ngɛ laami mi ɔ; wa ní peemi ɔmɛ nɛ a kpɛ́ kaa níhi nɛ ta bulɔ kɛ mia.

Romabi 13:12 ပူးပေါင်းရင်းမြစ်များ

Efesobi 5:11

Nyɛɛ kɛ diblii ni tsumi ɔmɛ nɛ wui yiblii ɔ ko bɔ, se mohu nyɛ je mɛ si.

2 Korintobi 6:7

ngɛ anɔkuale munyu tumi mi, ngɛ Mawu he wami mi, kɛ gu dami ta hwumi nihi kɛ ha hiɛ ɔ kɛ muɔ,

Yakobo 1:21

Lɔ ɔ he ɔ, nyɛ sake mu ni tsumi kɛ subai yayamihi kulaa ngɔ pue he, nɛ nyɛɛ kɛ he si bami nɛ he munyu ɔ nɛ a du ngɛ nyɛ mi nɛ ngɛ he wami nɛ e kɛ ma he nyɛ klaa yi wami ɔ.

Efesobi 4:22

nyɛ sake nyɛ sa je mi bami ɔ nya nɔmlɔ momo nɛ puɛ ngɛ sisimi se dimi ɔmɛ a nya a ngɔ fɔ he,

Romabi 13:14

se mohu nyɛɛ wo Nyɔmtsɛ Yesu Kristo, nɛ nyɛ ko ha he lo ɔ he susumi ɔ ba plɛ he lo ɔ se dimi.

Kpojemi 22:10

Nɛ e de mi ke: “Koo sɔu kikɛmɛ a womi nɛ mi gbami munyu ɔmɛ a nya, ejakaa be ɔ su.

1 Petro 2:1

Lɔ ɔ he ɔ, nyɛ sake yayami tsuo kɛ kutupɔ tsuo kɛ osato kɛ ninyɛ kɛ nihi a he munyu tumi kulaa ngɔ pue he.

Kpojemi 1:3

A gbaa nɔ nɛ kaneɔ ɔ kɛ nihi nɛ nuɔ gbami munyu ɔmɛ ɔ, kɛ nihi nɛ ngɔɔ nihi nɛ a ngma ngɛ mi ɔ ngɔ toɔ ɔ, ejakaa be ɔ su ta.

1 Korintobi 7:29

Mamimɛ, nɔ́ nɛ i ngɛ dee ji kaa, be ɔ pi hu; nɔ́ nɛ piɛ ji kaa, yitsɛmɛ tete a pee kaa ninɛmɛ nɛ be eko;

1 Korintobi 10:11

A pee mɛ enɛ ɔmɛ kulaa nɛ a kɛ to okadi ha ni kpahi; nɛ a ngma kaa kɔkɔ bɔmi nɔ́ kɛ ha wɔ, wɔ nihi nɛ je ɔ nyagbe ligbi ɔmɛ na wɔ ɔ;

2 Korintobi 10:4

Ejakaa wa tahwumi ni ɔmɛ ɔ, tsa pi he lo mi nihi ʼi, se mohu he wami nihi ngɛ Mawu hɛ mi, nɛ a kɛ kuɔ mɔ nguahi;

Efesobi 5:8

Ejakaa sa a diblii ji nyɛ, se jahanɛ ɔ nyɛ plɛ la ngɛ Nyɔmtsɛ ɔ mi. Lɛɛ nyɛɛ nyɛɛ kaa la bimɛ mɔ.

Hebribi 10:25

Nyɛ ko ha waa jɔɔ wa he nya buami, kaa bɔ nɛ ni komɛ pɔɔ peemi ɔ, se mohu waa wo wa he ga, nɛ titli ɔ, akɛnɛ nyɛ na kaa Ligbi ɔ ngɛ sue nɛ ɔ.

Hebribi 12:1

Lɔ ɔ he ɔ, jehanɛ wɔ hu, be abɔ nɛ wa ngɛ odase yeli babauu nɛ mimla wɔ kaa bɔku nɛ ɔ, nyɛ ha wa je nɔ́ tsuaa nɔ́ nɛ tsiɔ wa nya kɛ yayami nɛ fi wɔ ɔ, nɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ,

Yakobo 5:8

nyɛ hu nyɛɛ to nyɛ tsui si; nyɛɛ da si tutuutu, ejakaa Nyɔmtsɛ ɔ bami be ɔ su ta.

1 Petro 4:7

Nihi tsuo a nyagbe ɔ su ta; lɔ ɔ he ɔ, nyɛ juɛmi mi nɛ tsɔ nɛ nyɛ hɛ nɛ ka si kɛ ha sɔlemi.

2 Petro 3:9

Tsa pi kɛmi nɛ Nyɔmtsɛ ɔ ha e si womi ɔ se ngɛ kɛe, kaa bɔ nɛ ni komɛ buu kaa e se ngɛ kɛe ɔ, se mohu e tsui si e ngɛ toe kɛ ngɛ wɔ hae, ejakaa e sume kaa ni komɛ nɛ laa, se mohu kaa nihi tsuo a tsake a tsui.

2 Petro 3:11

Jehanɛ, akɛnɛ kikɛmɛ a ni nɛ ɔmɛ tsuo hɛ mi ma kpata he je ɔ, mɛni nimli sa kaa nyɛ pee ngɛ je mi bami klɔuklɔu kɛ Mawu jami mi?

1 Yohane 2:18

Ye bimɛ, nyagbe ngmlɛfia a ji nɛ ɔ nɛ; nɛ bɔ nɛ nyɛ nu kaa lakpa kristo ɔ ma, nɛ jehanɛ lakpa kristohi fuu ba, he je ɔ, wa le kaa nyagbe ngmlɛfia a ji nɛ ɔ nɛ.