Romabi 12:9 - Somi He Ɔ

⁹ Suɔmi ɔ, osato ko hi mi. Nyɛɛ nyɛ yayami kulaa; nyɛɛ pɛtɛ nɔ kpakpa he.

BAIBLO ALOO NGMAMI KLƆUKLƆU Ɔ

⁹ Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Romabi 12:9 ပူးပေါင်းရင်းမြစ်များ

Mateo 26:49

Nɛ amlɔ ɔ e ba Yesu ngɔ ba de ke: “He manye, Rabi,” nɛ e fiɔ e nya he.

Yohane 12:6

Se enɛ ɔ nɛ e de nɛ ɔ, pi ohiafo ɔmɛ a he nɔ́ nɛ ngɛ lɛ dɔe he je, se mohu juɔ ji lɛ, nɛ lɛ lɛ e toɔ sika kpɛɛ ɔ, nɛ e juɔ nɔ́ nɛ a ngɔ woɔ mi ɔ eko.

Ni Tsumi 11:23

Nɛ benɛ e su lejɛ ɔ nɛ e ba na Mawu dloomi ɔ, e bua jɔ e he, nɛ e tu munyu tsɔɔ mɛ tsuo ke a kɛ tsui nɛ fi si nɛ pɛtɛ Nyɔmtsɛ ɔ he.

2 Korintobi 6:6

ngɛ he tsɔmi mi, ngɛ ni lemi mi, ngɛ juɛmi nɛ se kɛɛ mi, ngɛ mi mi himi mi, ngɛ Mumi Klɔuklɔu mi, ngɛ suɔmi klɔuu mi,

2 Korintobi 8:8

Tsa pi mlaa nɛ i ngɛ nyɛ hae; se mohu ni kpahi a mɔde bɔmi i kɛ ngɛ nyɛ suɔmi ɔ kae ngɛ hyɛe, kaa e ngɛ klɔuu lo.

1 Tesalonikabi 2:3

Ejakaa wa munyu tumi kɛ tsɔɔmi ɔ, pi sisimi loo mu ni tsumi loo lakpa mi nɛ e je;

1 Tesalonikabi 5:15

Nyɛɛ hyɛ nɛ hi konɛ nɔ ko ko ngɔ yayami ngɔ to yayami nane mi, se mohu daa nɛ ɔ nyɛɛ di kpakpa peemi se ngɔ ha nyɛ he kɛ nihi kulaa.

1 Tesalonikabi 5:21

Nyɛɛ ka nihi kulaa hyɛ, nɛ nɔ́ nɛ hi ɔ, nyɛɛ pɛtɛ he.

1 Timoteo 1:5

Kita a nya gbemi ji suɔmi nɛ je tsui nɛ mi tsɔ kɛ he nile kpakpa kɛ hemi kɛ yemi nɛ lakpa ko be mi ɔ mi,

Hebribi 1:9

O suɔ nɔ́ nɛ da, o nyɛɛ nɔ́ yaya peemi Lɔ ɔ he ɔ Mawu nɛ ji o Mawu ɔ Kɛ bua jɔmi nu ɔ pɔ mo pe o nyɛmimɛ ɔmɛ.”

Hebribi 12:14

Nyɛɛ bɔ mɔde nɛ nyɛɛ kɛ nihi kulaa nɛ hi si ngɛ he jɔmi mi, kɛ he tsɔmi nɛ ke nɔ ko si nɛ e be Nyɔmtsɛ ɔ nae ɔ.

Yakobo 3:17

Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

1 Petro 4:8

Se titli ɔ, suɔmi nɛ nyɛɛ kɛ suɔ nyɛ he ɔ mi nɛ wa, ejakaa suɔmi haa yayamihi babauu nɔ.