Romabi 1:7 - Somi He Ɔ

⁷ I ngɛ enɛ ɔ ngmae ya ha nihi nɛ Mawu suɔ nɛ ji ni klɔuklɔuhi nɛ a tsɛ mɛ nɛ a ngɛ Roma a kulaa: Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu dɛ mi ɔ ha nyɛ!

BAIBLO ALOO NGMAMI KLƆUKLƆU Ɔ

⁷ I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Romabi 1:7 ပူးပေါင်းရင်းမြစ်များ

Kolosebi 1:2

ngma ya ha he tsɔli nɛ ngɛ Kolose ɔ kɛ nyɛmimɛ nɛ he ye nɛ ngɛ Kristo mi ɔ: Dloomi kɛ hejɔmi nɛ je wa Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛ.

Efesobi 1:2

Dloomi kɛ he jɔmi nɛ je wa Tsɛ Mawu ɔ kɛ Nyɔmtsɛ Yesu Kristo dɛ mi ɔ ha nyɛ!

1 Tesalonikabi 1:1

Paulo kɛ Silvano kɛ Timoteo ngma ya ha Tesalonika asafo nɛ ngɛ Mawu, Tsɛ ɔ, kɛ Nyɔmtsɛ Yesu Kristo mi ɔ: Dloomi kɛ he jɔmi nɛ je wa Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛ!

2 Yohane 1:3

Dloomi, mɔbɔ nami kɛ he jɔmi nɛ je tsɛ Mawu ɔ, nɛ jehanɛ e je Mawetsɛ Yesu Kristo, Tsɛ ɔ Bi ɔ, dɛ mi ɔ kɛ nyɛ nɛ hi si ngɛ anɔkuale kɛ suɔmi mi.

Filemon 1:3

Dloomi kɛ hejɔmi nɛ je wa Tsɛ Mawu ɔ kɛ Mawetsɛ Yesu Kristo ɔ dɛ mi ɔ ha nyɛ!

2 Tesalonikabi 3:18

Wa Nyɔmtsɛ Yesu Kristo dloomi ɔ kɛ nyɛ kulaa nɛ hi si! Amen.

2 Tesalonikabi 3:16

Lɛ he jɔmi Nyɔmtsɛ ɔ nitsɛ nɛ ha nyɛ he jɔmi daa ngɛ nɔ fɛɛ nɔ mi. Nyɔmtsɛ ɔ kɛ nyɛ kulaa nɛ hi si!

Kpojemi 22:21

Wa Nyɔmtsɛ Yesu Kristo dloomi ɔ kɛ nyɛ tsuo nɛ hi si! Amen.

Filemon 1:25

Wa Nyɔmtsɛ Yesu Kristo dloomi ɔ kɛ nyɛ mumi ɔ nɛ hi si! Amen.

1 Yohane 3:1

Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

1 Petro 1:15

se mohu ɔ, bɔ nɛ nɔ nɛ tsɛ nyɛ ɔ ngɛ klɔuklɔu ɔ, nyɛ hu nyɛɛ pee klɔuklɔu ngɛ nyɛ je mi bami tsuo mi.

Tito 1:4

I ngma ya ha Tito nɛ ji ye bi nitsɛ ngɛ hemi kɛ yemi kake ɔ nɔuu blɔfami ɔ: Dloomi, mɔbɔ nami kɛ he jɔmi nɛ je Tsɛ Mawu ɔ kɛ Mawetsɛ Yesu Kristo, wa yiwami helɔ ɔ, dɛ mi ɔ ha mo!

2 Timoteo 4:22

Mawetsɛ Yesu Kristo kɛ o mumi ɔ nɛ hi si! Mawu dloomi ɔ kɛ nyɛ nɛ hi si! Amen.

2 Timoteo 1:2

ngma ya ha e suɔmi bi Timoteo ɔ: Dloomi, mɔbɔ nami kɛ he jɔmi nɛ je tsɛ Mawu ɔ kɛ wa Nyɔmtsɛ Kristo Yesu dɛ mi ɔ ha mo!

1 Timoteo 1:2

ngma ya ha Timoteo nɛ ji e bi nitsɛ ngɛ hemi kɛ yemi mi ɔ: Dloomi, mɔbɔ nami, kɛ he jɔmi nɛ je wa Tsɛ Mawu kɛ Yesu Kristo, wa Nyɔmtsɛ ɔ, dɛ mi ɔ ha mo!

