Mateo 6:2 - Somi He Ɔ

² “Lɔ ɔ he ɔ ke o ngɛ kpakpa pee ɔ, ko kpa titimati ngɛ o hlami, kaa bɔ nɛ osatotsɛmɛ ɔmɛ peɔ ngɛ kpe hehi kɛ magbɛ ɔmɛ a nɔ konɛ nihi nɛ je a yi ɔ. I ngɛ nyɛ dee anɔkuale mi ke: A nine su a hiɔwo nɔ mo.

BAIBLO ALOO NGMAMI KLƆUKLƆU Ɔ

² “Lɔ ɔ he ɔ, ke o maa ke nɔ́ ɔ, koo pee lɛ hoo kaa bɔ nɛ osatotsɛmɛ ɔmɛ peeɔ ngɛ kpe hehi, kɛ gbɛjegbɛ ɔmɛ a nɔ ɔ. A peeɔ jã, konɛ nihi nɛ je a yi. I ngɛ nyɛ dee anɔkuale mi ke a nine su a hiɔwo nɔ momo.

Mateo 6:2 ပူးပေါင်းရင်းမြစ်များ

Mateo 6:5

“Nɛ ke nyɛ ngɛ sɔlee ɔ, nyɛ ko pee kaa osatotsɛmɛ ɔmɛ, se a suɔ kaa a da kpe he ɔmɛ kɛ gbɛjegbɛ ɔmɛ a kɔ nyahi kɛ sɔle konɛ nihi nɛ na mɛ. Niinɛ, i ngɛ nyɛ dee ke: A nine su a hiɔwo nɔ mo.

Mateo 6:16

“Se ke nyɛ ngɛ hwɔ hae ɔ, nyɛ ko pee nyɛ hɛ mi nɔbɔmɔbɔ kaa osatotsɛmɛ ɔmɛ; a peɔ a hɛ mi nyanyaanya konɛ nimli nɛ na kaa a ngɛ hwɔ hae. Niinɛ, i ngɛ nyɛ dee ke: A nine su a hiɔwo nɔ mo?

Yohane 5:41

“I hla we nimli a hɛ mi nyami.

Hebribi 13:16

Nyɛ hɛ ko je kpakpa peemi kɛ ni kemi nɔ, ejakaa jamɛ a bɔ ɔmɛ saa Mawu hɛ mi saminya.

Luka 20:46

“Nyɛ hɛ nɛ hi nyɛ he nɔ ngɛ mlaa tsɔɔli ɔmɛ a he, se a suɔ tade wuyawuyahi a mi nyɛɛmi, nɛ a suɔ jua nɔ ngamihi kɛ nikɔtɔmahi a sihi hehi ngɛ kpe he ɔmɛ kɛ okplɔɔ yi himi ke a tsɛ ni yemi;

Yohane 7:18

Nɔ nɛ toɔ lɛ nitsɛ e yi mi nɛ e tuɔ munyu ɔ, lɛ nitsɛ e hɛ mi nyami e ngɛ hlae, se nɔ nɛ hlaa nɔ nɛ tsɔ lɛ ɔ hɛ mi nyami ɔ, lɛɛ anɔkualetsɛ ji lɛ, nɛ nɔ́ nɛ dɛ blɔ ko be e mi.

1 Petro 4:11

Ke munyu nɔ ko ngɛ tue ɔ, e tu lɛ kaa Mawu munyu; ke sɔmɔmi nɔ ko ngɛ sɔmɔe ɔ, e je he wami nɛ Mawu dloo lɛ ɔ mi; konɛ a gu Yesu Kristo nɔ nɛ a wo Mawu hɛ mi nyami ngɛ nihi kulaa mi, nɔ nɛ nɔ́ nɛ ji nyami ɔ, kɛ he wami ɔ, kɛ yaa neneene kɛ neneene ɔ! Amen.

Efesobi 4:28

Juɔ ɔ, e ko ju hu, se mohu e bɔ mɔde nɛ e kɛ e ninehi nɛ tsu ni tsumi kpakpa, konɛ e na nɔ́ ko nɛ e kɛ ha nɔ nɛ e fi lɛ ɔ.

Galatabi 2:10

se ohiafohi kɛkɛ a ke wa kai, kɔlɔ ɔ nɔuu he mɔde i bɔ kaa ma pee.

