Mateo 7:21 - Somi He Ɔ

²¹ “Pi nɔ tsuaa nɔ nɛ deɔ mi ke: ‘Nyɔmtsɛ, Nyɔmtsɛ’ ɔ nɛ maa sɛ hiɔwe matsɛ yemi ɔ mi; se mohu nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ.

BAIBLO ALOO NGMAMI KLƆUKLƆU Ɔ

²¹ “Pi nɔ tsuaa nɔ nɛ tsɛɔ mi ‘Nyɔmtsɛ, Nyɔmtsɛ’ ɔ ji nɔ nɛ maa sɛ hiɔwe matsɛ yemi ɔ mi; se mohu nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní.

Mateo 7:21 ပူးပေါင်းရင်းမြစ်များ

Romabi 2:13

Ejakaa pi mlaa nuli ɔmɛ ji dali ngɛ Mawu hɛ mi, se mlaa nɔ yeli mohu ji ninɛmɛ nɛ a maa bu kaa dali.

Luka 6:46

“Se mɛ he je nyɛ tsɛɛ mi: ‘Nyɔmtsɛ, Nyɔmtsɛ,’ nɛ nyɛ pee we nihi nɛ i deɔ ɔ?

Yakobo 1:22

Nyɛɛ pee munyu ɔ nɔ yeli, se pi munyu ɔ nuli kɛkɛ, nɛ nyɛɛ kɛ mlɔɔ nyɛ nitsɛmɛ nyɛ he.

Luka 11:28

Se Yesu he nɔ ke: “E ngɛ mi ja mohu, se a gbaa ninɛmɛ nɛ nuɔ Mawu munyu ɔ nɛ a yeɔ nɔ ɔ!”

Tito 1:16

A deɔ ke a le Mawu, se a kɛ a ni tsumihi kuaa lɛ, nɛ a ji musutsɛmɛ, kɛ tue gboli, nihi nɛ hi ha ni tsumi kpakpa ko kulaa.

Hebribi 4:6

Lɔ ɔ he ɔ akɛnɛ e fɔɔ si kaa ni komɛ maa sɛ mi, nɛ ninɛmɛ nɛ a fiɛ Sane kpakpa a ngɔ tsɔɔ kekle ɔ sɛ we mi ngɛ hemi nɛ a he we yi ɔ he je ɔ,

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Mateo 12:50

Ejakaa nɔ tsuaa nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

Mateo 18:3

nɛ e ke: “Niinɛ, i ngɛ nyɛ dee ke: Ke nyɛ tsakee we nɛ nyɛ plɛ kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe kulaa.

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Marko 3:35

Ejakaa nɔ tsuaa nɔ nɛ peɔ Mawu suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

1 Tesalonikabi 5:18

nyɛɛ na si ngɛ nɔ fɛɛ nɔ mi; ejakaa lɔ ɔ ji Mawu suɔmi nya ni ngɛ Kristo Yesu mi ngɛ nyɛ blɔfami.

Efesobi 6:6

pi kɛ hɛ mi hɛ mi sɔmɔmi kaa nihi nɛ hlaa nimli a hɛ mi nyami, se mohu kaa Kristo tsɔli nɛ jee a tsui mi peɔ Mawu suɔmi nya ni,

1 Petro 2:15

Ejakaa ja ji Mawu suɔmi nya ni, kaa nyɛɛ kɛ kpakpa peemi nɛ tsi nihi nɛ be yi mi ɔmɛ a kuasia peemi ɔ nya.

Mateo 25:21

E nyɔmtsɛ ɔ de lɛ ke: ‘Ayekoo, sɔmɔlɔ kpakpa kɛ anɔkualetsɛ, o ye anɔkuale ngɛ nihi bɔɔ mi, ma ha o pee nihi fuu a nyatsɛ: sɛ o nyɔmtsɛ ɔ bua jɔmi ɔ mi.’

1 Tesalonikabi 4:3

Enɛ ɔ ji Mawu suɔmi nya ni kaa nyɛ he nɛ tsɔ, lɔ ɔ ji kaa nyɛɛ tsi nyɛ he nya kɛ je ajuama bɔmi he,

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

Luka 13:25

“Be mi nɛ we tsɛ ɔ te si nɛ e ya nga sinya a, nɛ nyɛ ma bɔni sinya a simi ngɛ se je, nɛ nyɛ ma de ke: ‘Nyɔ́mtsɛ, Nyɔmtsɛ, bli wɔ,’ nɛ e ma he nɔ nɛ e ma de nyɛ ke: I li he nɛ nyɛ je’ ɔ,

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

Luka 18:25

Ejakaa e wɛ hi afukpɔngɔ kaa e maa gu abui hɛngmɛ mi kaa bɔ nɛ e waa haa niatsɛ kaa e maa sɛ Mawu matsɛ yemi ɔ mi ɔ.”

