Romabi 10:9 - Somi He Ɔ

⁹ Ke o kɛ o nya jaje ke Yesu ji Nyɔmtsɛ, nɛ o he ye ngɛ o tsui mi kaa Mawu tle lɛ si kɛ je gbeje ɔ, a ma he o yi wami.

BAIBLO ALOO NGMAMI KLƆUKLƆU Ɔ

⁹ Ke o kɛ o nya jaje ke “Yesu Kristo ji Nyɔmtsɛ,” nɛ o he ye ngɛ o tsui mi kaa Mawu tle lɛ si kɛ je gbeje ɔ, a ma he o yi wami.

Romabi 10:9 ပူးပေါင်းရင်းမြစ်များ

Luka 12:8

“I ngɛ nyɛ dee ke: Nɔ tsuaa nɔ nɛ gbaa mi woɔ ye ta ngɛ nimli a hɛ mi ɔ, Nɔmlɔ Bi ɔ hu ma gba mi nɛ e maa wo e ta ngɛ Mawu bɔfo ɔmɛ a hɛ mi;

Ni Tsumi 16:31

Nɛ a ke: “He Nyɔmtsɛ Yesu Kristo nɔ ngɔ ye, nɛ a ma he o kɛ o we ɔ kulaa yi wami.”

Filipibi 2:11

nɛ lilɛ tsuaa lilɛ nɛ jaje paa ke Yesu Kristo ji Nyɔmtsɛ kɛ wo Tsɛ Mawu ɔ hɛ mi nyami.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

Romabi 8:34

Mɛnɔ ji nɔ nɛ buu fɔ ɔ? Yesu Kristo nɔ nɛ e gbo, se nɔ́ nɛ pe kɔlɔ ɔ, nɔ nɛ a tle lɛ si hulɔ, nɛ e ngɛ Mawu hiɛ ɔ nɔ, nɛ e pa daa mi haa wɔ.

Romabi 14:11

Ejakaa a ngma ke: “Nyɔmtsɛ ɔ ke: Akɛnɛ ye hɛ ngɛ nɛ ɔ ɔ, Nakutso tsuaa nakutso ma kpla si ha mi; Nɛ lilɛ tsuaa lilɛ maa jaje Mawu ngɔ tsɔɔ.”

1 Korintobi 12:3

Lɔ ɔ he ɔ, i ngɛ hae nɛ nyɛɛ le kaa, nɔ nɛ tuɔ munyu ngɛ Mawu mumi mi ɔ, de we ke Yesu ɔ musutsɛ ji lɛ, nɛ nɔ ko be nyɛe ma de ke Yesu ji Nyɔmtsɛ hulɔ, kaa ja Mumi Klɔuklɔu ɔ kpaka lɛ.

2 Yohane 1:7

Ejakaa sisili tuu ba je ɔ mi, nihi nɛ jaje we kaa Yesu Kristo ba ngɛ he lo mi; nɔ nɛ ɔmɛ ji sisilɔ kɛ lakpa kristo ɔ nɛ.

Yohane 9:22

E fɔli ɔmɛ de enɛ ɔ ejakaa a ngɛ Yudafo ɔmɛ gbeye yee. Se Yudafo ɔmɛ so ngɔ to kaa, ke nɔ ko gba mi de ke, lɛ ji Kristo ɔ, a maa fie lɛ kɛ maa je kpe he ɔ.

Ni Tsumi 8:36

Nɛ benɛ a ngɛ blɔ ɔ nɔ ɔ, a ba su nyu ko he, nɛ maa je sɔmɔlɔ nɔkɔtɔma a nyɛ a, e ke: “Oʼɛ nyu; mɛni tsiɔ ye baptisimi nya?” [

Ni Tsumi 2:24

Lɛ nɔuu si Mawu tle nɛ e pɛne gbenɔ piimi kpa amɛ, ejakaa gbenɔ be nyɛe e nya tsimi.

Ni Tsumi 2:32

Kikɛmɛ a Yesu nɛ ɔ Mawu tle lɛ si; lɔ ɔ he odase yeli ji wɔ kulaa.

Romabi 4:24

se mohu wɔ nihi nɛ a maa bu ngɔ ha a hu wa he, wɔ ninɛmɛ nɛ wa heɔ nɔ nɛ tle wa Nyɔmtsɛ Yesu si kɛ je gbeje ɔ nɔ yeɔ ɔ.

Romabi 10:10

Ejakaa tsui a kɛ heɔ yeɔ kɛ yaa dami mi, nɛ nya a kɛ jajeɔ kɛ yaa yi wami hemi mi.

Romabi 14:9

Ejakaa enɛ ɔ he je nɛ Kristo gbo nɛ e te si nɛ e hɛ ngɛ benɛ pee nɛ e plɛ ni gbogboehi kɛ ninɛmɛ nɛ a hɛ ngɛ kulaa a Nyɔmtsɛ.

1 Yohane 4:15

Nɔ tsuaa nɔ nɛ jajeɔ paa kaa Yesu ji Mawu Bi ɔ, Mawu hii e mi, nɛ lɛ hu e hii Mawu mi.