Ni Tsumi 10:4

Nɛ e hyɛ lɛ too, nɛ e ye gbeye nɛ e ke: “Mo mɛnɔ ʼi, Nyɔmtsɛ?” Nɛ Nyɔmtsɛ ɔ de lɛ ke: “O sɔlemihi kɛ ni kpakpahi nɛ o peɔ ɔ ba su hiɔwe nɛ, e pee kaimi nɔ́ ngɛ Mawu hɛ mi.

1 Timoteo 6:18

A pee kpakpa, nɛ a plɛ niatsɛmɛ ngɛ kpakpa peemi blɔfami, a suɔ nɔ hami, a ko pee kpɛle,

Romabi 12:8

nɔ nɛ tuɔ munyu tsɔɔ nihi ɔ, e hɛɛ munyu tumi kɛ tsɔɔmi ɔ mi; nɔ nɛ dlaa ni ngɔ haa nihi ɔ, e pee kɛ tsui jɔjɔɛ. Nɔ nɛ yeɔ nɔkɔtɔma a, e bɔ mɔde. Nɔ nɛ naa mɔbɔ ɔ, e pee kɛ tsui mi jɔmi.

Ni Tsumi 24:17

“Nɛ jehahi fuu a se ɔ, i ba nɛ i kɛ nike ni ba ha ye ma a nɛ ma sã bɔ hulɔ.

Ni Tsumi 10:31

nɛ e ke: ‘Kornelio, a bu o sɔlemi ɔ tue, nɛ o ni kpakpahi nɛ o peɔ ɔ hu a kai ngɛ Mawu hɛ mi.

Ni Tsumi 10:2

Mawu jalɔ ji lɛ, nɛ e kɛ e we ɔ tsuo yee Mawu gbeye, nɛ e peɔ ma mi bi ɔmɛ kpakpahi fuu, nɛ e kpaa Mawu pɛɛ daa.

Ni Tsumi 9:36

Se yo kaselɔ ko ngɛ Yopa nɛ a tsɛɛ lɛ Tabita, e sisi ji Dorka (odabɔ). Lɛɛ e hyi tɔ kɛ ni tsumi kpakpahi kɛ ohiafohi a hyemi.

Yohane 13:29

A ti ni komɛ susu kaa, akɛnɛ Yuda lɛ toɔ sika kpɛɛ ɔ he nɛ Yesu de lɛ ke: “Ya he nihi nɛ he hia wɔ ngɔ to nyami ligbi ɔ,” aloo kaa e ngɔ nɔ ko ngɔ ha ohiafohi.

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

Luka 6:42

Kɛ maa pee kɛɛ nɛ o ma nyɛ de o nyɛmi ke: ‘Mami, ha ma je ngu nyafii nɛ ngɛ o hɛngmɛ nɔ ɔ,’ benɛ o nɛ plai nɛ ngɛ mo nitse o hɛngmɛ nɔ ɔ? osatotsɛ, je plai ɔ ngɛ mo nitsɛ o hɛngmɛ nɔ kekle, nɛ lɔ ɔ loko o maa na paa nɛ o je ngu nyafii ɔ ngɛ o nyɛmi ɔ hɛngmɛ nɔ.

Marko 12:39

Ninɛmɛ nɛ suɔ nikɔtɔmahi a sihi hehi ngɛ kpe he, kɛ okplɔɔ yi himi ngɛ niyeni si,

Filemon 1:7

Ejakaa i na bua jɔmi babauu kɛ tsui ngɛ o suɔmi ɔ he, mami, akɛnɛ o ha ni klɔuklɔu ɔmɛ a tsui nɔ a mi ɔ.

1 Tesalonikabi 2:6

jehanɛ wa hla we nimli a hɛ mi nyami ngɛ nyɛ ngɔ aloo ni kpa komɛ a ngɔ,

Ni Tsumi 11:29

Kaseli ɔmɛ kpɛ mi kaa a ma tsu nɔ́ ko ngɔ mane nyɛmimɛ nɛ ngɛ Yudea a nɛ a kɛ ya pɛne mɛ, nɔ tsuaa nɔ bɔ nɛ o ma nyɛ.

Luka 13:15

Se Nyɔmtsɛ ɔ he nɔ nɛ e de lɛ ke: “Osatotsɛmɛ! Anɛ Hejɔɔmi Ligbi ɔ nɔ ɔ nyɛ ti nɔ tsuaa nɔ pɛne we e na loo e teji ngɛ niyeni nɔ́ ɔ he kpakaa we lɛ ya ha we lɛ nyu lo?

