Romabi 1:14 - Somi He Ɔ

¹⁴ I hɛɛ Helabi kɛ nihi nɛ a pi Helabi, ni leli kɛ nihi nɛ a li ni kulaa hiɔ.

BAIBLO ALOO NGMAMI KLƆUKLƆU Ɔ

¹⁴ I ngɛ kaa nɔ ko nɛ hɛɛ nihi tsuo hiɔ, Hela bi, kɛ nihi nɛ pi Hela bi ji mɛ; ní leli kɛ, kuasiahi tsuo i hɛɛ mɛ hiɔ.

Romabi 1:14 ပူးပေါင်းရင်းမြစ်များ

Kolosebi 3:11

he nɛ Hela no kɛ Yuda no, nɔ nɛ a po lɛ kɛ mɔmlɔtɔtsɛ, jekɔno kɛ Skite no, nyɔguɛ kɛ odehe ko be hu, se mohu Kristo ji nihi kulaa ngɛ nihi kulaa mi ɔ.

Ni Tsumi 9:15

Se Nyɔmtsɛ ɔ de lɛ ke: “Yaa, ejakaa nɔ nɛ ɔ ji ye dɛ mi dade nɛ a hla ha mi, konɛ e hɛɛ ye biɛ ɔ kɛ ya majemajeli kɛ matsɛmɛ kɛ Israelbi ɔmɛ hu a hɛ mi.

Ni Tsumi 22:21

Nɛ e de mi ke: ‘Yaa, ejakaa ma tsɔ mo majemajeli nɛ ngɛ lokoo ɔmɛ a ngɔ.’ ”

Romabi 12:16

Nyɛ susu nɔ́ kake; nyɛ ko susu ni nguahi, se mohu nyɛɛ kɛ he si bali ɔmɛ nɛ bɔ. Nyɛ ko bu nyɛ he nileli.

2 Korintobi 11:19

Akɛnɛ nyɛ nitsɛmɛ ɔ ni leli ji nyɛ he je ɔ, nyɛ heɔ ninɛmɛ nɛ be yi mi ɔmɛ hɛmuɔ.

Romabi 16:19

Se nyɛɛ lɛɛ, nyɛ tue bumi ɔ nihi tsuo nu he, lɔ ɔ he ɔ i na nyɛ he bua jɔmi. Se i suɔ kaa nyɛɛ pee nyɛ he ni leli ngɛ nɔ kpakpa blɔfami; se nɔ yayami blɔfami ɔ, nihi nɛ a li nɔ́ ko.

Romabi 13:8

Nyɛ ko hɛɛ nɔ ko nɔ ko hiɔ, kaa ja suɔmi nɛ nyɛɛ kɛ maa suɔ nyɛ sibi ɔ. Ejakaa nɔ nɛ suɔ e nyɛmi ɔ, e ye Mlaa a nɔ ta.

Romabi 8:12

Lɔ ɔ he ɔ, mamimɛ, hiɔtsɛmɛ ji wɔ, se pi he lo hiɔ nɛ wa hɛɛ nɛ wa maa hi si ngɛ he lo nya.

Romabi 1:22

A tsɛɛ a he ni leli, se a plɛ kuasiahi.

Tito 3:3

Ejakaa sa a wɔ hu wa li nɔ́ ko, tue gboli, blɔ dali, nihi nɛ sɔmɔɔ akɔnɔ ni kɛ helo se di ni slɔɔtohi fuu, nɛ wa baa wa je mi ngɛ ni yayahi kɛ he tsɛmi mi, wa he ngɛ tai, nɛ wa nyɛɛ wa he.

2 Timoteo 2:10

Enɛ ɔ he je ɔ i miaa ye hɛ mi ngɛ sanehi kulaa mi ngɛ nihi nɛ ahla mɛ ɔ a he, konɛ mɛ hu a nine nɛ su yi wami hemi nɛ ngɛ Kristo Yesu mi ɔ kɛ neneene hɛ mi nyami ɔ nɔ.

