Romabi 1:9 - Somi He Ɔ

⁹ Ye dase ji Mawu, nɔ nɛ i sɔmɔɔ ngɛ ye mumi mi ngɛ e Bi ɔ Sane Kpakpa a mi ɔ, kaa i jɔɔ we nyɛ kaimi ligbi ko ligbi ko.

BAIBLO ALOO NGMAMI KLƆUKLƆU Ɔ

⁹ Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

Romabi 1:9 ပူးပေါင်းရင်းမြစ်များ

Efesobi 6:18

nɛ nyɛɛ kɛ sɔlemi kɛ pɛɛ kpami tsuo sɔle daa ha klɔuklɔubi ɔmɛ kulaa

2 Timoteo 1:3

I naa Mawu nɛ i kɛ ye nimeli jaa ngɛ he nile klɔuu mi ɔ si, kaa i jɔɔ we mo kaimi gblee ngɛ ye pɛɛ kpamihi a mi nyɔ kɛ pia,

Romabi 9:1

Anɔkuale i ngɛ dee ngɛ Kristo mi, i yi lakpa, nɛ ye he ni lemi hu yeɔ mi odase ngɛ Mumi Klɔuklɔu ɔ mi,

1 Tesalonikabi 5:17

nyɛɛ sɔle be tsuaa be;

2 Korintobi 1:23

Se imi lɛɛ i ngɛ Mawu tsɛe nɛ ba ye ye klaa he odase kaa yɛ yi baami he je nɛ i na we ma ba Korinto ɔ nɛ.

1 Tesalonikabi 3:10

Nyɔ kɛ pia kulaa wa kpaa pɛɛ babauu, konɛ waa na nyɛ hɛ mi nɛ wa ha nyɛ nɔ nɛ piɛ ngɛ nyɛ hemi kɛ yemi ɔ mi ɔ.

1 Tesalonikabi 1:2

Wa naa Mawu si daa ngɛ nyɛ tsuo nyɛ he, nɛ wa woɔ nyɛ ta ngɛ wa pɛɛ kpamihi a mi, nɛ wa jɔɔ we.

Filipibi 3:3

Ejakaa wɔ ninɛmɛ nɛ wa jaa Mawu ngɛ mumi nya, nɛ waa kɛ wa hɛ fɔɛ he lo nɔ, se Kristo Yesu nɔ mohu wa fiaa ngɔ fɔɔ ɔ, wɔ mohu ji ninɛmɛ nɛ a po mɛ ɔ nɛ.

Filipibi 1:4

ngɛ ye daa pɛɛ kpamihi tsuo nɛ i kpaa ngɔ haa nyɛ kulaa a mi, nɛ i kɛ bua jɔmi kpaa pɛɛ

Ni Tsumi 27:23

Ejakaa nyɔ nɛ ɔ mi ɔ, Mawu nɔ nɔ́ nɛ i ji kɛ nɔ hu nɛ i sɔmɔɔ ɔ bɔfo ba da ye kasa nya,

Ni Tsumi 19:21

Benɛ a gbe ni nɛ ɔmɛ a nya a, Paulo to e yi mi ngɛ mumi ɔ nya kaa e ma ya gu Makedonia kɛ Akaia kɛ ya Yerusalem, nɛ e ke: “Ke i su lejɛ ɔ, ja i ya slaa Roma hulɔ.”

1 Timoteo 2:7

enɛ ɔ he nɛ a wo mi fiɛlɔ kɛ bɔfo (anɔkuale i ngɛ tue ngɛ Kristo mi, i yi lakpa!), maje li a tsɔɔlɔ ngɛ hemi kɛ yemi kɛ anɔkuale mi ɔ nɛ.

Filipibi 2:22

Se nyɛ le e ni tsumi, kaa e kɛ mi sɔmɔɔ ngɛ sane kpakpa a he kaa bi kɛ e tsɛ.

Galatabi 1:20

Nihi nɛ i ngɛ nyɛ ngmae nɛ ɔ, oʼɛ, Mawu hɛ mi i ngɛ dee ngɛ, i yi lakpa.

2 Korintobi 11:31

Mawu kɛ wa Nyɔmtsɛ Yesu Tsɛ, nɔ nɛ a gbaa kɛ ya siɔ neneene ɔ, le kaa i yi lakpa.

Ni Tsumi 24:14

Nɔ́ nɛ i ngɛ mi gbae pãa ngɛ dee ji enɛ ɔ kaa, tsɔɔmi nɛ a ngɛ tsɛe ke nyangɔ tsɔɔmi ɔ, kɔlɔ ɔ nɔuu nya i jaa wa tsɛmɛ a Mawu ɔ ngɛ; i heɔ nihi kulaa nɛ a ngma ngɛ Mlaa a kɛ gbali ɔmɛ a mi ɔ yeɔ.

Ni Tsumi 12:5

Lɔ ɔ he ɔ a tsi Petro nya ngɛ tsu ɔ mi mohu, se asafo ɔ hɛɛ sɔlemi mi kɛ ha lɛ wawɛɛ ngɛ Mawu hɛ mi.

Ni Tsumi 3:26

Nɛ Mawu tle e tsɔlɔ Yesu si ɔ, nyɛ kekle nyɛ ngɔ e tsɔ lɛ nɛ e ba gbaa nyɛ nɛ e kpale nyɛ ti nɔ tsuaa nɔ kɛ je e ni yayami ɔmɛ a he.”

Luka 18:1

Nɛ Yesu bu mɛ abɛ ko kɛ tsɔɔ kaa e sa kaa a sɔlee daa nɛ e ko gbe nɔ nya.

Marko 1:1

Yesu Kristo, Mawu bi ɔ, he sane kpakpa a ji nɛ ɔ nɛ:

Filemon 1:4

I naa ye Mawu ɔ si daa, nɛ i woɔ o ta ngɛ ye pɛɛ kpamihi a mi,

Filipibi 1:3

I naa ye Mawu ɔ si be tsuaa be nɛ e kaii nyɛ,