Mateo 9:22 - Somi He Ɔ

²² Yesu plɛ e he, nɛ benɛ e na lɛ ɔ, e ke: “Biyo, ha otsui nɛ nɔ o mi, o hemi kɛ yemi ɔ he o yiwami!” Nɛ yo ɔ he wa lɛ jamɛ a ngmlɛfia a nɔ nɔuu.

BAIBLO ALOO NGMAMI KLƆUKLƆU Ɔ

²² Yesu plɛ e he, nɛ benɛ e na lɛ ɔ, e de lɛ ke, “Biyo, o tsui nɛ nɔ o mi; o hemi kɛ yemi ɔ tsa mo.” Nɛ yo ɔ na he wami jamɛ a ngmlɛfia a nɔuu.

Mateo 9:22 ပူးပေါင်းရင်းမြစ်များ

Luka 7:50

Se Yesu de yo ɔ ke: “O hemi kɛ yemi ɔ he o yiwami, yaa ngɛ hejɔmi mi!”

Mateo 15:28

Kɛkɛ nɛ Yesu he nɔ nɛ e de lɛ ke: “Oo, yo, o hemi kɛ yemi kle! A pee ha mo kaa bɔ nɛ o ngɛ hlae ɔ!” Nɛ a tsa e bi yo ɔ ngɛ jamɛ a ngmlɛfia a nɔ nɔuu.

Mateo 9:2

Nɛ oʼɛ, a kɛ nɔ ko nɛ ngɛ hulemi hiɔ nue nɛ fɔɔ si ngɛ sa nɔ ba e ngɔ. Nɛ benɛ Yesu na a hemi kɛ yemi ɔ, e de hiɔtsɛ ɔ ke: “Bi, ha o tsui nɛ nɔ o mi, a kɛ o he yayami ɔmɛ pa mo!”

Luka 18:42

Nɛ Yesu de lɛ ke: “Hyɛ nɔ, o hemi kɛ yemi tsa mo!”

Luka 17:19

Nɛ e de lɛ ke: “Tee si nɛ o ya; o hemi kɛ yemi tsa mo!”

Luka 8:48

Yesu de lɛ ngɛ asafo ɔ kulaa hɛ mi ke: “Biyo, o tsui nɛ nɔ o mi, o hemi kɛ yemi tsa mo; yaa ngɛ hejɔmi mi!”

Marko 10:52

Nɛ Yesu de lɛ ke: “Yaa, o hemi kɛ yemi tsa mo!” Nɛ amlɔ ɔ nɔuu ɔ, e hyɛ nɔ ekohu, nɛ e nyɛɛ Yesu se ngɛ blɔ ɔ nɔ.

Marko 5:34

Yesu de lɛ ke: “Biyo, o hemi kɛ yemi tsa mo; yaa ngɛ he jɔmi mi, nɛ o hiɔ ɔ nɛ jɔ.

Mateo 9:29

Kɛkɛ nɛ e ta a hɛngmɛ ɔmɛ a he nɛ e ke: “Bɔ nɛ nyɛ heɔ yeɔ ɔ, a pee ja ngɔ ha nyɛ;”

Ni Tsumi 16:18

Nɛ e pee ja ligbihi fuu. Se e dɔ Paulo wawɛɛ, nɛ e plɛ e he nɛ e de mumi ɔ ke: “I ngɛ mo fae ngɛ Yesu Kristo biɛ mi kaa o je e mi.” Nɛ e je kpo ngɛ jamɛ a ngmlɛfia a nɔ nɔuu.

Yohane 4:53

Kɛkɛ nɛ tsɛ ɔ kɛ na kaa lɛ ngmlɛfia a nɔ nɔuu nɛ Yesu de lɛ ke: “O bi ɔ he mi wa lɛ” ɔ; nɛ e kɛ e we ɔ tsuo he ye.

Hebribi 4:2

Ejakaa wɔ hu a fiɛ Sane kpakpa a ngɔ ha wɔ, kaa bɔ nɛ a fiɛ tsɔɔ mɛ ɔ nɔuu; se kɛ̃ ɔ munyu nɛ a nu ɔ he ya bɛ́ se nami ha mɛ, ejakaa ninɛmɛ nɛ nu ɔ kɛ hemi kɛ yemi pɛtɛ we he.

Ni Tsumi 14:9

Nɛ benɛ Paulo ngɛ munyu tue ɔ, e bu lɛ tue. Nɛ benɛ Paulo hyɛ lɛ too nɛ e na kaa e ngɛ hemi kɛ yemi kaa a ma tsa lɛ ɔ,

Mateo 17:18

Nɛ Yesu nga e yi, nɛ mumi yayami ɔ je e mi kɛ je kpo, nɛ jokuɛ ɔ he wa lɛ ngɛ jamɛ a ngmlɛfia a nɔ nɔuu.

Mateo 8:13

Nɛ Yesu de aslaafohi lafa a nyatsɛ ɔ ke: “Yaa, bɔ nɛ o he ye ɔ, a pee ja ha mo.” Nɛ a tsa e wenyumu ɔ ngɛ lɛ ngmlɛfia a nɔuu nɔ.