Romabi 12:3 - Somi He Ɔ

³ Se i kɛ dloomi nɛ a kɛ dloo mi ɔ ngɛ nyɛ ti nɔ tsuaa nɔ dee ke e ko bu lɛ nitsɛ e he babauu tsɔ pe bɔ nɛ sa kaa e buu e he, se mohu e susu hɛ si kami susumi, nɔ tsuaa nɔ ɔ, kaa bɔ nɛ Mawu kale hemi kɛ yemi kalemi ɔ ngɔ ha lɛ ɔ.

BAIBLO ALOO NGMAMI KLƆUKLƆU Ɔ

³ I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

Romabi 12:3 ပူးပေါင်းရင်းမြစ်များ

Galatabi 6:3

Ejakaa ke e peɔ nɔ ko kaa nɔ ko ji lɛ nɛ e pi nɔ ko ɔ, lɛ nitsɛ e he e ngɛ sisie.

1 Petro 5:5

Ja nɔuu nyɛ, jokuɛwi ɔmɛ, nyɛɛ ba nyɛ he si ha nikɔtɔma amɛ. Nɛ nyɛ tsuo nyɛɛ ba nyɛ he si ngɔ ha nyɛ sibi nɛ nyɛɛ wo he si bami kaa tade, ejakaa “Mawu kuɔ he woli a nya, se e dloɔ he si bali.”

Romabi 12:16

Nyɛ susu nɔ́ kake; nyɛ ko susu ni nguahi, se mohu nyɛɛ kɛ he si bali ɔmɛ nɛ bɔ. Nyɛ ko bu nyɛ he nileli.

1 Petro 5:8

Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

1 Petro 4:7

Nihi tsuo a nyagbe ɔ su ta; lɔ ɔ he ɔ, nyɛ juɛmi mi nɛ tsɔ nɛ nyɛ hɛ nɛ ka si kɛ ha sɔlemi.

Yakobo 4:6

Se Mawu dloɔ nɔ babauu. Ejakaa ngmami ɔ deɔ ke: “Mawu ɔ, e kuɔ he woli a nya, se he si bali e dloɔ.”

1 Petro 4:11

Ke munyu nɔ ko ngɛ tue ɔ, e tu lɛ kaa Mawu munyu; ke sɔmɔmi nɔ ko ngɛ sɔmɔe ɔ, e je he wami nɛ Mawu dloo lɛ ɔ mi; konɛ a gu Yesu Kristo nɔ nɛ a wo Mawu hɛ mi nyami ngɛ nihi kulaa mi, nɔ nɛ nɔ́ nɛ ji nyami ɔ, kɛ he wami ɔ, kɛ yaa neneene kɛ neneene ɔ! Amen.

1 Korintobi 7:17

Bɔ nɛ Mawu dla ngɔ ha nɔ tsuaa nɔ kɛ bɔ nɛ Nyɔmtsɛ ɔ tsɛ nɔ tsuaa nɔ ha a, e hi si ja. Ja i to hulɔ ngɛ asafo ɔmɛ kulaa mi.

Tito 2:12

nɛ e tsɔseɔ wɔ konɛ wa kua nɔ yaya peemi kɛ je nɛ ɔ mi akɔnɔ ɔmɛ, nɛ waa kɛ juɛmi kpakpa kɛ dami kɛ Mawu gbeye yemi nɛ hi si ngɛ je nɛ ɔ mi,

Tito 2:2

Nimowi ɔmɛ ɔ, kãa a hɛ nɛ ka si, a pee nihi nɛ a hɛ mi jiɔ, a juɛmi nɛ ka si, a he nɛ wa ngɛ hemi kɛ yemi kɛ suɔmi kɛ tsui si tomi mi.

2 Korintobi 12:7

Se benɛ pee nɛ ma ko wo ye he nɔ tsɔ ko ngɛ kpo jemihi nɛ kle saminya nɛ ɔmɛ a he ɔ, a ha mi mio ko ngɛ ye he womi mi, nɛ ji Satan bɔfo, konɛ e gba mi mahi, nɛ ma ko wo ye he nɔ tsɔ.

Romabi 11:20

Saminya; hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si nɛ ɔ nɛ. O yi ko fu, se mohu yee o he gbeye.

Romabi 1:5

E nɔ i gu nɛ i na dloomi kɛ bɔfo ni tsumi ɔ kone ma ha majemaje ɔ kulaa nɛ bu hemi kɛ yemi ɔ tue, ngɛ e biɛ ɔ he:

1 Petro 1:13

Lɔ ɔ he ɔ, nyɛ dla nyɛ juɛmi kɛ ha ni tsumi, nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ a kɛ ma ha nyɛ ngɛ Yesu Kristo kpo jemi ɔ mi ɔ nɔ kulaa.

