Mateo 6:16 - Somi He Ɔ

¹⁶ “Se ke nyɛ ngɛ hwɔ hae ɔ, nyɛ ko pee nyɛ hɛ mi nɔbɔmɔbɔ kaa osatotsɛmɛ ɔmɛ; a peɔ a hɛ mi nyanyaanya konɛ nimli nɛ na kaa a ngɛ hwɔ hae. Niinɛ, i ngɛ nyɛ dee ke: A nine su a hiɔwo nɔ mo?

BAIBLO ALOO NGMAMI KLƆUKLƆU Ɔ

¹⁶ “Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Mateo 6:16 ပူးပေါင်းရင်းမြစ်များ

Luka 18:12

I haa hwɔ si enyɔ ngɛ otsi mi; si ngɔɔ ni hi tsuo nɛ i naa a mi dlami nyɔngma ngɔ haa.’

Marko 2:18

Ligbi ko ɔ, Yohane Baptisilɔ ɔ kaseli kɛ Farisifo ɔmɛ a kaseli ɔmɛ ngɛ hwɔ hae. Ni komɛ ba Yesu ngɔ ba bi lɛ ke: “Mɛni he je nɛ Yohane kɛ Farisifo ɔmɛ a kaseli ɔmɛ haa hwɔ, se o kaseli ɔmɛ lɛɛ a hɛ́ hwɔ ɔ?”

Ni Tsumi 14:23

Nɛ a hia nikɔtɔmahi ngɔ to asafo tsuaa asafo nya, nɛ a kɛ sɔlemi kɛ hwɔ hami tu mɛ ngɔ wo Nyɔmtsɛ nɔ nɛ a he ye ɔ dɛ mi.

Mateo 6:5

“Nɛ ke nyɛ ngɛ sɔlee ɔ, nyɛ ko pee kaa osatotsɛmɛ ɔmɛ, se a suɔ kaa a da kpe he ɔmɛ kɛ gbɛjegbɛ ɔmɛ a kɔ nyahi kɛ sɔle konɛ nihi nɛ na mɛ. Niinɛ, i ngɛ nyɛ dee ke: A nine su a hiɔwo nɔ mo.

Mateo 6:2

“Lɔ ɔ he ɔ ke o ngɛ kpakpa pee ɔ, ko kpa titimati ngɛ o hlami, kaa bɔ nɛ osatotsɛmɛ ɔmɛ peɔ ngɛ kpe hehi kɛ magbɛ ɔmɛ a nɔ konɛ nihi nɛ je a yi ɔ. I ngɛ nyɛ dee anɔkuale mi ke: A nine su a hiɔwo nɔ mo.

2 Korintobi 11:27

ngɛ ni tsumi kɛ pɔtɔ mi, ngɛ nyɔ fɔmihi a mi kpitikpiti, ngɛ hwɔ kɛ kuma mi, ngɛ hwɔ hamihi a mi kpitikpiti, ngɛ fiɛ̃ kɛ he gu nyɛɛmi mi?

1 Korintobi 7:5

Nyɛ ko kua nyumu kɛ yo buami ja nyɛ ni enyɔ ɔ tsuo nyɛ kplɛɛ kaa nyɛ maa pee ja, kɛ ya su be ko, konɛ nyɛ na deka nɛ nyɛɛ sɔle; nɛ lɔ ɔ se ɔ nyɛɛ pee kake ekohu, konɛ Satan ko tsɔ nyɛ nya ngɛ nyɛ he nɔ nɛ nyɛ nyɛ we nɛ nyɛɛ ye ɔ he.

Luka 2:37

se jeha nɛ ɔ yalɔ yo ji lɛ, nɛ e ye maa pee jeha nyingmi kpaanyɔ kɛ eywiɛ. E ji sɔlemi we ɔ kulaa, se e jaa Mawu kɛ hwɔ hami kɛ pɛɛ kpami nyɔ kɛ pia.

2 Korintobi 6:5

ngɛ ni fiamihi a mi, ngɛ pamitsɛmɛ a tsuhi a mi, ngɛ hoo peemihi a mi, ngɛ dengme gbomihi a mi, ngɛ nyɔ fɔmihi a mi, ngɛ hwɔ hamihi a mi,

Ni Tsumi 10:30

Kornelio ha heto ke: “Mwɔnɔ ji ligbi eywiɛ ɔ, i ngɛ sɔlee ngɛ ye we ɔ mi maa pee gbɔkuɛ ngmlɛ etɛ mi; nɛ oʼɛ, nyumu ko nɛ wo tade klaiklai ba da ye hɛ mi,

Mateo 6:1

“Nyɛɛ hyɛ nɛ hi nɛ nyɛ ko pee nyɛ dami nihi ngɛ ma hɛ mi, ke nyɛ pee ɔ, lɔ ɔ lɛɛ, nyɛ be hiɔwo ko ngɛ nyɛ tsɛ nɛ ngɛ hiɔwe ɔ ngɔ.