Romabi 11:10 - Somi He Ɔ

¹⁰ Ha a hɛ mi nɛ wo diblii, nɛ a ko hyɛ nɔ́, Nɛ daa nɛ ɔ o ha a dɔ kɔmɔɔ.”

BAIBLO ALOO NGMAMI KLƆUKLƆU Ɔ

¹⁰ A hɛngmɛ nɛ ma, nɛ a ko hyɛ nɔ́; a se tso nɛ kpɛ daa.”

Romabi 11:10 ပူးပေါင်းရင်းမြစ်များ

2 Petro 2:4

Ejakaa Mawu ngɔɛ bɔfohi nɛ pee yayami ɔmɛ a he ngɔ ki mɛ, se mohu e tsitsɛɛ mɛ wo gbeje muɔ mi, he nɛ a fi mɛ kɛ diblii kpa ngɔ to ha kojomi.

Efesobi 4:18

ejakaa a juɛmi ɔ mi wo diblii, nɛ nibwɔhi ji mɛ ngɛ wami nɛ Mawu haa a blɔfami, akɛnɛ nɔ lemi bɔ́ mɛ nɛ a tsui hu ti ɔ.

Romabi 11:8

kaa bɔ nɛ a ngma a ke: “Mawu ngɔ kɔnuɛ demi mumi ko ngɔ fɔ a nɔ, hɛngmɛhi nɛ a kɛ hyɛ we nɔ, kɛ tuehi nɛ a kɛ nui nɔ kɛ ba su mwɔnɛ ligbi nɛ ɔ nɔ.”

Romabi 1:21

A le Mawu lɛɛ, se a wui e hɛ mi nyami kaa Mawu nɛ a nɛ lɛ si hulɔ, se a epe posoposo ngɛ a juɛmihi a mi, nɛ a tsui nɛ kɔ we sane se ɔ mi wo diblii.

Yuda 1:13

A ngɛ kaa wo mi oslɔkehi hulɔ nɛ ngɛ hamahama nɛ jeɔ mɛ nitsɛmɛ a zo ni ɔmɛ ngɔ pueɔ he. A ngɛ ka dodoehi nɛ laa blɔ, nihi nɛ Mawu dla diblii tsitsliitsli ɔ ngɔ to kɛ yaa neneene ɔ.

Yuda 1:6

Nɛ hiɔwe bɔfohi hu nɛ hɛɛ we mɛ nitsɛmɛ a nɔkɔtɔma yemi ɔ mi, se mohu a je mɛ nitsɛmɛ a si himi he ɔ, e kɛ neneene kpahi fi mɛ ngɔ to diblii tsitsliitsli mi ha Ligbi ngua a nɔ kojomi ɔ.

2 Petro 2:17

Nimli nɛ ɔmɛ ngɛ kaa nyu vuhi nɛ nyu be a mi, bɔkuhi nɛ kɔɔhiɔ fiaa kɛ yaa, nihi nɛ a kɛ diblii tsitsliitsli ɔ to ha mɛ kɛ yaa neneene ɔ.