Romabi 1:1 - Somi He Ɔ

¹ Womi nɛ ɔ je Paulo, nɛ ji Yesu Kristo sɔmɔlɔ kɛ bɔfo nɛ a tsɛ lɛ nɛ a je lɛ ngɔ to kɛ ha Sane Kpakpa a fiɛmi ɔ ngɔ.

BAIBLO ALOO NGMAMI KLƆUKLƆU Ɔ

¹ Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

Romabi 1:1 ပူးပေါင်းရင်းမြစ်များ

Marko 1:14

Bene a nu Yohane wo tsu mi se ɔ, Yesu ba Galilea nɛ e ba fiɛ sane kpakpa a nɛ je Mawu ngɔ ɔ.

Yohane 12:26

Ke nɔ ko ngɛ mi sɔmɔe ɔ, e nyɛɛ ye se, nɛ he nɛ i ngɛ ɔ, lejɛ ɔ ye sɔmɔlɔ ɔ hu maa hi. Ke nɔ ko ngɛ mi sɔmɔe ɔ, Tsaatsɛ maa wo lɛ.”

Yohane 15:15

I tsɛ we nyɛ nyɔguɛhi hu, ejakaa nyɔguɛ li nɔ nɛ e nyɔmtsɛ peɔ; se mohu huɛmɛ i tsɛ nyɛ, ejakaa nihi tsuo nɛ i nu ngɛ Tsaatsɛ nya a, i wo nɔ ta de nyɛ.

Yohane 15:20

Nyɛ hɛ nɛ hi munyu nɛ i tu nyɛ ɔ nɔ ke: ‘Nyɔguɛ pa we e nyɔmtsɛ.’ Ke a wa mi yi mi ɔ, a maa wa nyɛ hu yi mi; ke a ye ye munyu ɔ nɔ ɔ, a maa ye nyɛ hu nyɛ nɔ ɔ nɔ.

Ni Tsumi 13:9

Nɛ Saulo, nɔ nɛ a tsɛɛ lɛ Paulo hulɔ, nɛ Mumi Klɔuklɔu hyi lɛ tɔtɔɔtɔ ɔ, hyɛ lɛ too,

Ni Tsumi 20:24

Se kɛ̃ ɔ, i bui enɛ ɔmɛ a mi kake ngmelu, nɛ ye wami hu i bui kaa e he jua wa ngɛ ye hɛ mi, benɛ pee nɛ i kɛ bua jɔmi nɛ gbe ye blɔ nyɛɛmi ɔ kɛ sɔmɔmi nɛ i na kɛ je Nyɔmtsɛ Yesu dɛ mi, kaa ma ye Mawu dloomi sane kpakpa a he odase faii, ɔ nya.

Ni Tsumi 21:40

Nɛ benɛ a ha lɛ blɔ ɔ, Paulo da atlaakpe ɔ nɔ, nɛ e fɔ ma a nine, nɛ benɛ lejɛ ɔ jɔ klanaa a, e tu munyu ngɛ Hebri gbi mi de ke:

Ni Tsumi 22:21

Nɛ e de mi ke: ‘Yaa, ejakaa ma tsɔ mo majemajeli nɛ ngɛ lokoo ɔmɛ a ngɔ.’ ”

Ni Tsumi 22:7

nɛ i tsɔ fia si, nɛ i nu gbi ko de mi ke: ‘Saulo, Saulo, mɛ he je o ngɛ mi yi mi wae?’

Ni Tsumi 26:1

Kɛkɛ nɛ Agripa de Paulo ke: “A ngmɛ mo blɔ kaa o ja o gbi.” Kɛkɛ nɛ Paulo fɔ e nine nɛ e je e nya ke:

Ni Tsumi 26:14

Nɛ benɛ wɔ tsuo wa ya nɔ si ɔ, i nu gbi ko nɛ kɛ mi tu munyu ngɛ Hebri gbi mi ke: ‘Saul, Saul, Mɛni he je o ngɛ mi yi mi wae? E wa ha mo kaa o maa hia nazi ngɔ si lohwehi a kpakami tso nya dade ɔ.’