Tito 2:4

konɛ a tsɔɔ yihewi ɔmɛ nɛ a suɔ a hunomɛ, a suɔ a bimɛ,

1 Korintobi 15:10

Se Mawu dloomi nya i kɛ ji nɔ nɛ i ji nɛ ɔ nɛ, nɛ e dloomi nɛ e kɛ dloomi ɔ pee we yaka; se mohu, i tsu ni wawɛɛ pe mɛ tsuo pɛpɛɛpɛ, se pi imi tete, se mohu Mawu dloomi nɛ kɛ mi ngɛ ɔ.

Yohane 3:34

Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Efesobi 4:16

lɛ e mi nɛ nɔmlɔ tso mluku ɔ tsuo nuu e he siɔ nɔ, nɛ kpɔ nya tsuaa kpɔ nya tsuɔ ni kaa bɔ nɛ a to ha lɛ ɔ, nɛ e haa nɔmlɔ tso ɔ waa nɛ e heɔ si ngɛ suɔmi mi.

Luka 18:11

Farisifono ɔ ya da lokoo, nɛ e sɔle kikɛ ngɛ e yi mi: ‘Mawu, i naa mo si kaa i be kaa ni kpa amɛ, jiklɔɔtsɛmɛ, kutupɔtsɛmɛ, gba puɛli, loo kaa kikɛmɛ a onia tsulɔ nɛ ɔ hulɔ.

Tito 2:6

Nihewi hu ja nɔuu, tu munyu tsɔɔ mɛ konɛ a juɛmi nɛ ka si.

1 Timoteo 2:15

Se a ma he e yi wami kɛ maa gu bimɛ a fɔmi mi, ke a hi si ngɛ hemi kɛ yemi kɛ suɔmi kɛ he tsɔmi kɛ juɛmi hu nɛ sa mi ɔ.

1 Timoteo 2:9

Ja nɔuu yihi hu, a kɛ tade nɛ sa kɛ humipeemi kɛ juɛmi nɛ mi tsɔ nɛ dla a he, pi kɛ yi hɔɔmi slɔɔto ko loo sika loo adiagba loo tade nɛ he jua wa

1 Timoteo 1:14

Se wa Nyɔmtsɛ ɔ plɛ e dloomi nɛ hiɛ babauu kɛ be nɔ ɔ pue ye nɔ, nɛ e ha i hyi kɛ hemi kɛ yemi kɛ suɔmi nɛ ngɛ Kristo Yesu mi ɔ.

Efesobi 3:4

nɔ́ nɛ ke nyɛ kane ɔ, nyɛ ma nyɛ nyɛ kɛ na bɔ nɛ i nu Kristo laami sane ɔ sisi ha.

2 Korintobi 12:13

Ejakaa mɛni ji nɔ́ nɛ nyɛɛ kɛ kpɛ asafohi nɛ piɛ omɛ a se, kaa ja yemi kɛ buami nɛ i kɛ doo we nyɛ nya kɛkɛ ɔ? Nyɛɛ ngɔ kikɛmɛ yayami nɛ ɔ ngɔ pa mi!

1 Korintobi 3:10

Mawu dloomi nɛ e kɛ dloo mi ɔ nya a, i to tsu ɔ sisi kaa tsu fialɔ galɔ ko, se nɔ kpa lɛ fia nɔ. Se nɔ tsuaa nɔ nɛ hyɛ bɔ nɛ e ngɛ nɔ fiae ha a konɛ e hi.

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,

3 Yohane 1:9

I ngma womi kpiti ko ngɔ mane asafo ɔ, se Diotrefe nɔ nɛ hlaa nɔkɔtɔma yemi ɔ bui nɔ nɛ i ngɛ dee ɔ.

Kolosebi 2:13

Nɛ nyɛ nɛ nyɛ ji ni gbogboehi ngɛ nyɛ nɔ tɔmi ɔmɛ kɛ nyɛ he lo mɔmlɔtɔ ɔ mi ɔ, e ha nyɛɛ kɛ lɛ tsuo wami, nɛ e kɛ nyɛ nɔ tɔmi ɔmɛ kulaa pa nyɛ;

Kolosebi 1:29

Kɔlɔ ɔ he dengme i ngɛ gboe nɛ i ngɛ plee ngɛ ni tsumi nɛ a kɛ he wami tsuɔ ngɛ ye mi ɔ nya.

Efesobi 3:2

eko ɔ nyɛ maa nu Mawu dloomi nɛ a ngɔ ha mi ngɛ nyɛ he ɔ blɔ nya tomi ɔ he,

2 Korintobi 10:13

Se wɔɔ lɛɛ, wa be fiae tsɔ, se mohu ngɛ susumi kpa nɛ Mawu susu ngɔ ha wɔ, nɛ wa kɛ su nyɛ hu nyɛ ngɔ ɔ nya.

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.