1 Tesalonikabi 5:28

Wa Nyɔmtsɛ Yesu Kristo dloomi ɔ kɛ nyɛ nɛ hi si! Amen.

1 Tesalonikabi 4:7

Ejakaa Mawu tsɛ we wɔ ngɔ hi mu ni tsumi, se mohu he tsɔmi.

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

Kolosebi 3:12

Lɔ ɔ he ɔ, akɛnɛ bimɛ nɛ Mawu hia, ni klɔuklɔuhi kɛ suɔli ji nyɛ he je ɔ, nyɛɛ wo mi mi jɔmi, mɔbɔ nami, he si bami, kpoo peemi, tsui si tomi kaa tade,

Filipibi 4:23

Wa Nyɔmtsɛ Yesu Kristo dloomi ɔ kɛ nyɛ mumi ɔ nɛ hi si! Amen.

Filipibi 4:20

Anuminyami ha wa Tsɛ Mawu ɔ kɛ yaa neneene kɛ neene. Amen.

Efesobi 6:23

Hejɔmi, kɛ suɔmi kɛ hemi kɛ yemi nɛ je Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛmimɛ ɔmɛ!

Galatabi 6:18

Wa Nyɔmtsɛ Yesu Kristo dloomi ɔ kɛ nyɛ mumi ɔ nɛ hi si, mamimɛ! Amen.

1 Korintobi 16:23

Nyɔmtsɛ Yesu Kristo dloomi ɔ kɛ nyɛ nɛ hi si!

Romabi 9:25

Kaa bɔ nɛ e de ngɛ Hosea womi ɔ mi ke: “Ma tsɛ ninɛmɛ nɛ pi ye nihi ɔ ke ye nihi, Nɛ ma nɛ a sume lɛ ɔ ke ma nɛ a suɔ.

Romabi 5:1

Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

Ni Tsumi 15:23

Nɛ a ngma womi ngɔ ha mɛ ke: “Bɔfo ɔmɛ kɛ nikɔtɔma amɛ kɛ nyɛmimɛ ɔmɛ biɔ nyɛmimɛ nɛ je majeli ɔmɛ a kpɛti ngɛ Antiokia kɛ Siria kɛ Kilikia a saminya.

Kolosebi 3:15

Nɛ nyɛ ha Mawu he jɔmi ɔ nɛ ye tsɛ ngɛ nyɛ tsui mi, nɔ́ nɛ he nɛ a tsɛ nyɛ kɛ ba ngɛ nɔmlɔ tso kake mi ɔ, nɛ nyɛɛ le si nami.

Filipibi 4:13

I nyɛɔ nihi kulaa peɔ ngɛ kristo, nɔ nɛ woɔ ni he wami ɔ mi.

Romabi 8:39

hiɔwe jio, sisi jio, aloo nihi nɛ a bɔ ɔmɛ a mi nɔ́ kpa ko jio, a be nyɛe ma gba waa kɛ Mawu suɔmi nɛ ngɛ Kristo Yesu, wa Nyɔmtsɛ ɔ, mi ɔ mi.

Romabi 1:6

nihi a kpɛti nɛ nyɛ hu nyɛ ngɛ, nyɛ nihi nɛ a tsɛ nyɛ nɛ nyɛ ba pee Yesu Kristo nihi ɔ.

Kpojemi 2:1

“Ngmaa ya ha Efeso asafo ɔ bɔfo ɔ, ke: “Nihi nɛ nɔ nɛ hɛɛ dodoehi kpaago ɔ ngɛ e hiɛ ɔ nine mi nɛ e nyɛɛ sika kane tso kpaago ɔmɛ a kpɛti ɔ de ji nɛ ɔ nɛ:

Yakobo 1:1

Yakobo, nɛ ji Mawu kɛ Mawetsɛ Yesu Kristo sɔmɔlɔ ɔ, ngma ya ha wɛtso nyɔngma kɛ enyɔ nɛ gbɛ fia a: Nyɛ he manye!

Yohane 20:17

Yesu de lɛ ke: “Koo ta ye he; ejakaa i na we ma ya hiɔwe ngɛ Tsaatsɛ ngɔ lolo; se yaa ye nyɛmimɛ ɔmɛ a ngɔ nɛ o ya de mɛ ke: I yaa hiɔwe ngɛ Tsaatsɛ kɛ nyɛ hu nyɛ tsɛ kɛ ye Mawu kɛ nyɛ hu nyɛ Mawu ɔ ngɔ.”