Ni Tsumi 27:23

Ejakaa nyɔ nɛ ɔ mi ɔ, Mawu nɔ nɔ́ nɛ i ji kɛ nɔ hu nɛ i sɔmɔɔ ɔ bɔfo ba da ye kasa nya,

Ni Tsumi 9:15

Se Nyɔmtsɛ ɔ de lɛ ke: “Yaa, ejakaa nɔ nɛ ɔ ji ye dɛ mi dade nɛ a hla ha mi, konɛ e hɛɛ ye biɛ ɔ kɛ ya majemajeli kɛ matsɛmɛ kɛ Israelbi ɔmɛ hu a hɛ mi.

Romabi 1:16

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

Romabi 1:5

E nɔ i gu nɛ i na dloomi kɛ bɔfo ni tsumi ɔ kone ma ha majemaje ɔ kulaa nɛ bu hemi kɛ yemi ɔ tue, ngɛ e biɛ ɔ he:

Romabi 1:9

Ye dase ji Mawu, nɔ nɛ i sɔmɔɔ ngɛ ye mumi mi ngɛ e Bi ɔ Sane Kpakpa a mi ɔ, kaa i jɔɔ we nyɛ kaimi ligbi ko ligbi ko.

Romabi 11:13

Se nyɛ majeli a bimɛ ɔmɛ ɔ, i ngɛ nyɛ dee ke: Be abɔ nɛ imi ji maje li ɔmɛ a bɔfo nɛ ɔ ɔ, ma wo ye sɔmɔmi ɔ hɛ mi nyami,

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

Romabi 15:29

I le kaa ke i ba nyɛ ngɔ ɔ, Kristo gbaami hiɛmi ɔ mi ma ba ngɛ.

Romabi 16:18

Ejakaa nihi nɛ ngɛ kikɛ ɔ, pi wa Nyɔmtsɛ Yesu Kristo nɛ a sɔmɔɔ, se mohu mɛ nitsɛmɛ a muklii; nɛ a kɛ nya mi dɔkɔɔ kɛ sisimi munyuhi mlɔɔ nihi nɛ li yayami ɔmɛ a tsui.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

1 Korintobi 1:1

Paulo, Yesu Kristo bɔfo nɛ a tsɛ ngɛ Mawu suɔmi nya a, kɛ wa nyɛmi Sostene

1 Korintobi 9:1

Anɛ i hɛɛ we ye he lo? Anɛ pi bɔfo ji mi lo? Anɛ i nɛ Yesu Kristo, wa Nyɔmtsɛ ɔ lo? Pi ye nine nya ni tsumi ji nyɛ ngɛ Nyɔmtsɛ ɔ mi lo?

2 Korintobi 1:1

Imi Paulo, nɛ ji Yesu Kristo bɔfo ngɛ Mawu suɔmi nya a, kɛ wa nyɛmi Timoteo ɔ ngma ya ha Mawu asafo nɛ ngɛ Korinto kɛ he tsɔli kulaa nɛ ngɛ Akaia tsuo ɔ:

2 Korintobi 11:5

Ejakaa i susuu kaa e piɛ́ mi nɔ́ ko nɔ́ ko loko i kɛ bɔfo ngua amɛ maa sɔ.

2 Korintobi 11:7

Aloo blɔɔ, nɛ i ba ye he si konɛ a wo nyɛ nɔ, nɛ i fiɛ Mawu sane kpakpa a ngɔ tsɔɔ nyɛ yaka a, i pee yayami lo?

2 Korintobi 12:11

I ye kuasiahi a sane kɛ fiami nɛ ɔ; nyɛ lɛ nyɛ nyɛ ye nɔ kikɛ nɛ ɔ nɛ. Ejakaa sa nɛ nyɛ mohu lɛ nyɛ jeɔ ye yi; ejakaa e piɛ́ mi nɔ́ ko nɔ́ ko nɛ i kɛ bɔfo ngua amɛ nɛ sɔ, pohu i pi nɔ ko tete.

2 Korintobi 2:12

Bene i ba Troa ngɛ Kristo sane kpakpa a he nɛ ya bli sinya ha mi ngɛ Nyɔmtsɛ ɔ mi ɔ,

2 Korintobi 4:5

Ejakaa pi wɔ nitsɛmɛ wa he nɛ wa ngɛ fiee, se mohu Kristo Yesu, kaa lɛ ji Nyɔmtsɛ, se wɔɔ lɛɛ, nyɛ sɔmɔli ji wɔ ngɛ Yesu he.

Galatabi 1:1

Paulo nɛ ji bɔfo nɛ pi nimli nɛ wo lɛ, nɛ pi nɔmlɔ ko nɔ hu nɛ e gu, se mohu, Yesu Kristo kɛ Tsɛ Mawu nɛ tle lɛ si kɛ je gbeje ɔ, nɔ e gu ɔ,

Efesobi 1:1

Paulo, nɛ ji Yesu Kristo bɔfo ngɛ Mawu suɔmi nya a, ngma ya ha ni klɔuklɔuhi nɛ ngɛ Efeso ɔ kɛ ninɛmɛ nɛ heɔ Kristo Yesu nɔ yeɔ ɔ:

Efesobi 1:13

Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

Efesobi 4:11

Nɛ lɛ nɔuu lɛ e ha ni komɛ plɛ bɔfohi, ni komɛ gbali, ni komɛ hu sane kpakpa fiɛli, nɛ ni komɛhu nɔ hyɛli kɛ tsɔɔli,

Filipibi 1:1

Paulo kɛ Timoteo, Yesu Kristo sɔmɔli ɔmɛ, ngma ya ha ni klɔuklɔuhi nɛ ngɛ Yesu Kristo mi ngɛ Filipi kɛ a nɔ hyɛli kɛ a sɔmɔli ɔmɛ kulaa:

Filipibi 2:11

nɛ lilɛ tsuaa lilɛ nɛ jaje paa ke Yesu Kristo ji Nyɔmtsɛ kɛ wo Tsɛ Mawu ɔ hɛ mi nyami.

Kolosebi 1:1

Paulo nɛ ji Yesu Kristo bɔfo ngɛ Mawu suɔmi nya, kɛ wa nyɛmi Timoteo ɔ,

Kolosebi 1:25

A pee mi sɔmɔlɔ ngɛ Mawu blɔ nya tomi nɛ a tu ngɔ wo ye dɛ mi ngɛ nyɛ blɔfami ɔ nya, kaa ma ha Mawu munyu ɔ nɛ ba mi,

1 Tesalonikabi 2:2

se mohu wa na ka ngɛ wa Mawu ɔ mi, nɛ waa kɛ fiɛ Mawu sane kpakpa a tsɔɔ nyɛ ngɛ nya tsimi babauu mi; pohu wa na nɔ kɛ be, nɛ a wa wɔ yi mi hulɔ ngɛ Filipi, kaa bɔ nɛ nyɛ le ɔ.

1 Tesalonikabi 2:8

Akɛnɛ wa suɔ nyɛ saminya he je ɔ, wa ngɛ he tsui kaa pi Mawu sane kpakpa a kɛkɛ nɛ waa kɛ ma ha nyɛ, se mohu wɔ nitsɛmɛ wa wami tete, ejakaa wa suɔ nyɛ wawɛɛ.

1 Tesalonikabi 2:9

Mamimɛ, nyɛ hɛ ngɛ wa pɔtɔ kɛ wa dengme gbomi ɔ nɔ, kaa benɛ pee nɛ wa ko pee tlomi ngɔ ha nyɛ ti nɔ ko he je ɔ, nyɔ kɛ pia tsuo wa ngɛ ni tsue, nɛ wa pa ngɛ Mawu sane kpakpa a jajee kɛ ngɛ nyɛ tsɔɔe.

1 Timoteo 1:1

Paulo nɛ ji Yesu Kristo bɔfo ngɛ Mawu, wa yi wami helɔ ɔ, kɛ Mawetsɛ Yesu Kristo, wa hɛ kɛ nɔ fɔmi ɔ, kita nya a,

1 Timoteo 2:7

enɛ ɔ he nɛ a wo mi fiɛlɔ kɛ bɔfo (anɔkuale i ngɛ tue ngɛ Kristo mi, i yi lakpa!), maje li a tsɔɔlɔ ngɛ hemi kɛ yemi kɛ anɔkuale mi ɔ nɛ.

2 Timoteo 1:11

nɔ́ he nɛ a wo mi fiɛlɔ kɛ bɔfo kɛ maje li ɔmɛ a tsɔɔlɔ ɔ,

Tito 1:1

Paulo, Mawu sɔmɔlɔ, kɛ Yesu Kristo bɔfo. Ahla mi nɛ a tsɔ mi nɛ ma ya ye bua ninɛmɛ nɛ Mawu hla amɛ a hemi kɛ yemi, nɛ ma kɛ mɛ nɛ ba anɔkuale nɛ wa jami ɔ tsɔɔ,

Hebribi 5:4

Nɛ nɔ ko ngɔɛ hɛ mi nyami nɔ ha we lɛ nitsɛ e he, kaa ja Mawu tsɛ lɛ, kaa bɔ nɛ e tsɛ Aaron hu ɔ.

Hebribi 7:26

Yesu ji Osɔfo nɔkɔtɔma nɛ sa wɔ pɛ: nɔ nɛ he tsɔ, nɛ yayami ko be e he, nɛ e he be piami ko, nɛ e tsɔ e he kɛ je yayami peeli a he, nɛ a wo e nɔ kɛ be hiɔwe, he;

Yakobo 1:1

Yakobo, nɛ ji Mawu kɛ Mawetsɛ Yesu Kristo sɔmɔlɔ ɔ, ngma ya ha wɛtso nyɔngma kɛ enyɔ nɛ gbɛ fia a: Nyɛ he manye!

1 Petro 4:17

Ejakaa be nɛ a maa je kojomi sisi kɛ maa je Mawu we ɔ su ta. Ke wa nɔ kekle e je ɔ, ninɛmɛ nɛ bui Mawu sane kpakpa a tue ɔ, kɛ a nyagbe maa pee kɛɛ?

2 Petro 1:1

Simon Petro nɛ ji Yesu Kristo sɔmɔlɔ kɛ bɔfo ɔ, ngma ya ha nihi nɛ nine su hemi kɛ yemi nɛ he jua wa kaa wa nɔ ɔ nɔuu nɔ, ngɛ wa Mawu kɛ wa yi wami helɔ Yesu Kristo dami ɔ mi ɔ.

Yuda 1:1

Yuda, nɛ ji Yesu Kristo sɔmɔlɔ kɛ Yakobo nyɛmi ɔ ngma ya ha nihi nɛ a tsɛ mɛ nɛ a pee mɛ klɔuklɔu ngɛ Tsɛ Mawu ɔ mi nɛ a ngɔ mɛ ngɔ to ha Yesu Kristo ɔ.

Kpojemi 1:1

Yesu Kristo kpo jemi nɛ Mawu ngɔ ha lɛ nɛ e kɛ tsɔɔ e sɔmɔli ɔmɛ nihi nɛ sa kaa e ba mi ngɛ be kpiti mi, nɛ e kɛ tsɔ e bɔfo ɔ nɛ e kɛ ba tsɔɔ e sɔmɔlɔ Yohane,

Kpojemi 22:6

Kɛkɛ nɛ hiɔwe bɔfo ɔ de mi ke: “Anɔkuale munyu nɛ maa si pim ji nɛ ɔ nɛ. Nyɔmtsɛ ɔ nɛ ji gbali ɔmɛ a mumi ɔmɛ a Mawu ɔ tsɔ e bɔfo ɔ konɛ e ba tsɔɔ e sɔmɔli nihi nɛ sa kaa a ba nɔuu ɔ.”

Kpojemi 22:9

Nɛ e de mi ke: “Koo pee! ejakaa o nyɛmi sɔmɔlɔ kɛ gbali kɛ nihi nɛ toɔ kikɛmɛ a womi nɛ mi munyu ɔmɛ a kpɛti nɔ ko ji mi; ja Mawu mohu!”