Marko 9:47

Nɛ ke o hɛngmɛ ngɛ o nane kpatae ɔ, hia nɛ o sake ngɔ fɔ he; afani nɛ o kɛ hɛngmɛ kake sɛ Mawu matsɛ yemi ɔ mi pe nɛ o hɛɛ hɛngmɛ enyɔ nɛ a ma sake mo ngɔ fɔ gehena la a mi,

Mateo 19:24

Se jeha nɛ ɔ hu i ngɛ nyɛ dee ke: E wɛ́ hi afukpɔngɔ kaa e maa gu abui hɛngmɛ mi, kaa bɔ nɛ e waa haa nitsɛ kaa e maa sɛ Mawu matsɛ yemi ɔ mi ɔ.”

Mateo 18:35

Ja nɔuu Tsaatsɛ nɛ ngɛ hiɔwe ɔ hu ma ngɔ pee nyɛ, ke nyɛ ti nɔ tsuaa nɔ ngɔɛ e nyɛmi nɔ tɔmi ngɔ ki lɛ kɛ ji e tsui mi ɔ.”

Yohane 15:23

Nɔ nɛ nyɛɛ mi ɔ, e ngɛ Tsaatsɛ hu nyɛe.

Mateo 26:42

E pue nɔ kɛ ho ekohu nɔ nɛ ji si enyɔ, nɛ e ya sɔle ke: “Tsaatsɛ, ke kplu nɛ ɔ be nyɛe ye he bemi kɛ ho kaa ja i nu ɔ, a pee bɔ nɛ o suɔ.”

Mateo 16:17

Nɛ Yesu he nɔ nɛ e de lɛ ke: “A gbaa mo, Simon, Yona bi; ejakaa pi he lo kɛ muɔ nɛ je enɛ ɔ tsɔɔ mo, se mohu Tsaatsɛ nɛ ngɛ hiɔwe ɔ ʼi.

Kpojemi 2:27

nɛ e kɛ dade tso ma kpaka mɛ, nɛ e maa ywia mɛ kaa a ywiaa zu buɛhi, kaa bɔ nɛ imi hu i na kɛ je Tsaatsɛ ngɔ ɔ;

Yohane 14:7

Kaa nyɛ le mi jinɛ, nyɛ ko le Tsaatsɛ hulɔ; nɛ kɛ je mwɔnɛ kɛ yaa nɛ ɔ, nyɛ le lɛ, ejakaa nyɛ na lɛ.”

Yohane 5:17

Se Yesu he nɔ nɛ e de mɛ ke: “Tsaatsɛ ngɛ ni tsue kɛ mwɔɔ nɛ imi hu i ngɛ ni tsue.”

Mateo 26:39

Nɛ e ya e hɛ mi bɔɔ nɛ e ngɔ e hɛ mi ngɔ bu si, nɛ e sɔle ke: “Tsaatsɛ, ke e maa hi ɔ, ha nɛ kplu nɛ ɔ be ye he kɛ ho; se kɛ̃ ɔ, pi bɔ nɛ imi i suɔ, se mohu bɔ nɛ mo o suɔ.”

Mateo 18:10

“Nyɛɛ hyɛ saminyɛ konɛ nyɛ ko gbe ni tsɔwi nɛ ɔmɛ a ti nɔ kake he guɛ; ejakaa i ngɛ nyɛ dee ke, a bɔfohi nɛ ngɛ hiɔwe ɔ hyɛɛ Tsaatsɛ nɛ ngɛ hiɔwe ɔ hɛ mi daa.” [

Mateo 18:19

“Jeha nɛ ɔ hu, i ngɛ nyɛ dee ke, ke nyɛ kpɛti ni enyɔ so ngɛ zugba nɛ ɔ nɔ ngɛ sane tsuaa sane nɛ a biɔ ɔ he ɔ, Tsaatsɛ nɛ ngɛ hiɔwe ɔ maa pee ha mɛ.

Mateo 25:10

Se benɛ, a ho hemi ya a, ayɛflo huno ɔ ba, nɛ ninɛmɛ nɛ dla a he to lɛ ɔ kɛ lɛ ho yo kpeemi he ɔ ya, nɛ a nga sinya a.