Luka 12:56

Osatotsɛmɛ, nyɛ le hiɔwe kɛ je mi nihi a sisi tsɔɔmi; se kɛ pee kɛɛ nɛ nyɛ li yi nɔ nɛ ɔ sisitsɔɔmi ɔ?”

Luka 12:33

Nyɛɛ jua nihi nɛ nyɛ ngɛ ɔ nɛ nyɛ kɛ pee kpakpa. Nyɛ hla sika kpɛɛhi nɛ be momo pee; nyɛɛ to juetli nɛ be tae ngɛ hiɔwe, he nɛ juɔ ko be he sue nɛ wɔyewɔye kpe we ni ngɛ ɔ.

Luka 11:43

“Musu tloo nyɛ, Farisifohi, kaa nyɛ suɔ nikɔtɔmahi a sihi hehi ngɛ kpe he ɔmɛ kɛ nɔ ngami ngɛ juahi a nɔ!

Luka 11:41

Mohu ɔ, nyɛɛ ngɔ nihi nɛ ngɛ mi ɔ ngɔ ha ohiafohi, nɛ oʼɛ, nihi tsuo he ma tsɔ ha nyɛ.

Luka 6:24

“Se nyɛ niatsɛmɛ ɔmɛ ɔ, musu tloo nyɛ; ejaka nyɛ na nyɛ buawomi momo.’

Marko 7:6

Se e he nɔ nɛ e de mɛ ke: “Niinɛ Yesaia gba ngɛ nyɛ osatotsɛmɛ nɛ ɔmɛ a he, kaa bɔ nɛ a ngma a ke: ‘Ma nɛ ɔ, a nya a kɛ puaa mi, se a tsui tsɛ e he kɛ je ye he kɛ ho lokoo ya.

Mateo 24:51

nɛ e ma tsɔtslɔɔ e mi nɛ e ma ha lɛ e blɔfami nɔ́ ngɛ osatotsɛmɛ ɔmɛ a kpɛti. Lejɛ ɔ ya fomi kɛ lungu nyakpemi maa hi.”

Mateo 23:6

nɛ a suɔ okplɔɔ yi himi ngɛ niyeni si, kɛ nikɔtɔmahi a sihi hehi ngɛ kpe he ɔmɛ,

Mateo 22:18

Se Yesu kpa a yi mi tomi yaya a si, nɛ e ke: “Osatotsɛmɛ, mɛni he je nyɛ ngɛ mi dae?

Mateo 16:3

Nɛ mɔtu ɔ nyɛ deɔ ke: ‘Mwɔnɛ hiɔmi maa nɛ; ejakaa hiɔwe tsu nɛ e hɛ mi ha.’ Osatotsɛmɛ, nyɛ le hiɔwe je nihi a mi bumi, se yi nɔ omɛ a he okadi ɔmɛ ɔ lɛɛ nyɛ nyɛ we nɛ nyɛɛ bu lo?

Mateo 15:7

Osatotsɛmɛ! Niinɛ nɛ Yesaia gba ngɛ nyɛ he ke:

Mateo 7:5

Osatotsɛ, je plai ɔ ngɛ mo nitse o hɛngmɛ nɔ kekle, nɛ lɔ ɔ loko o maa hyɛ nɔ paa nɛ o ma je ngu nyafii ɔ ngɛ o nyɛmi ɔ hɛngmɛ nɔ.

Mateo 5:18

Niinɛ, i ngɛ nyɛ dee ke: Be abɔ nɛ hiɔwe kɛ zugba ngɛ lolo nɛ ɔ ɔ, kpɔ kake loo ngu nyafii pe kulaa be mlaa a mi jee ja a gbe nihi tsuo kulaa nya.

Mateo 6:3

Se mo o lɛɛ, ke o ngɛ kpakpa pee ɔ, ko ha o muɔ nine nɛ le nɔ nɛ o hiɛ ɔ nine peɔ.

Mateo 23:5

Se a nihi tsuo ɔ a peɔ konɛ nihi nɛ na. Ejakaa a haa a kaimi sɛbɛ ɔmɛ bliɔ nɛ a peɔ a tade nya fiami ɔmɛ nguahi;

1 Korintobi 13:3

Nɛ ke i ngɔ ye nihi kulaa ngɔ ke nihi, nɛ ke i ngɔ ye nɔmlɔ tso ngɔ ha nɛ a sa mi, se i be suɔmi ɔ, i na we se ko.