Mateo 6:9 - Somi He Ɔ

⁹ Lɔ ɔ he ɔ nyɛɛ sɔle kikɛ: ‘Wa tsɛ nɛ ngɛ hiɔwe, O biɛ ɔ he nɛ tsɔ;

BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Mateo 6:9 ပူးပေါင်းရင်းမြစ်များ

Kpojemi 4:11

“Wa Nyɔmtsɛ kɛ wa Mawu, mo ji nɔ nɛ sa kaa O ngɔ hɛ mi nyami kɛ agboje kɛ he wami ɔ Ejakaa mo lɛ ɔ bɔ nihi kulaa, Nɛ o suɔmi nya a ngɛ nɛ a bɔ mɛ ngɛ.”

Romabi 8:15

Ejakaa pi nyɔguɛ yemi mumi nɛ nyɛ na nɛ nyɛ ma pa ye gbeye, se mohu nyɛ na bimɛ a plɛmi mumi, nɔ́ mi nɛ wa kpaa ngmlaa ngɛ ke: “Abba,” Tsaatsɛ! ɔ.

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

Kpojemi 5:12

nɛ a kɛ gbi ngua de ke: “Tobi nɛ a gbe ɔ, Sa nɛ e ngɔ he wami kɛ ni nami Kɛ ni lemi kɛ nyɛmi kɛ agboje kɛ hɛ mi nyami kɛ gbaami.”

Mateo 7:11

Lɛɛ ke nyɛ nɛ nyɛ ji nimli yayamihi ɔ nyɛ le bɔ nɛ nyɛ peɔ ngɔɔ ni kpakpahi ngɔ haa nyɛ bimɛ ɔ, enyɛmɛ nɔuu nɛ nyɛ tsɛ nɛ ngɛ hiɔwe ɔ be ni kpakpahi ngɔe kɛ ha nihi nɛ biɔ lɛ ɔ?

Mateo 26:29

Se i ngɛ nyɛ dee ke: Kɛ je nɛ ɔ nɔ kɛ yaa nɛ ɔ ɔ, i be wai tso yiblii nɛ ɔ eko nue hu, kɛ maa su ligbi nɛ i kɛ nya maa nu lɛ ehe ngɛ Tsaatsɛ matsɛ yemi ɔ mi.”

Mateo 23:9

Nɛ nyɛ ko tsɛ nɔ ko nyɛ tsɛ hulɔ ngɛ zugba a nɔ; ejakaa nɔ kake ji nyɛ tsɛ, nɔ nɛ ngɛ hiɔwe ɔ.

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Luka 15:18

Ma te si nɛ ma ya tsaatsɛ ngɔ nɛ ma ya de lɛ ke: “Tsaatsɛ, i pee yayami si Mawu kɛ mo,

1 Petro 1:17

Nɛ ke nyɛ tsɛɔ nɔ nɛ hyɛ we nihi a hɛ mi se e kojoɔ ngɛ nɔ tsuaa nɔ ni tsumi nya a ke nyɛ tsɛ ɔ, nyɛɛ kɛ gbeye yemi nɛ ba nyɛ je mi ngɛ nyɛ wami be nɛ piɛ nɛ ɔ mi.

1 Timoteo 6:16

nɔ nɛ lɛ e nɔ kake lɛ ngɛ neneene si himi nɛ gbenɔ be mi, nɛ e hii la nɛ a be nyɛemaa su he ɔ mi ɔ, nɔ nɛ nɔmlɔ ko nɔmlɔ ko nɛ́ lɛ hyɛ, nɛ e be lɛ nyɛe maa na hulɔ ɔ, nɔ nɛ nɔ́ nɛ ji neneene bu kɛ he wami ɔ. Amen.

Luka 15:21

Nɛ e bi ɔ de lɛ ke: ‘Tsaatsɛ, i pee yayami kɛ si Mawu kɛ mo, nɛ i sɛ kaa a tsɛɔ mi o bi hu!’

Luka 2:14

“Hɛ mi nyami ha Mawu ngɛ hiɔwe lokoo, Nɛ he jɔmi nɛ ba zugba a nɔ Ha nihi nɛ sa e hɛ mi.”

Mateo 6:14

Nɛ ke nyɛɛ kɛ nihi a tɔmihi pa mɛ ɔ, nyɛ tsɛ nɛ ngɛ hiɔwe ɔ kɛ maa pa nyɛ hulɔ.

Mateo 6:6

Se ke o ngɛ sɔlee ɔ, sɛ o se tsu mi, nɛ po nga sinya a nɛ o sɔle ngɔ ha o tsɛ ngɛ laami mi, nɛ o tsɛ nɛ naa laami mi nihi ɔ maa wo mo hiɔ.

Mateo 5:48

Lɔ ɔ he ɔ nyɛɛ hi kɛ pi si, kaa bɔ nɛ nyɛ tsɛ nɛ ngɛ hiɔwe ɔ hu hi kɛ pi si ɔ.”

Galatabi 1:1

Paulo nɛ ji bɔfo nɛ pi nimli nɛ wo lɛ, nɛ pi nɔmlɔ ko nɔ hu nɛ e gu, se mohu, Yesu Kristo kɛ Tsɛ Mawu nɛ tle lɛ si kɛ je gbeje ɔ, nɔ e gu ɔ,

Yohane 20:17

Yesu de lɛ ke: “Koo ta ye he; ejakaa i na we ma ya hiɔwe ngɛ Tsaatsɛ ngɔ lolo; se yaa ye nyɛmimɛ ɔmɛ a ngɔ nɛ o ya de mɛ ke: I yaa hiɔwe ngɛ Tsaatsɛ kɛ nyɛ hu nyɛ tsɛ kɛ ye Mawu kɛ nyɛ hu nyɛ Mawu ɔ ngɔ.”

Mateo 26:42

E pue nɔ kɛ ho ekohu nɔ nɛ ji si enyɔ, nɛ e ya sɔle ke: “Tsaatsɛ, ke kplu nɛ ɔ be nyɛe ye he bemi kɛ ho kaa ja i nu ɔ, a pee bɔ nɛ o suɔ.”

Romabi 1:7

I ngɛ enɛ ɔ ngmae ya ha nihi nɛ Mawu suɔ nɛ ji ni klɔuklɔuhi nɛ a tsɛ mɛ nɛ a ngɛ Roma a kulaa: Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu dɛ mi ɔ ha nyɛ!

Mateo 10:29

Anɛ otokliihi enyɔ ɔ pi pɛsɛwa nɛ a juaa nɛ a heɔ lo? Se a ti nɔ kake be zugba nɔe, ja e je nyɛ tsɛ ɔ dɛ mi.