Romabi 12:1 - Somi He Ɔ

¹ Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

BAIBLO ALOO NGMAMI KLƆUKLƆU Ɔ

¹ I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Romabi 12:1 ပူးပေါင်းရင်းမြစ်များ

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

Romabi 6:13

Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

Romabi 6:19

Bɔ nɛ nɔmlɔ tuɔ munyu i ngɛ tue nɛ ɔ nɛ, ngɛ nyɛ he lo gbedemi ɔ he. Ejakaa kaa bɔ nɛ nyɛ ngɔ nyɛ he ni ɔmɛ ngɔ pee hiemi nihi kɛ mlaa tɔmi nyɔguɛhi kɛ sɛ mlaa tɔmi mi ɔ, ja nɔuu kɛ jeha nɛ ɔ nyɛɛ ngɔ nyɛ he ni ɔmɛ ngɔ pee dami nyɔguɛhi kɛ ha klɔuklɔu peemi.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Efesobi 4:1

Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,

Romabi 6:16

Anɛ nyɛ li kaa nɔ nɛ nyɛ ngɔɔ nyɛ he ngɔ peɔ nyɔguɛhi haa nɛ nyɛ buɔ lɛ tue ɔ, lɛ nɔuu e nyɔguɛhi ji nyɛ nɛ nyɛ buɔ lɛ tue ɔ lo? — yayami nɛ kɛ nɔ yaa gbenɔ mi ɔ jio, loo tuebumi nɛ kɛ nɔ yaa dami mi ɔ jio.

2 Korintobi 4:16

Lɔ ɔ he nɛ wa tsui pui ɔ nɛ, se ke wa kpo nɔ blɔ nɔmlɔ ɔ puɛɔ kulaa tete po ɔ, kɛ̃ ɔ, wa mi nɔmlɔ ɔ plɛɔ ehe daa ligbi.

1 Tesalonikabi 4:1

Nyagbe ɔ, mamimɛ, wa kpa nyɛ pɛɛ, nɛ wa ngɛ nyɛ ga woe ngɛ Mawetsɛ Yesu mi, kaa bɔ nɛ nyɛ kase kɛ je wa ngɔ ɔ, bɔ nɛ sa kaa nyɛɛ ba nyɛ je mi ha ngɛ Mawu hɛ mi kaa bɔ nɛ nyɛ ngɛ pee hulɔ ɔ, nyɛɛ ya nɔ ja.

2 Korintobi 5:20

Lɔ ɔ he ɔ, wa ji bɔfohi ngɛ Kristo nane mi, kaa nɔ́ nɛ Mawu gu wa nɔ nɛ e kɛ nihi ngɛ munyu tue: Wa daa si ngɛ Kristo nane mi ngɛ nyɛ pɛɛ kpae ke: Nyɛ ha a dla nyɛɛ kɛ Mawu kpɛti!

Efesobi 5:10

Nyɛɛ ka nɔ́ tsuaa nɔ́ hyɛ kaa e sa Nyɔmtsɛ ɔ hɛ mi lo.

Filipibi 2:17

Se ke a plɛ ye muɔ ngɔ pue nyɛ hemi kɛ yemi bɔ kɛ jami ɔ nɔ po ɔ, i ngɛ he tsui nɛ i kɛ nyɛ tsuo ma na bua jɔmi;

1 Korintobi 1:10

Se, mamimɛ, i kpa nyɛ pɛɛ ngɛ wa Nyɔmtsɛ Yesu Kristo biɛ mi, kaa nyɛ nya nɛ pee kake nɛ mi gbami ko ba nyɛ kpɛti, se mohu nyɛ kulaa nyɛ yi mi kɛ nyɛ juɛmi nɛ pee kake.

Romabi 2:4

Aloo pe o ngɛ e mi mi himi kɛ e nɔ he tsui nami kɛ e tsui si tomi babauu ɔ he guɛ gbee, se o li kaa Mawu mi mi jɔmi ɔ pe e ngɛ o he piɛe nɛ o pia o he lo?

1 Petro 2:20

Ejakaa ke nyɛ tɔ nɛ a fia nyɛ ni ngɛ he, nɛ nyɛ to nyɛ tsui si ngɛ mi ɔ, mɛni se nami lɛ ngɛ mi? Se ke nɔ́ kpakpa nyɛ pee nɛ nyɛ na amanehlu ngɛ he, nɛ nyɛ to nyɛ tsui si ngɛ mi ɔ, kɔlɔ ɔ ji dloomi ngɛ Mawu hɛ mi.

Filipibi 4:18

I na nihi kulaa kɛ be nɔ, i tɔ kɛ nihi nɛ nyɛɛ kɛ mane Epafrodito kɛ ba ha mi ɔ nɛ ji via jemi kpakpa kɛ bɔ nɛ sa Mawu hɛ mi ɔ.