2 Korintobi 10:12

Wa kɛ́ kaa wa maa bu wa he ngɔ si ni komɛ a nɔ, aloo waa kɛ wa he maa to ni komɛ nɛ jeɔ mɛ nitsɛmɛ a he yi ɔmɛ a he; mɛɛ lɛɛ, akɛnɛ a kɛ mɛ nitsɛmɛ a he kaleɔ mɛ nitsɛmɛ a he, nɛ a kɛ mɛ nitsɛmɛ a he toɔ mɛ nitsɛmɛ a he he je ɔ, a be juɛmi.

1 Korintobi 14:16

Ejakaa ke o kɛ mumi ngɛ Mawu yi jee ɔ, kɛ maa pee kɛɛ nɛ nɔ nɛ hii si ngɛ ninɛmɛ nɛ li mi eko ɔmɛ a blɔ he ɔ ma de Amen ngɔ si o sina a nɔ, akɛnɛ e li nɔ nɛ o ngɛ dee ɔ?

1 Korintobi 14:11

Se jehanɛ ke i nui munyu ɔ sisi ɔ, lɛɛ ma plɛ maje no ngɛ nɔ nɛ ngɛ munyu ɔ tue ɔ hɛ mi, nɛ nɔ nɛ ngɛ munyu ɔ tue ɔ hu ma plɛ maje no ngɛ ye hɛ mi.

1 Korintobi 3:18

Nyɛ ti nɔ ko nɔ ko ko mlɔɔ lɛ nitsɛ e he. Ke nɔ ko susu kaa ni lelɔ ji lɛ ngɛ nyɛ kpɛti ngɛ je nɛ ɔ mi ɔ, e pee e he kuasia, konɛ e plɛ ni lelɔ.

1 Korintobi 2:13

Kɔlɔɔmɛ hu wa deɔ, pi nimli a nilemi munyuhi nɛ waa kɛ deɔ, se mohu munyuhi nɛ Mumi ɔ tsɔɔ ɔ, nɛ waa kɛ mumi mi nihi toɔ mumi mi nihi a he.

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,

Ni Tsumi 28:4

Se benɛ lejɛ ɔ tsɛmɛ ɔmɛ na lohwe ɔ nɛ mla Paulo nine he ɔ, a de a he ke: “Bɔ tsuaa bɔ nɛ pee ɔ, kikɛmɛ a nyumu nɛ ɔ awiyelɔ ji lɛ, nɛ a he e yi wami kɛ je wo ɔ mi lɛɛ, se lueyemi ngmɛ́ lɛ blɔ nɛ e yi nɛ na wa.”

Ni Tsumi 28:2

Lejɛ ɔ tsɛmɛ pee wɔ kpakpa babauu; ejakaa a slɛ la nɛ a he wɔ tsuo kulaa kɛ hɛmuɔ ngɛ hiɔmi nɛmi babauu kɛ fiɛ ɔ he.

Luka 10:21

Jamɛ a ngmlɛfia a nɔ nɔuu ɔ, Yesu bua jɔ ngɛ Mumi Klɔuklɔu ɔ mi nɛ e ke: “I ngɛ o yi jee, Tsaatsɛ, hiɔwe kɛ zugba Nyɔmtsɛ, kaa o ngɔ ni nɛ ɔmɛ ngɔ laa ni leli kɛ ga leli, nɛ o je ngɔ tsɔɔ bimwɔwi. Ee, Tsaatsɛ, ejakaa jã ji bɔ nɛ sa o hɛ mi.

Mateo 11:25

Jamɛ a be ɔ mi ɔ, Yesu he nɔ nɛ e de ke: “I ngɛ o yi jee, Tsaatsɛ, hiɔwe kɛ zugba nyɔmtsɛ, kaa o ngɔ ni nɛ ɔmɛ ngɔ laa ga leli kɛ ni leli, nɛ o je tsɔɔ bimwɔwi;