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Kpojemi 3:22

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee o.”

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

Kpojemi 3:7

“Nɛ Filadelfia asafo ɔ bɔfo ɔ, ngmaa ya ha lɛ ke: “Nihi nɛ nɔ klɔuklɔu ɔ kɛ anɔkualetsɛ ɔ, nɔ nɛ hɛɛ David safe ɔ, nɔ nɛ bliɔ nɛ nɔ ko nga we, nɛ e ngaa hulɔ nɛ nɔ ko bli we ɔ de ji nɛ ɔ nɛ:

Kpojemi 2:29

“Nɔ nɛ ngɛ tue ɔ e nu nɔ́ nɛ Mumi ɔ ngɛ asafo ɔmɛ dee ɔ.”

Kpojemi 2:18

“Nɛ Tiatira asafo ɔ bɔfo ɔ, ngmaa ya ha lɛ ke: “Nihi nɛ Mawu Bi ɔ nɛ e hɛngmɛ ngɛ kaa la lilɛ nɛ e nanehi ngɛ kaa ayawa nɛ kpɛɔ nylamnylam ɔ de ji nɛ ɔ nɛ.

Kpojemi 2:12

“Nɛ Pergamo asafo ɔ bɔfo ɔ, ngmaa yaha lɛ ke: “Nihi nɛ snɔ nɛ hɛɛ hiɔ kɛ e nya mi enyɔ nɛ nya ba a de ji nɛ ɔ nɛ:

Kpojemi 2:8

“Nɛ Smirna asafo ɔ bɔfo ɔ, ngmaa ya ha lɛ ke: “Nihi nɛ kekleekleno ɔ kɛ nyagbeno ɔ, nɔ nɛ gbo nɛ e hɛ ngɛ ekohu ɔ de ji nɛ ɔ nɛ:

1 Timoteo 6:2

Se nyɔguɛhi nɛ ngɛ nyɔmtsɛmɛ nɛ he ye ɔ, a ko gbe a he guɛ, se mohu a sɔmɔ mɛ saminya akɛnɛ nyɛmimɛ ji mɛ he je ɔ, ejakaa ninɛmɛ nɛ naa ni tsumi ɔ mi nihi ɔ, nihi nɛ he ye kɛ suɔli ʼi. Tsɔɔ mɛ enɛ ɔmɛ nɛ o wo mɛ ga ngɛ he.

Ni Tsumi 9:13

Se Anania he nɔ nɛ e ke: “Nyɔmtsɛ, i nu kikɛmɛ a nyumu nɛ ɔ he sane ngɛ nihi fuu a nya kaa e pee o ni klɔuklɔu ɔmɛ nɛ ngɛ Yerusalem ɔ ni yayami babauu.

Romabi 5:5

Hɛ kɛ nɔ fɔmi ɔ gbi nɔ zo, ejakaa a gu Mumi Klɔuklɔu nɛ a ngɔ ha wɔ ɔ nɔ plɛ Mawu suɔmi ɔ ngɔ wo wa tsui mi.

Romabi 8:28

Se wa le kaa, nihi tsuo mi ɔ, Mawu yeɔ buaa nihi nɛ suɔ lɛ ɔ konɛ e hi ha mɛ, mɛ ninɛmɛ nɛ a tsɛ mɛ ngɛ e yi mi tomi nya a.

1 Korintobi 1:24

se nihi nɛ a tsɛ mɛ ɔ tsuo, Yudafohi jio, Helabihi jio, Kristo nɛ ji Mawu he wami kɛ Mawu ni lemi ɔ wa fiɛɔ ngɔ haa mɛ.

Filipibi 1:2

Dloomi kɛ he jɔmi nɛ je wa Tsɛ Mawu kɛ Mawetsɛ Yesu Kristo dɛ mi ɔ ha nyɛ!

1 Tesalonikabi 1:4

Ejakaa mamimɛ nɛ Mawu suɔ, wa le hlami nɛ a hla nyɛ ɔ,

2 Tesalonikabi 1:2

Dloomi kɛ hejɔmi nɛ je wa Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛ!