Mateo 9:8 - Somi He Ɔ

⁸ Se benɛ asafo ɔ na a, a nya kpɛ a he, nɛ a wo Mawu hɛ mi nyami kaa e ngɔ kikɛmɛ a he blɔ ha nimli.

BAIBLO ALOO NGMAMI KLƆUKLƆU Ɔ

⁸ Benɛ ma kpekpemi ɔ na nɔ́ nɛ ɔ, a nya kpɛ a he, nɛ a je Mawu yi kaa e ha nɔmlɔ adesa he wami kaa kikɛ nɛ ɔ.

Mateo 9:8 ပူးပေါင်းရင်းမြစ်များ

Luka 7:16

Nɛ gbeye nu mɛ tsuo, nɛ a wo Mawu hɛ mi nyami ke: “Gbalɔ kpetekpleenyɛ te si ngɛ wa kpɛti, nɛ Mawu ba slaa e ma a.”

Mateo 15:31

Nɛ asafo ɔmɛ a nya kpɛ a he, benɛ a na kaa amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ a hule ɔmɛ ngɛ nyɛɛ, nɛ hɛ yuyuili ɔmɛ ngɛ nɔ hyɛe ɔ, nɛ a wo Israel Mawu ɔ hɛ mi nyami.

Ni Tsumi 4:21

Se mɛɛ lɛɛ, benɛ a kpale wo a he gbeye ɔ, a ngmɛɛ a he, ejakaa a nɛ́ bɔ nɛ a maa pee nɛ a maa pii mɛ ngɛ ma a he, ejakaa nihi tsuo ngɛ Mawu hɛ mi nyami woe ngɛ nɔ́ nɛ a pee ɔ he;

Luka 23:47

Se benɛ aslaafohi lafa a nya tsɛ ɔ na nɔ nɛ a pee ɔ, e wo Mawu hɛ mi nyami nɛ e ke: “E ngɛ mi niinɛ kaa kikɛmɛ a nyumu nɛ ɔ ɔ dalɔ ʼi!”

Luka 17:15

Se a ti nɔ kake ɔ, benɛ e na kaa a tsa lɛ ɔ, e kpale e se kɛ ba nɛ e wo Mawu hɛ mi nyami kɛ gbi wawɛɛ.

Marko 2:12

A ngɛ lɛ hyɛe nɔuu nɛ nyumu ɔ te si, e hlue e sa a, nɛ e je kpo. Mɛ tsuo a nya kpɛ a he, nɛ a je Mawu yi ke: “Wa nɛ́ enɛ ɔ eko gblee!”

Galatabi 1:24

nɛ a wo Mawu hɛ mi nyami ngɛ ye he.

Yohane 15:8

Enɛ ɔ a kɛ woɔ Tsaatsɛ hɛ mi nyami, ke nyɛ wo yiblii fuu, nɛ nyɛ plɛ ye kaseli ɔ.

Luka 13:13

Nɛ e kɛ e ninehi pue e nɔ, nɛ amlɔ ɔ nɔuu ɔ, e da tlɔmɔɔ, nɛ e wo Mawu hɛ mi nyami.

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Ni Tsumi 21:20

Benɛ a nu ɔ, a wo Mawu hɛ mi nyami, nɛ a de lɛ ke: “Mami, hyɛ Yudafohi akpehi abɔ nɛ a he ye nɛ ɔ; mɛ tsuo ɔ, Mlaa a he hɛdɔli ji mɛ.

Marko 7:37

Nɛ a nya kpɛ a he nitsɛ nitsɛ nɛ a de ke: “E pee nihi kulaa saminya! E ha tuekpokuli nuɔ nɔ, nɛ amuɛtihi hu tuɔ munyu.”

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Mateo 12:23

Nɛ asafo ɔ tsuo nyɛ kpɛ a he nɛ a de ke: “Anɛ pi David bi ɔ ji nɛ ɔ?”

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Mateo 9:7

Nɛ e te si kɛ ho e we mi ya.

Luka 2:20

Nɛ to hyɛli ɔmɛ kpale a se nɛ a wo Mawu hɛ mi nyami, nɛ a je e yi ngɛ nihi tsuo kulaa nɛ a nu nɛ a na a he, kaa bɔ nɛ a sɛɛ ngɔ ha mɛ ɔ.

Luka 17:18

Blɔɔ a nɛ́ a ti nɔ ko nɛ kpaleɔ e se kɛ hɛ mi nyami ba haa Mawu, kaa ja maseno nɛ ɔ lo?”

Luka 18:43

Nɛ amlɔ ɔ nɔuu ɔ, e hyɛ nɔ, nɛ e nyɛɛ e se nɛ e wo Mawu hɛ mi nyami; nɛ benɛ asafo ɔ tsuo na a, a je Mawu yi.

2 Korintobi 9:13

Ejakaa kikɛmɛ a sɔmɔmi nɛ ɔ mi yiblii he ɔ, a woɔ Mawu hɛ mi nyami ngɛ tue bumi nɛ nyɛɛ kɛ jajeɔ Kristo sane kpakpa a kɛ huɛ bɔmi klɔuu nɛ nyɛɛ kɛ mɛ kɛ nihi kulaa bɔɔ ɔ he.

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.