2 Korintobi 6:1

Akɛnɛ wa ji Mawu hepiɛli ngɛ e ni tsumi ɔ mi he je ɔ, wa tuɔ munyu tsɔɔ nyɛ konɛ nyɛ ko he Mawu dloomi ɔ yaka;

Romabi 15:30

Se i kpa nyɛ pɛɛ, mamimɛ, ngɛ wa Nyɔmtsɛ Yesu Kristo he kɛ Mumi ɔ suɔmi he, kaa nyɛɛ piɛ ye he kɛ plee ngɛ nyɛ sɔlemihi nɛ nyɛ sɔlee ngɔ haa mi ngɛ Mawu hɛ ni ɔ mi,

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

Filipibi 1:20

ngɛ ye blɔ hyemi kɛ hɛ kɛ nɔ fɔmi ɔ nya, kaa zo be mi gbee ngɛ nɔ́ ko nɔ́ ko mi, se mohu, bɔ nɛ a peɔ daa a, jã jehanɛ hu a kɛ kã tsuo maa wo Kristo hɛ mi nyami ngɛ ye nɔmlɔ tso mi, ngɛ wami mi jio, gbenɔ mi jio.

1 Timoteo 2:3

Ejakaa enɛ ɔ hi nɛ e ngɔɔ Mawu nɛ ji wa yi wami helɔ ɔ nya,

1 Tesalonikabi 5:12

Se, mamimɛ, wa kpa nyɛ pɛɛ kaa znyɛɛ le nihi nɛ tsuɔ ni ngɛ nyɛ kpɛti nɛ a ji nyɛ hɛ mi nyɛɛli ngɛ Nyɔmtsɛ ɔ mi nɛ a tuɔ munyu tsɔɔ nyɛ ɔ,

Luka 7:47

Lɔ ɔ he ɔ, i ngɛ mo dee ke: E he yayamihi nɛ hiɛ ɔ, a kɛ pa lɛ, ejakaa e suɔmi ɔ kle, se nɔ nɛ a ngɔ nyafii ngɔ pa a, e suɔmi ɔ klee we.”

Hebribi 13:22

Se, mamimɛ, i kpa nyɛ pɛɛ nɛ nyɛɛ pɛtɛ munyu tumi kɛ tsɔɔmi nɛ ɔ he, ejakaa munyu kpiti i ngma mane nyɛ nɛ ɔ nɛ.

1 Timoteo 5:4

Ke yalɔyo ko ngɛ bimɛ loo bibimɛ ɔ, a kase Mawu gbeye yemi ngɛ mɛ nitsɛmɛ a we mi kekle, nɛ a to a fɔli ɔmɛ nane mi pɛpɛɛpɛ, ejakaa enɛ ɔ ngɛ fɛu nɛ e sa Mawu hɛ mi.

1 Tesalonikabi 4:10

ejakaa nyɛ peɔ ja hulɔ haa nyɛmimɛ nɛ ngɛ Makedonia tsuo kulaa a. Se wa kpa nyɛ pɛɛ, mamimɛ, kaa nyɛɛ ya nɔ pe kekle ɔ,

Romabi 9:23

nɛ jeha nɛ hu ke e haa a leɔ e hɛ mi nyami hiɛmi ɔ hu ngɛ e mɔbɔ nami nihi nɛ e dla ngɔ to ha hɛ mi nyami ɔ, mɛni o ma de?

2 Korintobi 4:1

Akɛnɛ wa hɛɛ kikɛmɛ a sɔmɔmi nɛ ɔ, kaa bɔ nɛ a na wɔ mɔbɔ ɔ, wa ji fɔ́,

2 Korintobi 10:1

Imi Paulo nitsɛ i kɛ Kristo mi mi jɔmi kɛ kpoo peemi ɔ ngɛ nyɛ pɛɛ kpae, imi nɛ nyɛ hɛ mi ɔ i ji humi ngɛ nyɛ kpɛti, se ke i be nyɛ ngɔ ɔ i hiaa kã woɔ nyɛ ɔ.

Filemon 1:9

kɛ̃ ɔ, suɔmi he ɔ, pɛɛ mohu i ngɛ mo kpae. Hyɛ imi nɔmoyo Paulo bɔ nɛ i ngɛ nɛ ɔ, nɛ jehanɛ hu i ji Yesu Kristo pa mi no nɛ ɔ;

Filemon 1:10

i kpa mo pɛɛ ngɛ yebi Onesimo nɛ i fɔ ngɛ ye tsu mi womi ɔ mi ɔ he,