Mateo 7:24 - Somi He Ɔ

²⁴ “Lɔ ɔ he ɔ, nɔ tsuaa nɔ nɛ nuɔ ye munyu nɛ ɔmɛ nɛ e yeɔ nɔ ɔ, ma ngɔ lɛ ngɔ to ga lelɔ nɛ ma e tsu ngɛ tɛ sa nɔ ɔ he.

BAIBLO ALOO NGMAMI KLƆUKLƆU Ɔ

²⁴ “Lɔ ɔ he ɔ, nɔ tsuaa nɔ nɛ nuɔ ye munyu nɛ ɔmɛ, nɛ e yeɔ nɔ ɔ, e ngɛ kaa ní lelɔ ko nɛ ma e tsu ngɛ tɛ sa nɔ.

Mateo 7:24 ပူးပေါင်းရင်းမြစ်များ

Yohane 13:17

Ke nyɛ le ni nɛ ɔmɛ ɔ, a gbaa nyɛ ke nyɛ ye nɔ.

Luka 11:28

Se Yesu he nɔ ke: “E ngɛ mi ja mohu, se a gbaa ninɛmɛ nɛ nuɔ Mawu munyu ɔ nɛ a yeɔ nɔ ɔ!”

1 Yohane 2:3

Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yohane 15:14

Ke nyɛ pee nihi nɛ i ngɛ nyɛ he kita woe nɛ ɔ, lɛɛ ye huɛmɛ ji nyɛ.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Mateo 12:50

Ejakaa nɔ tsuaa nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

Mateo 7:25

Nɛ hiɔmi nɛ, nɛ pahi hia, nɛ kɔɔhiɔ fia, nɛ a si tsu ɔ, se e hule we ejakaa a to sisi ngɛ tɛ sa nɔ.

Mateo 7:26

Nɛ nɔ tsuaa nɔ nɛ nuɔ ye munyu nɛ ɔmɛ nɛ e yi nɔ ɔ, a maa ngɔ lɛ ngɔ to nyumu kuasia nɛ ma e tsu ngɛ zia nɔ ɔ he.

Mateo 16:18

Nɛ imi hu i ngɛ mo dee ke: Mo ji Petro ɔ nɛ, nɛ kikɛmɛ a tɛ sa nɛ ɔ nɔ ma fia ye safo ɔ ngɔ ma, nɛ gbeje agbo ɔmɛ be nyɛe e nɔ maa ye.

Mateo 24:45

“Lɛɛ mɛnɔ ji tsɔlɔ anɔkualetsɛ kɛ ni lelɔ mɔ nɛ e nyɔmtsɛ ngɔ lɛ ngɔ to e webi ɔmɛ a nya konɛ e ha mɛ a nya mi ngma ngɛ be nɛ sa mi ɔ?

Mateo 25:2

Se a kpɛti ni enuɔ ɔ kuasiahi ʼi, nɛ ni enuɔ ɔ lɛɛ ni leli ji mɛ.

Mateo 25:4

Se ni leli ɔmɛ hɛɛ nu kɛ tɔ ngɔ piɛ a kane ɔmɛ a he.

Mateo 25:9

Se ni leli ɔmɛ he nɔ nɛ a de mɛ ke: ‘Eko ɔ e ba be waa kɛ nyɛ tsuo sue; se mohu nyɛɛ ya nihi nɛ juaa amɛ a ngɔ nɛ nyɛ ya he eko ngɔ ha nyɛ he.’

Romabi 2:13

Ejakaa pi mlaa nuli ɔmɛ ji dali ngɛ Mawu hɛ mi, se mlaa nɔ yeli mohu ji ninɛmɛ nɛ a maa bu kaa dali.