Romabi 12:2 - Somi He Ɔ

² Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

BAIBLO ALOO NGMAMI KLƆUKLƆU Ɔ

² Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Romabi 12:2 ပူးပေါင်းရင်းမြစ်များ

1 Petro 1:14

Nyɛɛ pee nyɛ he kaa bimɛ tue buli, nɛ nyɛ ko ba nyɛ je mi ngɛ sa benɛ nyɛ li nɔ́ ko ɔ mi akɔnɔ ɔmɛ a nya hu,

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

Kolosebi 3:10

nyɛɛ wo nɔmlɔ he nɛ plɛɔ ehe ekohu kɛ yaa ni lemi mi ngɛ nɔ nɛ bɔ lɛ ɔ subai ɔ nya;

Efesobi 5:17

Lɔ ɔ he ɔ, nyɛ ko pee nyɛ he nihi nɛ be yi mi, se mohu nyɛ yo nihi nɛ ji Nyɔmtsɛ ɔ suɔmi nya ni ɔmɛ.

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

Romabi 12:1

Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

Yohane 15:19

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.

Romabi 13:14

se mohu nyɛɛ wo Nyɔmtsɛ Yesu Kristo, nɛ nyɛ ko ha he lo ɔ he susumi ɔ ba plɛ he lo ɔ se dimi.

Tito 3:5

lɔ ɔ lɛɛ pi dami ni tsumihi nɛ wa tsu nya, se mohu lɛ nitsɛ e mɔbɔ nami nya, kɛ gu ehe fɔmi, he dumi kɛ Mumi Klɔuklɔu ɔ ehe peemi ɔ nɔ he wa yiwami,

Yakobo 4:4

Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

Yohane 17:14

I ngɔ o munyu ɔ ngɔ ha mɛ, nɛ je ɔ ngɛ mɛ nyɛe, ejakaa a ji je ɔ mi, kaa bɔ nɛ imi hu i ji je ɔ mi ɔ?

2 Petro 1:4

Blɔ nɛ ɔ nɔ a gu nɛ a ngɔ si womi nguahi nguahi nɛ a he jua wa amɛ ngɔ ke wɔ, konɛ nyɛɛ gu kikɛmɛ a ni nɛ ɔmɛ a nɔ nɛ nyɛ na Mawu fɔmi su ɔ eko nɛ nyɛɛ tu je nɛ ɔ mi puɛmi nɛ ngɛ akɔnɔ mi ɔ nya fo.

Yakobo 1:27

Mawu jami nɛ he tsɔ nɛ he be mu ko ngɛ Mawu tsɛ ɔ hɛ mi ji nɛ ɔ nɛ, kaa a slaa ahusahi kɛ yalɔyi ngɛ a hiamihi a mi, nɛ e to e he nɛ je ɔ ko wo e he mu.

1 Yohane 3:13

Mamimɛ, ke je ɔ ngɛ nyɛ nyɛe ɔ, nyɛ hɛ mi nɛ ko pee nyɛ yaa.

1 Tesalonikabi 4:3

Enɛ ɔ ji Mawu suɔmi nya ni kaa nyɛ he nɛ tsɔ, lɔ ɔ ji kaa nyɛɛ tsi nyɛ he nya kɛ je ajuama bɔmi he,

1 Yohane 5:19

Wa le kaa wa je Mawu mi nɛ je mluku ɔ tsuo ngɛ nɔ yayami ɔ sisi.

Efesobi 1:18

nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

2 Petro 2:20

Ejakaa ke a gu Nyɔmtsɛ kɛ yi wami helɔ Yesu Kristo he ni lemi ɔ nɔ nɛ a kɛ tu je nɛ ɔ mi mu ni ɔmɛ a nya fo, nɛ lɔ ɔ ɔmɛ ami nɔuu a kpale du mɛ ngɛ, nɛ a ye a nɔ ekohu ɔ, a nyagbe si himi ɔ peɔ yayami pe kekle ɔ.

Efesobi 2:2

Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;

Galatabi 1:4

nɔ nɛ ngɔ lɛ nitsɛ e he ngɔ ha ngɛ wa he yayami ɔmɛ a he, konɛ e je wɔ kɛ je je yaya nɛ ngɛ mwɔnɛmwɔnɛ nɛ ɔ mi ngɛ Mawu kɛ wa Tsɛ ɔ suɔmi nya;

1 Korintobi 3:19

Ejakaa je nɛ ɔ mi ni lemi ɔ ji kuasiahi a sane ngɛ Mawu hɛ mi. Ejakaa a ngma ke: “Enuu ni leli ɔmɛ ngɛ mɛ nitsɛmɛ a hɛ mi temi ɔ mi.”

Romabi 7:22

Ejakaa ye mi blɔ nɔmlɔ ɔ bua jɔɔ ngɛ Mawu Mlaa a he.

Yohane 7:7

Je ɔ be nyɛe nyɛ maa nyɛ, se imi lɛɛ e nyɛɛ mi, ejakaa i yeɔ e he odase kaa e ni tsumi ɔmɛ ɔ ni tsumi yayamihi ʼi.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

1 Petro 2:3

Ejakaa kaa bɔ nɛ ngmami ɔ de ɔ: “Nyɛ sa nyɛ nya Nyɔmtsɛ ɔ mimijɔmi ɔ.”

Romabi 7:12

Lɔ ɔ he ɔ, Mlaa a ngɛ klɔuklɔu, nɛ Kita a hu ngɛ klɔuklɔu nɛ e da nɛ e hi.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

1 Petro 1:18

Nyɛ le kaa pi nihi nɛ puɛɔ, kaa juɛtɛɛ loo sika tsu, a kɛ kpɔ nyɛ kɛ je nyɛ yakayaka je mi bami nɛ nyɛ na kɛ je nyɛ tsɛmɛ ɔmɛ a ngɔ ɔ mi,

Yohane 14:30

I kɛ nyɛ be munyu tue fuu hu, ejakaa je ɔ mi matsɛ ɔ ma, se e be he wami ko nyɛ nyɛ nɔ.

Romabi 7:14

Wa le kaa Mlaa a mumi mi nɔ́ ʼi; se imi lɛɛ he lo nɔmlɔ ji mi, nɛ a jua mi ngɔ ha yayami.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Mateo 13:22

Se nɔ́ nɛ a du ngɛ miohi a kpɛti ɔ, lɛ ji nɔ nɛ nuɔ munyu ɔ, se je nɛ ɔ mi he nya gbami kɛ nihi fuu a he mlɔɔmi ɔ gbee munyu ɔ, nɛ e wui yiblii.

Marko 4:19

se je nɛ ɔ mi he nya gbami kɛ ni nami he suɔmi kɛ ni kpahi a he akɔnɔ sɛɛ a mi nɛ a gbee munyu ɔ, nɛ a wui yiblii.

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;