Romabi 10:6 - Somi He Ɔ

⁶ Se bɔ nɛ dami nɛ je hemi kɛ yemi mi ɔ deɔ ji nɛ ɔ nɛ: “Ko de ngɛ o tsui mi ke: ‘Mɛnɔ maa kuɔ kɛ ya hiɔwe?’ (lɔ ɔ ji, konɛ e ya ngɔ Kristo kɛ kple si);

BAIBLO ALOO NGMAMI KLƆUKLƆU Ɔ

⁶ Se kaa nɔmlɔ adesa ma he Mawu ye nɛ lɔ ɔ he ɔ, Mawu buu lɛ nɔ nɛ da a, nɔ́ nɛ ngmami ɔ deɔ ngɛ he ji, “Ko de ngɛ o tsui mi ke, Mɛnɔ maa kuɔ kɛ ya hiɔwe?” (lɔ ɔ ji kaa e ma ya ngɔ Kristo kɛ kple si;)

Romabi 10:6 ပူးပေါင်းရင်းမြစ်များ

Yohane 6:58

Abolo nɛ je hiɔwe ba nɛ ɔ, e be kaa nɔ́ nɛ nyɛ tsɛmɛ ɔmɛ ye nɛ a gbo ɔ; nɔ nɛ yeɔ abolo nɛ ɔ ɔ, e maa hi si kɛ maa ya neneene.”

Filipibi 3:9

nɛ a na mi ngɛ e mi kaa i be imi nitsɛ ye dami nɛ je Mlaa mi, se mohu nɔ́ nɛ gu Kristo nɔ hemi kɛ yemi nɔ nɛ ji dami nɛ je Mawu dɛ mi ngɛ hemi kɛ yemi nya a i ngɛ,

Romabi 4:13

Pi mlaa nɔ nɛ Mawu gu kɛ wo Abraham loo e nina si kaa e maa ye je ɔ nɔ ɔ, se mohu hemi kɛ yemi dami nɔ a gu.

Romabi 3:22

kɔlɔ ɔ ji Mawu dami nɛ a guu Yesu Kristo nɔ hemi kɛ yemi nɔ a kɛ haa nihi tsuo nɛ heɔ yeɔ ɔ.

Hebribi 11:7

Hemi kɛ yemi Noa hu kɛ bu Mawu tue, benɛ e fa lɛ ngɛ nihi nɛ a nɛ́ ɔmɛ a he ɔ, nɛ e kɛ dla daka kɛ ha e we ɔ yi wami hemi; e hemi kɛ yemi nɛ ɔ nɔ hu e gu nɛ e bu je ɔ fɔ, nɛ e kɛ na dami nɛ je hemi kɛ yemi mi.

Hebribi 1:3

nɔ hu nɛ ji e hɛ mi nyami ɔ kpɛmi ɔ su ɔ henɔ, nɛ e kɛ lɛ nitsɛ e he wami munyu ɔ hɛɔ nihi kulaa a, benɛ e tsukɔ wa he kɛ je wa he yayami ɔmɛ a mi ɔ, e ho ya hi si ngɛ hɛ mi nyamitsɛ agbo ɔ hiɛ ɔ nɔ ngɛ hiɔwe.

Romabi 3:25

Lɛ ji nɔ nɛ Mawu je ngɔ to kaa kpatami nɔ kɛ gu e muɔ ɔ nɔ hemi kɛ yemi nɔ, konɛ e je e dami ɔ kpo ngɛ e hɛ nɛ e je kɛ je yayamihi nɛ a pee sa a nɔ ngɛ Mawu tsui si tomi ɔ he;

Yohane 6:38

Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he.

Yohane 6:33

Ejakaa Mawu abolo ɔ ji nɔ nɛ jee hiɔwe kpleɔ si nɛ ngɔɔ wami ngɔ haa je ɔ nɛ.”